Juan 12:46 - La'qaatqa ñi qota'olec Qota'olec & Qota'olec Novita Na Qomyipi

⁴⁶ Ỹim ma' ỹim lcoỹeraqate na 'laua, qaiyi quená'maq huelec aỹim se no'ueenaugui na napalaxa.

Juan 12:46 Iomraidhean Croise

Salmos 36:9

ma' chaqaiqami' chicqotacot da nca'laxa, chaqai queda rauaqe', ca' seuanaxa quiyim richiichiguiñi.

Isaías 40:1

'Naac ñi qota'olec caqamiri: Lo'daxachigui lauel na ỹalamaxareteripi, lo'daxachigui lauel;

Isaías 42:7

Sahotaque neuanñi nqai'ñi' na qai'laqaipi, quiyim naqachira'a na ncoñiitecseripi cañi ncoñiitaxanaxaqui qaỹapootau'a quiyi hua'ñi na napalaxa.

Malaquías 4:2

Qam caqamiri ma' yimaqachiñitac, ca' da ỹa'maqataxanaxa naviguec ma'le caqamiri, 'ec da lauaq añi ra'aasa, ca' queda lauaq chicqaugui da nca'laxa. Ca' qamiri nenochishiguim ma'le queda netoonaxaguii, 'ec ca huaqui llaalec quena' nenoxonec cañi lahi'.

Mateo 4:16

Ná'maq qomyipi hueetapougui na napalaxa, iuana aso chalego lecaic 'eco' ncoỹeraxanaxaqui. Chaqai ná'maq hueeto'ot na la'al da nelauaxa, ca' qaicoỹarelec caso 'ec ncoỹeraxanaxaqui.

Lucas 2:32

Ma' chaqaina ná'maq ncoỹeraxanaxaqui ma' coỹarelec ná'maq sqai Israel laseripi, chaqai ỹo'uet da lichoxoric ná'maq Israel llaalqaipi ná'maq lalamqateripi.

Juan 1:9

Só'maq ỹaatqajam ncoỹeraxanaxat, só'maq coỹarelec ná'ogue na qomyipi, so'maxare naata'a na 'laua.

Juan 3:19

Ná'maq sqai huelec, ca' 'ue ca nouaxanaxaset, ma' na' novita na 'laua so ncoỹeraxanaxat, ỹapacqajnauec da lqo'iichi quena napalaxa, ma' se no'uen ná'maq ỹo'ueetetac.

Juan 8:12

So Jesús liỹo' retaqaugui na qomyipi, ca 'naaco': —Aỹim chaqaỹim ná'maq lcoỹeraqate na 'laua. Cá'maq coỹareta'pegue' aỹim, ca 'ue ma'le aca lcoỹeraxanaxaqui ỹo'uet da lca'laxa. Ca totqai hueetapougui ca napalaxa.

Juan 9:39

Co'na' ime, ca 'naaco' so Jesús: —Ỹim ñanaỹa na 'laua, qaiyi qaỹa'ue ca lasauaxaset ca qom, qaiyi nauanñi cá'maq se nauanñi, chaqai ná'maq nauanchiguiñi, ca' se nauanñi nqohin.

Juan 9:5

Quiyim ñaqa seuetalec na 'laua, ca' ỹim lcoỹeraxat na 'laua.

Hechos 26:18

Ỹim selatalo qami' caua'maxare, qaiyi naviguerec nqai'ñi' naua nqote', qaiyi totqai queetapougui na napalaxa, qainaata na lauaq queetapougui, qaiyi totqai qoỹoiquentac queda lquesaxanaxa so na'ỹaapec, qaiyi quegue ñi qota'a, chaqai qaiyi huelec caỹim, ca qaỹapalaxate' naua lasauaxasete', ca lotqai qaỹalecqajno quiyi la'a' ná'maq ỹaatqajam lca'acseripi ñi qota'a.”

Efesios 5:14

Vichiguiño' da na'qaatec 'naacsa': Ma' qami' ñaqai laqaite', ca' nelo'irec; ne'laxachirishiguim quena leuaxaiquipi, ca' coỹarelec qami' ma'le so Cristo.