Juan 12:49 - La'qaatqa ñi qota'olec Qota'olec & Qota'olec Novita Na Qomyipi

⁴⁹ Ma' ỹim se ñanoiquentac quiyim setaqa; ma' ñí'maq ita'a ñí'maq yila', chaqaiñi ñí'maq chicqo'ot cá'maq sa'xat chaqai cá'maq sapaxaguinataxanegue.

Juan 12:49 Iomraidhean Croise

Juan 14:10

Ca ¿sqai vi'relec quiyim ỹim seuetagui ñi qota'a, chaqai ñí'maq qota'a hueetagui aỹim? Dauá'maq sa'xateta'pe caqamiri se ñanoiquentac quiyim sa'xate'. Ñi qota'a ñí'maq hueetagui aỹim, chaqaiñi ñí'maq ỹo'uet dá'maq chi lo'ueenataxanaxac.

Juan 14:24

Cá'maq se yi'xoren, ca se na'xaỹaxana dá'maq sa'xatetac. Dá'maq na'qaatec na'xaỹaxañitapega se ỹalamaxaret; chicqo'ot ñi qota'a ñí'maq yila'.

Juan 14:31

Qam chaqaida dá'maq qohine'tegue, qaiyi ná'maq hueetalec na 'laua ỹa'den quiyim aỹim se'xoren ñi qota'a, chaqai quiyim so'uet cá'maq yilarelec. Ne'laxachishiguim. Qolqa'e najo.

Juan 15:15

Ca tot samata'que qamiri nelaatqa, ma' cá'maq nelaatec se ỹa'den cá'maq ỹo'uet ca na'co'. Ca shinac quiyim qamiri ñauochaxaua', ma' sa'deenaxanaxañiigue ná'ogue ná'maq 'naapiguiỹa' ñi ita'a.

Juan 17:8

Ma' ỹim saanema dá'maq ra'qaachiqui' nañaañirim. Chaqai naua'maxare iconchiguit, chaqai retane' quiyim llic sachicqo'ot qami', chaqai huerelec quiyim ỹim relaachiqui'.

Juan 3:11

Ỹaatqajam llic dá'maq sa'xatem qami', ma' qomi' sa'xataq dá'maq sa'deenaq chaqai cá'maq sauanqachigui, qam qamiri sqai viilec dá'maq sa'xataq.

Juan 3:32

chaqai ỹa'xat ná'maq iuanchigui chaqai ná'maq 'xaỹa. Qam qaica cá'maq huelec dá'maq ỹa'xat.

Juan 5:19

Ca' so Jesús 'naapego' so qomyipi: —Ỹaatqajam lliqueta shinapegalo qamiri quiyim najo llaalec ñi qota'olec qaica ca ishit ỹo'uet no'm chi nanoiquenta'pegue', ta'ta'a ná'maq iuana ỹo'uet ñí'maq leta'a. Ca ná'ogue ná'maq ỹo'uet ñí'maq leta'a, qai'neeta ná'maq llaalec ỹo'uet.

Juan 5:30

Aỹim qaica ca shinegue, no'm chaqaỹim 'ue ca so'uet. Ma' ỹim so'uet ca lasauaxaset ca qom, qam quiyim qaỹamaxailec, ca' se ỹo'maac cá'maq so'uet. Ma' ỹim se so'uet cá'maq chaqai sahotaque shine'tegue, ta'ta'a cá'maq ỹahotaque ñi ita'a, ma' ñi'maxare yila'.

Juan 6:68

Qam so Simón Pedro 'naaco': —Qami' qara'gaxala', ¿negue' queto' cá'maq saxague? Ma' naua ra'qaataxahi' ỹaatqajam na'qaatqa chicqoraugui da nca'laxa sqaica lqodoc.

Juan 7:16

Ca' so Jesús 'naaco' queso qomyipi: —Dá'maq dajo mese ỹalamaxat ỹapaxaguinataxanaxac, ta'ta'a ñí'maq yila'.

Juan 8:26

Chaqai aỹim ñaqai 'xoic na ỹa'qaatqaipi ma'le caqamiri chaqai quiyim semit ca rasauaxashichii. Qam ñí'maq yila' ỹaatqajam lliqueta dá'maq ỹa'xat, chaqai dá'maq sa'xatetac quena qomyipi hueetalec na 'laua, chaqaina ná'maq sa'qaachigui la'qaatec ñi'maxare.

Juan 8:28

Vichiguiño' so Jesús 'naaco' queso qomyipi: —Ma' ỹovita quiyim nanorishiguim najo ỹale llaalec, ca qaiguemo' 'yiiñii quiyim chaqaỹim ná'maq ỹim, chaqai quiyim sqa soiquentac cá'maq so'uet, ta'ta'a quiyim sa'xat dá'maq ỹapaxaguinegue aỹim ñí'maq ita'a.

Juan 8:42

Ca' so Jesús 'naaco' queso qomyipi: —Quetqai llic qataa'i ñi qota'olec, ca 'xoriñii quet aỹim. Ma' ỹim sachicqo'ot ñi'maxare, ca nagui salequetauguilo qamiri. Chaqai se ñanoiquentac ñanac, ma' chaqaiñi ñí'maq qota'olec yila'.

Deuteronomio 18:18

Ca' ỹim so'uet ma'le ca itaxaỹaxaqui sachigoxotetougui najo qomyipi 'nejem qami'. Ca'maxare chi lauo' le'ec na'maxare. Ca ca'maxare 'naapega ma'le quedá'maq selarelec quiyim ỹa'xat, ca lotqai liỹa pilalec ỹa'xat dá'maq selarelec.

Apocalipsis 1:1

Ca dajo dá'maq 'neeta da neuanaxanaxac ỹaanem ñi qota'a so Jesucristo, qaiyi so'maxare ỹa'deenaxanaxanegue na lelaatqaipi dá'maq sqaỹaloq re'oq. Ca' so Jesucristo ỹa'deenaxanaxanegue dajo leuanaxanaxac najo lelaatec Juan, chicqochigui nqai'en so lelaatec piguim le'ec.