Juan 13:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Qam so Jesús 'naaco': —Cá'maq chita'gue nachiltac se ỹouen quiyim liỹa nquiỹo, qainauate' naua lapiaate', ma' dá'ogue co'teeta. Ca' qamiri mashic co'chiita, 'eno'm sqai qamiá'ogue.

Juan 13:10 Iomraidhean Croise

Cantares 4:7

¡Ỹaatqajam qami' lo'yaxana, qami' iqo'itqate; ỹaatqajam ỹovirañi da royaaqui'! ¡Ỹaatqajam qaica ca ra'aqshichi'!

Levítico 16:26

Chaqai cá'maq ỹaueguec ca quetaq loua' queca Azazel, ca' ỹosouec, ca ca'maxare quiỹo' caua loho chaqai nachil. Ca ma' ime, ca qaigueme ishit inoxono quena co'matqa'.

Levítico 16:28

Ca cá'maq qom copata'a so'maxare, ca quiỹo' caua loho chaqai nachil quena huaxaỹaq. Ca ma' ime, ca' qaigueme ishit quiyim inoxona'a na co'matqa'.

Mateo 6:12

Chaqai palaxachi' ca qarasauaxaset, chaqai 'nejme' qomi' sapalaxataq cá'maq se no'uen qohine'teguelo qomi'.

Juan 13:18

Dá'maq sa'xatetac mesqai taỹaugui qamiá'ogue, ma' ỹim sa'deene' cauá'maq ñca'au'alo. Qam ipaquichigui ma'le dá'maq 'nerac yaua naneresañi na'qaatqa: “Cá'maq iqui'ỹaxaua, ca lotqai ñpa'guenaxaua.”

Juan 13:9

Ca' so Simón Pedro 'naaco': —Qami' ỹa'gaxala', cha'regue mesqai nauate' quet naua ipiaate', quiỹo'e' qai'neete' naua ỹaua' chaqai na ỹaqahic.

Juan 15:3

Chicqochigui da ỹapaxaguinataxanaxac quiyim qamiri mashic co'chiita.

2 Corintios 5:17

Ca' vichiguiño' cá'maq na'deetau'a so Cristo, ca' dalaxaic da no'ueenataxac; ime' cauá'maq ñaua'pe no'ueenataxaco, ca dalaxaic dá'ogue dá'maq nachaalataxac.

2 Corintios 5:21

So Cristo ỹaatqajam qaica ca lasauaxaset. Qam ñi qota'a 'ec nqai'en ca sauaqhuaic sauaxate' qomi', qaiyi ma' qomi' ña'daqatau'a so Cristo, ca sovirqau'a dá'maq no'uen chaalataxac dá'maq ỹahotaque quiyim shinqatari' quet ñi qota'a.

2 Corintios 7:1

Ca vichiguiño' qamiri ñauochaxaua' ỹaqaỹa', 'enaua nauá'maq qaỹachaxanta'pe coqomi'. Vichiguiño' se squeuocqau'a ná'ogue ná'maq ishit napio'xote' qomi' quena qaroshicmaxa, chaqai quena qara'al. Qaro'cha'a ñi qota'a, chaqai somatqo'ot da qanachaalataxac ñi'maxare.

1 Tesalonicenses 5:23

Ca' ñi qota'a, ñí'maq chicqo'ot da na'maxa, chaqaiñi ñí'maq co'taxate' qamiri, chaqai ỹa'maxajñi dá'ogue da no'ueenataxaguii, qaiyi qaica ca rasauaxashichii nqai'en, chi ỹovireta'a ca loviraxac so qara'gaxala' Jesucristo.

Hebreos 9:10

Ma' da'maxare chaqaidaata dá'maq re'qoochigui nqui'ỹaxac, chaqai da 'taxac chaqai ná'maq ỹoreta'oguit quiỹoxoc, quená'maq chi no'ueenataxac na qaroshicmaxa. Ca' dajo ñaqa 'ue nqai 'negue, toco' ma' ñi qota'a ỹadalaxat da no'ueenataxac na'maxare.

Santiago 3:2

Ma' qomá'ogue 'xoic na qaro'maxaquipi. Qam no'm 'ue ca se ỹo'maac quiyim 'ue ca ỹa'xat, ca' ỹaatqajam 'maxaraic ỹale, ma' ỹaatqajam ỹa'den quiyim nollaañi dá'ogue da no'ueenataxac.