Juan 12:48 - La'qaatqa ñi qota'olec Qota'olec & Qota'olec Novita Na Qomyipi

⁴⁸ Cá'maq se icoñiguit aỹim chaqai se na'xayaxanalo naua ỹa'qaatqa, chaqa'ma' shi'gue 'ue ñí'maq ỹo'uet ca nouaxanaxaset ca'maxare. Nauá'maq na'qaatqa sa'xateta'pe, chaqainaua nauá'maq ỹo'ueete' ca nouaxanaxaset ca qom queca pa'aatec na'xa'a.

Juan 12:48 Iomraidhean Croise

Isaías 53:3

na ỹalliripi se icoñiguit chaqai ỹo'da'guit. Queso ỹale ỹaatqajam 'xoic na nqui'ic chaqai da le'xoric. Mashic 'ec cá'maq se sa'maxarenaq seuanaxa, qomi' lliỹoxosqa'piguit, qaica ca sauaqaque.

Mateo 10:15

Ca ỹaatqajam llic da shinac caqamiri quecajo pa'aatec na'xa'a ma' ñi qota'olec imit ná'ogue najo, ca' ca nouaxanaxaset cajo na'a' paguec lecaic ma'le ca nouaxanaxaset queso qomyipi na'ñi na'le yi Sodoma chaqai yi Gomorra.

Mateo 21:42

Ca' so Jesús 'naaco': —¿Se ỹauanapego' quen quiyim taxailgoto naua naneresañi la'qaatqa ñi qota'olec? 'Neracsa': So qa' qaỹañijin queso 'imec lo'ollipi, chaqaiso' só'maq nollaañi ca 'imec. Dajo ỹo'ueeto' na'le ñi qara'gaxala'. Ca' dajo 'ec chalego nqaishinaq na lemaqachic.

Mateo 25:31

Ca ma' novi' najo ỹale llaalec quiyim nashi, qalapoỹau'a quena lelaatqaipi piguim laseripi, ca nqa'xañigui aca 'ue lauaq nashi nqa'xanaxaqui.

Marcos 12:10

¿Saqa' taxahilgoto' quen yaua naneresañi la'qaatqa ñi qota'olec? Ma' 'nerac: Só'maq qa' ỹañijin so 'imec lo'ollipi, chaqaiso só'maq nollaañi nqohin ca 'imec.

Marcos 16:16

Ca cá'maq huelec, ca' qanachilaxan, ca' chaqaica cá'maq qanca'laxatec ma'le; qam cá'maq sqai huelec, ca' chaqai 'neetari' sqa nac ca lasauaxaset.

Marcos 8:31

Co'na'le, ca' ra'qaataxantapegalo so'maxare, ca 'naaco': —Najo ỹale llaalec 'xoic ma'le ca le'xoric, chaqai qaỹo'daauec ma'le quena nqo'xonqaipi, chaqai quena la'gaxalateripi na netaxaỹaxanqajanqaipi quena' qaretaxaỹa'pegue' ñi qota'a, chaqai na napaxaguinataxanaq quena naqataxaquipi. Chaqai ra'qaataxanema quiyim qaỹalauat ma'le so'maxare, qam ma' ỹovirerec caua tres na'xata', ca lotqai liỹa nca'leuec.

Lucas 10:16

Qam ca na'xaỹaxanalo qamiri, ca' chaqaỹim na'xaỹaxana. Qam ca se ỹacoñiguita qamiri, ca' chaqaỹim se ỹacoñiguit. Qam ca se ỹacoñiguit aỹim, ca' chaqaiñi ñí'maq yila' ñi se ỹacoñiguit.

Lucas 17:25

Qam 'au quiyim 'xoic ma'le ca le'xoric, chaqai se qaicoñiguit quena qomyipi hueetauguilo nauajo na'xata'.

Lucas 20:17

Qam so Jesús ra'ỹaugui so qomyipi, ca 'naaco': —¿Negue' ca reloqo'tegue yi naneretañi la'qaatec ñi qota'olec? Ma' 'naac: So qa' lañijnec ná'maq ỹo'ueetac na 'imec, ca chaqaica ca ỹovira'a quiyim ra'ñichiguiñi nqai'en ca 'imec.

Lucas 7:30

Qam ná'maq fariseoipi, chaqai ná'maq rapaxaguinataxanta'pegue na naqataxaquipi ná'maq se qanachilaxan queso Juan, se nqo'ta dá'maq sham ỹo'uet ñi qota'olec quesaua'maxare.

Lucas 9:22

Chaqai 'naac: —Najo ỹale llaalec ỹaatqajam 'xoic ma'le ca le'xoric, chaqai se qaicoñiguit quena qo'xoiquipi, chaqai na lashillipi na letaxaỹaxanqajanqaipi na qomyipi quena' qaretaxaỹa'pegue' ñi qota'a, chaqai ná'maq rapaxaguinataxanta'pegue na naqataxaquipi, chaqai qaỹalauat ma'le. Qam ma' ỹovirerec caua tres na'xata', ca' liỹa nca'leuec.

Lucas 9:26

Ma' ca npocoxolec aỹim chaqai da ỹa'qaatec, qai'neeta najo ỹale llaalec npocoxolec ma'le ca'maxare, ma' ỹovirelec quiyim rapil ma' ỹovita quiyim nashi, naquetaugui da lauaq ñi leta'a chaqai na co'teeta lelaatqaipi piguim laseripi.

Juan 11:24

Ca' aso Marta 'naaco': —Ajá'a, ỹim sa'den quiyim liỹa nca'leuec ma'le, ma' ỹovita quiyim liỹa qanca'laxatec na leuaxaiquipi queca pa'aatec na'xa'a.

Juan 5:45

Sqai 'ñiitapega quiyim aỹim sa'xatem ñi ita'a ca rasauaxashichii. Ma' chaqaiso so Moisés só'maq ỹa'xat ca ro'maxaguii só'maq lliito'ot da naquitaxaguii qamiri.

Juan 6:39

Ma' dá'maq ỹahotaque ñí'maq yila' ita'a quiyim aỹim qaica ca ña'laxatañi quená'maq nañaañim, ta'ta'a quiyim liỹa ñca'laxatec quecá'maq pa'aatec na'xa'a.

Juan 8:47

Cá'maq lalamaxaret ñi qota'olec, na'xaỹaxanalo naua la'qaatqa ñi qota'olec. Qam qamiri se lalamaxarete' ñi qota'olec, vichiguiño' se na'xaỹaxañii.

Hechos 17:31

Ma' ñi'maxare mashic ỹa'uo' ca laloqojnec na'xa'a quiyim imit ná'ogue na qom neetalec na 'laua quiyim ỹoỹoote'oga ca lo'yaxanec, qam ỹachigoxochichigui so ỹale chi lca'acsec, leenaxat Jesús. Ca' quedajo ichoxochichigui quená'ogue, na' ileu, qam liỹa nca'laxatec.

Hechos 3:23

Ma' ná'ogue ná'maq se na'xaỹaxana cajo na'qaataxanqajnec, ca' se qaỹalecqajnougui na Israel laseripi chaqai qaỹaqa'viỹa'gue.”

Romanos 2:16

quecajo pa'aatec na'xa'a, ma' ỹovita quiyim ñi qota'olec imite' naua se re'xoguilo no'ueenataxaco ná'ogue na qomyipi chicqochigui nqai'en so Jesucristo. Ca' ipaquichigui ma'le dajo sa'xatetac na'qaatec chicqaugui da nca'laxa.

2 Corintios 4:3

Qam no'm se re'oq nqohin dá'maq sa'xatqatac na'qaatec chicqaugui da nca'laxa, dajo 'neeta, qam taỹalec ná'maq qomyipi tai'a quiyim palac nqohin.

2 Tesalonicenses 1:8

Ma' novi' so'maxare, ca' ỹa'ue ca nouaxanaxaset ná'maq se ỹa'deenapega ñi qota'a chaqai se na'xaỹaxana da na'qaataxac so qara'gaxala' Jesucristo.

Hebreos 10:25

Sqai qolaxa'uegue dá'maq lanatec ná'maq se ỹalecapogo quenaua qalapoxoco. Ta'ta'a quiyim ña'ñaxatqata'ta' paguec nagui, ma' mashic sa'deenaq cajo na'xa'a loviraxaqui so qara'gaxala' tot qoỹoxoguit.

Hebreos 12:25

Vichiguiño' ỹaatqajam richilliỹaño' 'neeto' lotqai 'ue ca se icoñiguit ñí'maq retaqatapegalo qomi'. Ma' sqaica ca qohit quesó'maq se na'xaỹaxano' na'le ñi qota'a na' qatetapega so qomyipi quenajo 'laua, ca ¿huose'queto' qohite' qomi' no'm se ña'xaỹaxanaxa ñí'maq qota'a neteltapegalo qomi' neeta'gue da piguim?

Hebreos 2:3

¿Huose'queto' qohite' qomi' no'm sqailligueme' ya'ỹoxolec dá'maq llicyaxac dá'maq chalego lecaic nca'laxa? Ma' chaqaiso so qara'gaxala' só'maq 'au ỹa'xato' na'le dajo nca'laxa, ca co'na' ime, ca lotqai qalam só'maq na'xaỹaxantapega so'maxare chaqai ỹaatqajam 'chichiguiñi nqai'en da na'qaatec. Ime, ca lotqai ra'qaataxanalo qomi'.

Hebreos 4:12

Ma' da la'qaatec ñi qota'a nca'leetauec chaqai 'ue da lquesaxanaxa. Chaqai paguec llaaxa quená'ogue na lecat dos llaaxa', chaqai ishit ỹovirau'a na pa'aauo se re'xogui quena qom chaqai quedá'maq hueetagui da nachaalataxac, vire'ta ná'maq paguec pa'aauo quena qom; chaqai ichoxot ca na'deenataxanaxac, chaqai quecá'maq 'ueenataxac hueetagui añi ne'taxanata.

1 Pedro 1:5

Ma' qamiri 'ue da rpi'ỹaxaguii quiñi qota'a, ca ñi'maxare quepaqataxanlgoto qamiri queda lquesaxanaxa, qaiyi viriỹau'a da rca'laxahi ỹahotaque ỹachaxanema qamiri quecaua pa'aaterec na'xata'.

2 Pedro 3:3

Qam qamiri se couahitaque ma'le dajo: ma' quecaua co'uaataxanaxaqa na'xata', ca' 'ue ma'le ca qomyipi i'neetac ma'le dá'maq coñiguit na'qaatec, ma' queeta'pegue' dá'maq se no'uen 'ueenataxac.

2 Pedro 3:7

Qam ná'maq piguim chaqai na 'laua ñaqa 'vii nagui, naua'maxare tai'alo nqohine' ca norec, qam qaiyiita chicqochigui da la'qaatec ñi qota'a. Cajo norec ỹavigaxate' ma'le naua'maxare, ma' ỹovita ca na'xa'a quiyim qaimit ná'ogue najo, ma' qaỹomat ná'ogue na hualoxonyipi.

1 Samuel 10:19

Qam nagui qamiri liỹoxoỹa'piguit ñi qota'olec ñí'maq naqata'alo qamiri quená'ogue nanchaqaina ỹo'ueetetac na re'xoriguii. Ca' qamiri liỹoxoỹa'piguit na' shiilaxañitaque ca rashii quiyim reloqota'alo qamiri. Ca' vichiguiño' nagui naguipegue' ñi qara'gaxala', riỹahitac cá'maq chaqai qachaalaxahipi chaqai ca chi qauori laseripi.

1 Samuel 8:7

Qam ñi qara'gaxala' 'naaco': —Na'xaỹaxañita quecá'maq roỹaxantaque na qomyipi, ma' ỹim ná'maq liỹoqa'piguit, mesqai qami', qaiyi se seloqota'a najo qomyipi.