Juan 12:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Cá'maq ỹauotegue da chi nachaalataxac, ca na'laxatañi ma'le; qam cá'maq ỹamaqa'gue da chi nachaalataxac quena 'laua, ca 'ue ma'le da nachaalataxac qaica ca lqodoc.

Juan 12:25 Iomraidhean Croise

Eclesiastés 2:17

Vire'ta se yqo'ta dá'maq chi ñachaalataxac, ma' ná'ogue ná'maq qaỹo'uet quenajo 'laua ná'ogue se no'uen caỹim. Ỹaatqajam ná'ogue qaica quet cá'maq 'negue, ¡'ec qaỹahotaque neconecsec na nonot!

Mateo 10:39

Ca cá'maq ỹahotaque nca'laxatec dá'maq chi nachaalataxac, ca na'laxatañi. Qam cá'maq na'laxatañi da nachaalataxac soualec quiyim queeta'pegue' aỹim, ca' chaqaica cá'maq qanca'laxatec ma'le.

Mateo 16:25

Ma' cá'maq ỹahotaque nca'laxatec dá'maq chi nachaalataxac, ca ca'maxare na'laxatañi. Qam cá'maq na'laxatañi da nachaalataxac sougui aỹim, ca' chaqaica cá'maq ỹanata da nachaalataxac.

Mateo 19:29

Chaqai ná'ogue ná'maq no'ueenaqchichiriñi caua la'aate', loqo'm caua lqaỹa' chaqai caua lqaỹa' 'aalo, loqo'm ca leta'a, loqo'm aca late'e, loqo'm aca loua, loqo'm ca llaalqaipi, loqo'm caua na'lauari, quiyim ỹapacqajnauec quegue aỹim, ca' cien cá'maq ỹapacauec icoñiguit ma'le. Chaqai icoñiguit ma'le da nca'laxa sqaica lqodoc.

Marcos 8:35

Ma' cá'maq ỹahotaque quiyim nca'laxatec da chi nachaalataxac, ca na'laxatañi; qam cá'maq na'laxatañi da nachaalataxac, soualec aỹim chaqai soualec da na'qaatec, ca nca'leuec ma'le ca'maxare.

Lucas 14:26

—No'm 'ue ca nacpegue' aỹim, qam no'm se ỹamaqa'gue ca leta'a, aca late'e, aca loua, llaalqa, caua lqaỹa' ỹale' chaqai caua lqaỹa' 'aalo, chaqai vire'ta dá'maq chi nachaalataxac, se ishit quiyim ỹapaxaguinatec.

Lucas 17:33

Ma' ca ỹahotaque nca'laxatec da nachaalataxac, ca' na'laxatañi; qam ca na'laxatañi da nachaalataxac, ca' chaqaica cá'maq nca'laxatec.

Hechos 20:24

Qam quedajo qaica ca ñqovilga; vire'ta da chi ñachaalataxac qaica ca 'negue nqaishin caỹim. Qaidaata yishiitaque quiyim 'xoic ca ñitoonaxac quiyim somateta da ỹo'ueenataxanaxac, chaqai yipaquejlec da laqataxac nañaañim ñi qara'gaxala' Jesús, quiyim saanec da no'uen na'xaỹaxac queda le'xorenataxanaxa ñi qota'a.

Hechos 21:13

Qam so Pablo 'naaco': —¿Chi'negue ma' nohiñitac chaqai viitaque na ỹachicoxo? Ma' ỹim mashic ñomatalta' quiyim sqaidaata quiyim qaycoñi', qai'neeta quiyim yileua'ñi yi Jerusalén, sasoualec so qara'gaxala' Jesús.

Hebreos 11:35

'Uo' ana 'aalo liỹa icoñiguit na lasauaxanec liỹa nca'leuec. Chaqai 'uo' na ileu queda ne'guenaxac, qam se ỹa'maxaren quiyim qaỹosouec, ma' ỹahotaque quiyim liỹa qanca'laxatec quecá'maq paguec loyac nca'laxa.

Apocalipsis 12:11

Ma' na qarqaỹaripi loxonec so'maxare, qaỹachigoxochichiguilo saua leuo' so 'ec qagreta llaalec, chaqai quiyim saua'maxare ỹa'xatesac da na'qaatec. Ma' se no'chi' quiyim na'laañi da nachaalataxague', ta'ta'a quiyim qaica ca liỹa ỹahosaque, qaidaata quiyim ileueralec da na'qaatec.