Juan 12:40 - La'qaatqa ñi qota'olec Qota'olec & Qota'olec Novita Na Qomyipi

⁴⁰ Ñi qota'olec se nauanñi nqai'en na'maxare chaqai ỹa'ñaxat añi le'taxanata, qaiyi se reuanaxanalo naua nqote', chaqai cañi le'taxanata se ỹa'yiiñigui nqai'en dajo, chaqai sqo pila'a aỹim, qaiyi aỹim somatec.

Juan 12:40 Iomraidhean Croise

1 Reyes 22:20

Ca' ñi qara'gaxala' renataxano', 'naaco', nega'ỹo' ca quepegue' ñi Acab quiyim 'naapega quiyim queu'a nalauate'e' yi Ramot huaugui yi 'laua Galaad, qaiyi chaqaiyi hua'ñi ma'le. Ca 'uo' quen na 'ue da ỹa'xat chaqai na liỹa lotqai ỹa'xat da liỹa.

Salmos 6:2

Qami' ỹa'gaxala', yi'xoriñi', ma' ñauate'e quiyim qaica ca ỹa'ñaxac. Qami' ỹa'gaxala', rapilaxachi' ca ỹa'maxa, ma' ná'ogue na ỹoshicmaxa i'loxol.

Éxodo 10:1

Ca' ñi qara'gaxala' 'naaco' queso Moisés: —Mo'e', quirepegue' ñi Faraón, ma' ỹim so'uet quiyim ñi'maxare chaqai na lotauaripi ỹa'ñaxat añi le'taxanata, ca' se na'xaỹaxan. Qaiyi seshit sachaxanem quiyim so'uet ná'maq chalego lecaic ỹo'uet ca ne'laxa,

Éxodo 11:10

Ca' so Moisés chaqai so Aarón ỹo'ueete' ná'ogue ná'maq se ỹauanapega, iuanchigui so nashi Faraón, qam ñi qara'gaxala' ỹa'ñaxachigui lauel nqai'en so'maxare, ca' so nashi sqai ỹaxanec quiyim ca'e yi Egipto so llaalqaipi so Israel.

Éxodo 14:17

Ca' ỹim sa'ñaxat añi le'taxanata na Egipto laseripi quiyim quelgoto ỹocana'pe qamiri. Ca' re'oq nqaishin ma'le da iquesaxanaxa quena Faraón chaqai quená'ogue na nalliripi chaqai cana lahoglena chaqai quena shipiguiripi.

Éxodo 14:4

Ca' ỹim so'uet ma'le quiyim ñi Faraón ra'ñii añi le'taxanata, ca' co'uajlgoto qamiri ma'le. Ca' quiyi hua'ñi ma'le, ca sachaxanem ñi'maxare da iquesaxanaxa chaqai qai'neeta ná'ogue na nalliripi. Qaiyi ỹa'den ná'ogue na Egipto laseripi quiyim chaqaỹim ná'maq ỹim na'gaxala'. Ca' chaqaida 'ne'tegue so Israel llaalqaipi.

Éxodo 14:8

Ca' ñi qara'gaxala' ỹo'uet ra'ñiigui lauel nqai'en so Faraón. Ca' co'uajlec so Israel llaalqaipi, 'eno'm so'maxare ỹaatqajam chalego da lquesaxanaxa na' ca'e yi'maxare.

Éxodo 9:12

Qam ñi qara'gaxala' ỹo'uet quiyim so Faraón ỹa'ñaxat añi le'taxanata, ca se na'xaỹaxanalo saua Moisés chaqai so Aarón. Ca' ipaquichigui dá'maq 'naaco' na'le ñi qara'gaxala' queso Moisés.

Isaías 53:5

Qam qaica'laxatauec sauaxat quiyim se ña'xaỹaxanaxa, ca qaiqa'viỹa'gue sauaxat da se no'uen hueetaguilo qomi'; da le'xoric na' qaỹouaxantac, ca chicqochigui da no'daxa coqomi', chaqai quesaua lcoñiraxa', ca qomá'ogue qaremeuec.

Isaías 6:10

Ra'ñii nqai'ñi' yi la'deenataxanaxac najo qomyipi; po'iriguilo naua lque'laa lauaco, 'xachiriguilo naua nqote', qaiyi se reuanaxan chaqai quiyim 'qaa, chaqai quiyim se ỹa'deene'uegue, qaiyi se rapilot aỹim, qaiyi se somatec.

Isaías 6:9

Ca' ñi qara'gaxala' 'naac caỹim: Mo'e', ca 'ñiraco' ma'le dajo quiyi qomyipi: 'Eno'm 'xahitapega, qam sqa 'yiiñii; 'eno'm 'ajñitac, qam 'ec sqai huañiỹa.

Oseas 6:1

Nahiquena qamiá'ogue, ca' sopilaxa ñi qara'gaxala'. Ñi'maxare ỹopoxoỹaxatete' qomi', qam qai'neeta natarene' qomi', ca qaromatec; qarcoñirqachit, qam qai'neeta qarataren ma'le.

Mateo 15:14

'Xañiỹac, ma' na'maxare se neuanñi chaqai ỹashaxantac ná'maq liỹa se nauanñi. Chaqai no'm cá'maq se nauanñi ỹauequetegueri' cá'maq liỹa se nauanñi, ca' caua'que tari'ñigui aca ni'ỹa ma'le.

Marcos 4:12

qaiyi no'm 'ue ca iuanchigui, qam 'ec se reuanaxan, chaqai no'm 'qaatac, qam se ỹa'den cá'maq reloqo'tegue, qaiyi se nañaano, ca' se qaỹapalaxate' naua lasauaxasete'.

Marcos 6:52

Ma' saua'maxare saqa' ỹa'deene' da se qaiuanapega queso pan, ma' ñaqa 'ue da la'ñaxague' naua le'taxanata saua'maxare.

Lucas 4:18

So ne'Espíritu ñi qara'gaxala' neeta'angui aỹim, ma' qoỹanagui aỹim qaiyi sa'xatem da no'uen la'xaỹaxac na 'xoraiquipi; chaqai qaỹamaxailec quiyim somatec na 'ue na lachicoxo, chaqai qaiyi sa'xatem quiyim qaỹosouec na ncoñiitecseripi, chaqai quiyim nauanñi nqaishin na se nauanñi, chaqai sosouec ná'maq se qaỹa'maxata'gue,

Lucas 8:10

Ca so'maxare 'naaco': —Ñi qota'olec ỹa'deenaxanaxanque qamiri ná'maq se re'xogui leloxoỹaxac da lo'ueenataxanaxac. Qam na liỹaripi sahote'e ỹaloqojnaxanaxat, qaiyi na'maxare quená'maq iuana, qam 'ec se reuanaxan, chaqai 'qaatac, qam se ỹa'den ca 'neeta cá'maq qaỹa'xat.

Juan 12:39

Ca' se ishit quiyim 'ue ca huelec, ma' qai'neeta ỹiriñi so Isaías:

Juan 9:39

Co'na' ime, ca 'naaco' so Jesús: —Ỹim ñanaỹa na 'laua, qaiyi qaỹa'ue ca lasauaxaset ca qom, qaiyi nauanñi cá'maq se nauanñi, chaqai ná'maq nauanchiguiñi, ca' se nauanñi nqohin.

Hechos 15:3

Ca ilate' saua'maxare só'maq mashic ỹacoñiguit da na'qaatec na'ñi yi Antioquía. Qam co'na' que', ca queeterelec yi 'laua leenaxat Fenicia chaqai Samaria, ỹa'xatesac dá'maq 'neeta quená'maq sqai judío mashic ỹaxanñi da 'auaxaic no'ueenataxac, ca' quelec ñi qota'olec. Ca' so nqaỹaripi ỹaatqajam 'xoico' da netoonaxac co'na' 'ue da la'xaỹaxac.

Hechos 28:26

Mo'e', quirepegue', ca 'ñirapego' yi qomyipi: Qamiri 'xahitapega ma'le da na'qaatec, qam sqa 'yiiñii; ỹaatqajam ra'iita'a dá'maq sachaxantac, qam sqai huañiỹa;

Hechos 3:19

Vichiguiño' nagui no'uen quiyim 'xañiñi naua no'ueenataxagohi, ca' nañaañiỹot ñi qota'olec, qaiyi ñi'maxare ỹapalaxate' naua rasauaxashichiri. Ca' ñi qara'gaxala' ishit quiyim nelatalo qamiri caua na'xata' quiyim ra'maxaichiguiñi,

Romanos 9:18

Ca' 'eda da 'neeta quiyim ñi qota'olec nqouaguegue cá'maq nqouaguegue, chaqai qai'neeta ỹa'ñaxat aca le'taxanata cá'maq ỹahotaque ra'ñi nqai'en.