Juan 12:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ca' nagui ỹaatqajam 'xoic da shinta; ca ¿nega'ỹo' ca shinac? ¿Loqo'm shinac: “Qami' ita'a, yca'laxachirec quedá'maq naatailec nagui”? Qam chaqaida dá'maq 'em ñanac.

Juan 12:27 Iomraidhean Croise

Salmos 6:3

¡Mashic yi'loxoltari' quena iqolonaxa! Ca' qami' ỹa'gaxala', ¿laquio' chi novichi'?

Salmos 88:3

Chalego lecaic dá'maq se no'uen taalec aỹim, ca mashic sham yileu;

Isaías 53:3

na ỹalliripi se icoñiguit chaqai ỹo'da'guit. Queso ỹale ỹaatqajam 'xoic na nqui'ic chaqai da le'xoric. Mashic 'ec cá'maq se sa'maxarenaq seuanaxa, qomi' lliỹoxosqa'piguit, qaica ca sauaqaque.

Mateo 11:25

Ca' quesojo na'xa'a so Jesús 'naaco': —Qami' ita'a qota'olec, ma' qami' na'gaxala' queda piguim chaqai quena 'laua, semaqachin aqami', ma' qami' chaxañitem ná'maq qaica ca ỹa'den dá'maq 'xochirapeguem na 'deenaxanqachaqaic chaqai ná'maq 'xoic na ỹa'den.

Mateo 11:26

Ajá'a, qami' ita'a, ma' chaqaido' dá'maq vi'saque.

Mateo 26:42

Ca lotqai liỹa eec, ca 'neetayi da nqouagaxainaxac: —Qami' ita'a, no'm 'ue ca la'maqa' quiyim se sovira'a dajo ñi'guenaxac, qam no'uen quiyim chaqaida nqai'ñi' cá'maq vi'saque.

Mateo 26:45

Ca quepegue' yí'maq hueesa'ñi saua lapaxaguinatqa. Ca 'naaco' quesaua'maxare: —Nagui maqsa' laxahi chaqai nco'machiuec. Ma' mashic ỹovita yi laloqo' quiyim najo ỹale llaalec qoỹaaneu'a na qomyipi hualoxonyipi.

Lucas 22:44

Ca co'na' paguec da le'xoric, ca lotqai noquigaxatec da lquesaxanaxa da nqouagaxainaxac, chaqai na nenoxoỹaxa naquetac, 'ec naua leuo' ñitetañi quena 'laua.

Lucas 22:53

Quena' ỹim salequetauguilo qamiri quesaua'que saua na'xata' cañi no'ueenaxanaxaqui late'ogue', qam qaica ca 'ñii'tegue aỹim. Qam mashic ỹovita ca laloqo' quiyim 'ueenataxañii chaqai quena' ỹapacauec da lquesaxanaxa da lo'ueenataxanaxac na napalaxa.

Juan 11:41

Co'na'le, ca qanaqat so qa'. Ca' so Jesús ra'ishiguimo' quena piguim, ca 'naaco': —Qami' ita'a, saanot qami' da ña'aachic, ma' na'xaỹaxañita aỹim.

Juan 12:23

Ca' so Jesús 'naaco' quesaua'maxare: —Ỹovita yi laloqo' quiyim najo ỹale llaalec qaimaqachin ma'le.

Juan 13:21

Ca co'na' ime 'naac dajo, ca' so Jesús ỹaatqajam qaidaxanac i'laqac añi le'taxanata, ca ỹaatqajam ichoxoteta dajo, 'naaco': —Ỹaatqajam llic da shinac caqamiri, quiyim 'oonoqui' ñí caqamiri ñí'maq yayaano ma'le.

Juan 18:37

Ca' so Pilato 'naaco' queso'maxare: —¿Ca' llic quiyim ỹaatqajam qami' nashi? Ca' so Jesús 'naaco': —Ỹim nashi, chaqaida dá'maq 'ñirac. Ñanaỹa na 'laua na' ñi'qaañi, ma' sahotaque sa'xat dá'maq lliqueta. Ca ná'ogue ná'maq huelec dá'maq lliqueta, ca na'xaỹaxana dá'maq sa'xat.

1 Timoteo 1:15

Ca' dajo dá'maq ỹaatqajam lliquetam, chaqai qaica quet cá'maq sqai huelec quiyim so Cristo Jesús naỹa na 'laua, ma' ỹahotaque quiyim nca'laxatec na qomyipi hualoxonyipi, qam quena'maxare, ca' ỹim ná'maq ỹapacauec da iualoxonqaishic.

Hebreos 2:14

Na ñaalqaipi 'oonoqui' ca qaỹachigoxochichigui. Na'maxare dá'ogue da no'ueenataxac; ca' chaqaida 'neeta nqohin so Jesús 'ec chaqai qom, qaiyi ishit ileu. Ca' queda, ca ishit ỹopoxoỹaxachigui só'maq hueeto'ot da nquesaxanaxa quiyim ralauataxan. Ca so'maxare chaqaiso so na'ỹaapec.

Hebreos 5:7

Co'na' so Cristo hueetalec najo 'laua ỹaatqajam nelamaxaren nqouagaxaintac, chaqai rashiilaxantac, noỹento'ot ñí'maq 'ue da lquesaxanaxa quiyim se ỹovira'a nqai'en da nelauaxa. Ca ñi qota'a na'xaỹaxana so'maxare, ma' so'maxare ỹaatqajam nomatalta' nañaanot ñi'maxare.