Juan 12:32 - La'qaatqa ñi qota'olec Qota'olec & Qota'olec Novita Na Qomyipi

³² Ca ma' ỹovita quiyim qananojshiguim aỹim quena 'laua, ca' ñauego ma'le ná'ogue na qomyipi.

Juan 12:32 Iomraidhean Croise

2 Samuel 18:9

Ca' so Absalón 'uo' so lañaxala' que'laic, ca' ỹaatqajam nachiñi'chiguito' so nocanaxanaripi queso lauo' so David. Co'na'le, ca' so que'laic 'eet, quiichi'ñot ada qo'paq late'ogue', leenaxat encina. Ca' so lqasaguiachi' aso qo'paq lasote que'eene'tot na lqosot so Absalón, ca' neetagui aso qo'paq inocashiguim. Ca no'ueente'uegue so que'laic, 'eet.

Cantares 1:4

¡Qaỹaloq yi'xachi'! ¡Qami' ỹashi, yaviquira'alo caua qauotochi'! Ñitoonqatac ma' ñaqatqata'guit qami'; paguec so'leentaqataque ma'le da neneequesenaxaqui' quena lataxa. ¡Chaxaso' ma' nqo'ta qami' na 'aallipi!

Isaías 11:10

Ca' quecajo na'xa'a ma'le, ca' cajo llaxataxai ca lpa'a' ma' chaqaiso so Isaí ne'laxashiguim, ca' netanec quená'ogue na qomyipi quena 'laua; ná'ogue na ỹoreta'oguit qomyipi quena 'laua eec idaanaque, qam cá'maq ỹaatqajam hueeta'ñi ma'le ỹaatqajam 'xoic na lauaq. (11.11-16 Ỹaatqajam qaica ca ỹa'paxat quiyim pil só'maq neetalec yi ỹoqa'a 'laua.) (12.1-6 Ro'ueenaxan, ca' ỹaanshiguim da na'aachic.) (13.1-22 Ỹaatqajam qai'neetac yi Babilonia.)

Isaías 49:6

'neetasa' da la'qaatec: Mesqai nodaachiguiñi quiyim qami' ilaatec quiyim qaidaata rapilaxachi' na llaalqaipi so llaalqaipi so Jacob chaqai quiyim rapilaxachi' na ca'laaxaiquipi quena'maxare; qai'neeta ỹim so'uet quiyim qami' lcoỹeraxanaxat ná'ogue na ỹoreta'oguit qomyipi, qaiyi 'xachisac da ica'laqataxanaxac quenaua paguec qoỹoqo'teguelo lahil na 'laua.

Oseas 11:4

'Ec lepateta'gue ca la'na'gue nqaishin da lesotaxa da icochaxac chaqai 'ec lequeete' da i'xorenataxanaxa, ca' ñauega'a aỹim; leseequete'oga nqaishin quenaua ỹashilque, 'ec nqaishin ca noctoqui' ñaqai llipetac; ñqai'guiñi, ca' saanem ca lepetaxanaxat.

Números 21:9

Ca' so Moisés ỹo'uet so ladenqatec nanaic, ỹachigoxotaugui na lecat leenaxat bronce. Ca' ỹa'ue aso lashi, ca' ỹanashiguim. Ca' quiyim 'ue ca qaỹa'ac quena nanaic, ca' ra'ỹo'ot so nadenqatec, ca chaqa'ma' nca'leuec. (21.10-20 So llaalqaipi so Israel liỹa eec quedá'maq taỹa'gue.)

Juan 1:7

So'maxare anac, qam chi ỹa'xateta'guit da lauaq so ncoỹeraxanaxat, qaiyi ná'ogue na qomyipi huelec, chicqochigui dá'maq la'qaataxanaxac so'maxare.

Juan 12:34

Ca' na qomyipi 'naaco' queso'maxare: —Qomi' sa'xaiqatac quena' qaretaqalec ana lere ana lomalate na naqataxaquipi quiyim cajo nashi nca'laxaqui sqaica lqodoc da nachaalataxac. Qam ¿chi'neco' qami' 'ñirac quiyim cajo ỹale llaalec qananojshiguim ma'le? ¿Chi nega'ỹo' ca 'ñiisapega ỹale llaalec?

Juan 18:32

Ca' queda, ca ipaquichigui dá'maq 'naaco' na'le so Jesús quedá'maq 'neeta ma'le quiyim ileu.

Juan 19:17

Ca' qaỹauec so Jesús i'xateta nqohin so npatenaxala', quepegue' yi 'laua leenaxat nqohin nqahic lpi'nec loma'. Qam quena hebreo la'qaatqa qohinac Gólgota.

Juan 3:14

Ca' chaqaida dá'maq 'ne'teco' so Moisés na' nanojshiguim so nadenqatec nanaic quiyi 'laua qaica qom, ca qai'neeta najo ỹale llaalec ỹouen quiyim qananojshiguim,

Juan 6:44

Sqaica ca ishit nacpegue' aỹim, no'm se qanauego quiñi ita'a ñí'maq yila'; chaqai aỹim liỹa ñca'laxatec queca pa'aatec na'xa'a.

Juan 8:28

Vichiguiño' so Jesús 'naaco' queso qomyipi: —Ma' ỹovita quiyim nanorishiguim najo ỹale llaalec, ca qaiguemo' 'yiiñii quiyim chaqaỹim ná'maq ỹim, chaqai quiyim sqa soiquentac cá'maq so'uet, ta'ta'a quiyim sa'xat dá'maq ỹapaxaguinegue aỹim ñí'maq ita'a.

Gálatas 3:13

Qam so Cristo quepaqataxanlgoto qomi' quedá'maq chalego lecaic qanouaxanaxaset quet chicqochigui so naqataxaquipi, ma' so'maxare npa'xanguit dá'maq chalego lecaic nouaxanaxaset talgoto quet qomi'. Ma' naua naneresañi na'qaatqa 'neracsa': “Chalego lecaic ca nouaxanaxaset quiñi qota'a ná'ogue ná'maq qaicoñirashiguim queca qo'paq.”

1 Timoteo 2:6

Ma' so Jesucristo nañaañiguit da lelauaxa, ca' ishiueten so laseuete da lca'laxa ná'ogue na qomyipi, ca' dajo qaỹa'xat na' chi ỹovita cá'maq laloqo'.

Hebreos 2:9

Qam qomi' seuanaxa so Jesús só'maq ñi qota'a paguec nqo'ñiichiguiñi nqai'en quena lelaatqaipi piguim laseripi, qam se ladoguec. Ca quedá'maq le'xorenataxanaxa ñi qota'a, ca ỹo'uet quiyim ileualec ná'ogue; ca' nagui qoỹanagui da lecaic chaqai da lemaqachic, ma' ỹovirau'a da le'xoric na' ileu.

1 Pedro 2:24

Chaqaiso so Cristo i'xat sá'ogue so qarasauaxaset hueetaugui nqai'en so loshicmaxa, i'xatashiguim na' qaipateno queso npatenaxala', qaiyi le'en saxanaxañi da nasauaxaset, ca qolaxalec da 'maxaraic chaalataxac. So'maxare coñirqata, qaiyi remiiuec qamiri.

1 Pedro 3:18

Ma' so Cristo queda le'xoric, ca' ileualgoto naua qarasauaxasete'; 'oonoqui', ca' chaqa'ma' imaauec nqai'en. So'maxare ỹaatqajam huagaxaraic, qam ileualgoto na'le qomi' quiyim qomi' hualoxona', qaiyi ỹauega'alo qomi' ñi qota'a. Ỹaatqajam qaỹalauat quesó'maq loshicmaxa, qam liỹa nca'leuec nqohin quesó'maq se re'xogui.

1 Juan 2:2

So Jesucristo chaqaiso só'maq chicqochigui quiyim qaỹapalaxate' naua qarasauaxasete', chaqai mesqoqometa, ma' qai'neeta quená'ogue na qomyipi hueetalec na 'laua.

Apocalipsis 5:9

Ca qaỹo'ueentac dajo dalaxaic no'ueenec, 'neetasa': Qami' 'iichichiguit quiyim coñita ana lere chaqai quiyim naqachi' naua qaỹa'gaxanaxansañi netanaqsete; ma' qaỹalauat na'le aqami', chaqai quesaua reuochi', ca' laseue' na' shiujnaxañitalo qomi', chigoxochiraugui ná'ogue na ỹoreta'oguit qomyipi ỹoreta'oguit na la'qaatec, qaiyi lalamaxareteripi ñi qota'a.