Juan 12:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Ca no'm 'ue ca ỹahotaque quiyim ro'ueenataxanot aỹim, ca 'maxaraic quiyim queeta'pegue' aỹim, ma' cá'maq seuete'e, ca' chaqaiyi hueete'e cá'maq ro'ueenataxantacot aỹim. No'm 'ue ca ro'ueenataxanot aỹim, ca' ñi ita'a imaqachin ca'maxare.

Juan 12:26 Iomraidhean Croise

Salmos 91:15

Ma' roỹaxanaque aỹim, ca' sasaachiguit; ¡ca chaqaỹim ná'maq iỹaatac ma'le! Ñaqata'a quenaua le'xoyaxaco, ca so'uet quiyim 'xoic na imaqachin;

Mateo 16:24

Co'na'le, ca' so Jesús 'naaco' quesaua lapaxaguinatqa: —No'm 'ue ca ỹahotaque quegue aỹim, ca' ncouaalta', ca' quegue aỹim, 'eno'm na'laxatañi dá'maq chi nachaalataxac.

Mateo 25:21

Ca só'maq a'co' 'naaco': “Ajá'a, ỹa'maqachiguiñi, ỹaatqajam qami' no'uen chaqai qamaxaraic nelaatec. Ma' qami' qamaxaraic quecá'maq sqa looqui', ca' paguec lecaic cá'maq spataqairaxalec. Nagui nenoxoñiro, ca' qami' ñitoonaxaua.”

Marcos 8:34

Ca' so Jesús roỹaxanouguilo saua lapaxaguinatqa chaqai so qomyipi, ca 'naaco': —No'm 'ue ca ỹahotaque quegue aỹim, ca coua'e dá'maq chi no'ueenataxac. Ca' quelec aỹim, 'eno'm ỹovira'a quiyim na'laxatañi da nachaalataxac.

Lucas 12:37

Chalego la'maxa quecauajo nelaatqa quiyim ma' novi' ca na'coote' iuanejlgoto quiyim ñaq neloosauec ma' novi'. Ỹaatqajam llic da shinac quecajo a'co' na'maxajñi, ca nqa'xanaxañiñi caua'maxare, iloxoỹaxandelec ca nqui'ỹaxala', ime, ca' niỹoqshiguim ca na'ic.

Lucas 6:46

Qamiri quena' ỹim ỹaxañiỹa, ca' 'ñiita'gue, “Qami' maq ỹaatqajam qami' qara'gaxala'”, qam ¿chi'neco' ma' sqo 'viichii quena' 'ue da shinac?

Lucas 9:23

Ime, ca' 'naapega sá'ogue so qomyipi: —No'm 'ue ca ỹahotaque quegue aỹim, ca 'maxaraic quiyim coua'e da chi no'ueenataxac, ca' quegue aỹim naua'que naua na'xata', 'eno'chi na'laañi da nachaalataxac.

Juan 10:27

Ma' aná'maq iloxoiqateguese qagretaipi ỹa'den da ivillaxac, chaqai ỹim sa'den, chaqai ana'maxare coỹareta'pegue' aỹim.

Juan 13:16

Ỹaatqajam llic da shinac caqamiri, quiyim qaica nelaatec ỹapacauec queca na'co', chaqai qaica quet cá'maq qaila' ỹapacauec quecá'maq relaataxan.

Juan 14:15

No'm qamiri yi'xoriñii, ca na'xaỹaxañii'talo naua ilaataxanaxaco.

Juan 14:3

Ca ma' ime ashic, ca sa'maxajñi ca ra'aari, ca lotqai liỹa yapil, ca sauegue' qamiri, qaiyi cá'ogue cá'maq senqata'ñi.

Juan 15:20

Se couahi'e dá'maq shinac na'le caqamiri: “Quiyim ca nelaatec se ỹapacauec queca na'co'.” Ca no'm ỹim qayocantac, ca' qamiri qai'neeta qarocañiỹac ma'le; chaqai no'm qana'xaỹaxana da ỹapaxaguinataxanaxac, qai'neeta qana'xaỹaxana ma'le ca rapaxaguinataxanaxaguii.

Juan 17:24

Qami' ita'a, qami' nañaañi' naua'maxare, ca' ỹim sahotaque quiyim cá'maq senta'ñi qai'neete' naua'maxare neesa'ñi, qaiyi iuanta dá'maq imaqachic nañaañi'; ma' ỹaatqajam yi'xoriñi' shi'gue na' saqa'leca na 'laua.

Juan 21:22

Ca' so Jesús 'naaco': —No'm ỹim sahotaque quiyim da'maxare queeta nca'leetauec, chi ỹovireta'a ma' liỹa yapil, qam ¡qami' 'xañisac; ma' qami' sqa 'irapegueu'a! Qam qami' quitegue aỹim.

Romanos 1:1

Aỹim Pablo, ỹim la'ac so Jesucristo. Ñi qota'olec roỹaxañiua' chaqai yoỹootec quiyim ỹauaaque aỹim lelaatec, qaiyi sa'xat da la'qaatec chicqaugui da nca'laxa.

Romanos 14:18

Cá'maq 'neetari' dajo quiyim ro'ueenataxanot so Cristo, ca' qaỹa'maxarenta quiñi qota'olec chaqai quena qomyipi.

2 Corintios 4:5

Ca' quena' sa'xatqatac dajo na'qaatec, se ña'xatqateguelta' qomi'. Ta'ta'a quiyim sa'xatqatac so Jesucristo quiyim chaqaiso só'maq qara'gaxala'. Qam coqomi', ca shinqac qomi' relaataxahi, quedá'maq le'xorenataxanaxa so Jesús.

2 Corintios 5:8

Ca' ỹaatqajam 'ue da qanaquitaxac. Ca' sahoqotaque quiyim yi le'en quiyim sqauaqategueri' quena qaroshicmaxa, qaiyi qolaqpegue' so qara'gaxala', ca' qouora.

Gálatas 1:10

Ca quena' shinac dajo, ca ¿peeta'a chi sahotaque ỹa'maxarenta ỹim na qomyipi, loqo'm ñi qota'a? Loqo'm ¿sahotaque yiuojonta na qomyipi? Ma' quet ñaq sahotaque quiyim ỹa'maxarenta ỹim na qomyipi, ca sqaỹim lelaatec so Cristo.

Filipenses 1:23

Ca' 'xoic da lqalaic quiyim ñca'aguilo daua dos. Ma' da liỹa ỹa'deenataxanaxac 'neetasa': Ỹim yishiitaque quiyim yileu, qaiyi shic, ca' sento'ot so Cristo. Ca' dajo 'eco' paguec la'maxa caỹim.

Colosenses 3:24

Ma' qamiri mashic shi'gue 'yiiñii quiyim ñi qara'gaxala' ỹaanema qamiri ma'le cá'maq ỹa'maxatetañi ỹahotaque ỹaanem ná'maq lalamaxareteripi. Ma' qamiri 'ueenataxañitacot so Cristo só'maq ỹaatqajam ra'gaxalari.

Colosenses 4:12

Ilatalo qamiri da liquinaxanaxac ñi Epafras. Ñi'maxare qai'neeta lelaatec so Jesucristo, chaqai qai'neeta chicqotouguilo qamiri na'le. Ñi'maxare ỹaatqajam se neme nqouagaxainteguelgoto quen qamiri, qaiyi qaica ca se no'uen ra'deenataxanaxaguii. Ta'ta'a quiyim ỹaatqajam nañaañita quiyim 'viichii cá'maq ỹahotaque ñi qota'a.

2 Pedro 1:1

Aỹim ỹeenaxat Simón Pedro, ỹim la'ac chaqai aỹim lelaatec so Jesucristo. Shiriñi ana ilaata tai'alo nqaishine' qamiri quiyim mashic viriỹau'a dá'maq chalego loyac rpi'ỹaxaguii 'nejem dá'maq npi'ỹaxac hueeto'oto qomi', ma' so qota'olec Jesucristo, só'maq qarca'laxaqui, so'maxare ishit ỹo'uet ca ỹa'maqachiguiñi.

1 Juan 5:3

Ma' dá'maq ne'xorenataxanaxa quiñi qota'a, chaqaida dá'maq quiyim qana'xaỹaxane'talo naua lelaataxanaxaco. Chaqai naua'maxare se qalachi.

Judas 1:1

Ỹim Judas, ỹim la'ac so Jesucristo, chaqai ỹaqaỹa so Jacobo. Shiriñi anajo ilaata quená'maq loỹaxanqateripi chaqai ỹoỹoote'oga ñi qota'olec quiyim ỹauaaque lalamaxareteripi, ná'maq qaicochiitapega ma' na'deetau'a so Jesucristo.

Apocalipsis 14:4

Ca' so'maxare só'maq se iuanapega aca 'aalo, chaqai co'teeta. Chaqai so'maxare só'maq coỹaretegueñi so 'ec qagreta llaalec quecanchaqa taigue so'maxare. Qanca'laxatec, qaỹachigoxotaugui na qomyipi hueetalec ana 'laua, 'ec nqohin aca 'auaxai nachitaxanataxanqate quiyim qoỹaanot ñi qota'a chaqai so 'ec qagreta llaalec.