Juan 12:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Na' ñaqai chita'gue so lapaxaguinatqaipi ỹaatqajam se ỹa'den ca 'neeta dajo. Qam na'chaqai co'na' ỹovita quiyim qaimaqachin so Jesús, ca qaỹo'leente dá'ogue da llicyaxac so'maxare. Ỹaatqajam ipaquichigui dá'ogue dá'maq naneretañi queso'maxare.

Juan 12:16 Iomraidhean Croise

Marcos 16:19

Ca co'na' ime ỹa'xatema dajo saua'maxare, ca' so qara'gaxala' Jesús naỹoxonshiguim nqohin, ca' taigue da piguim, ca' nqa'xanñi queda loic ñi qota'olec.

Marcos 9:32

Qam saua'maxare se ỹa'deene' dá'maq qohinac, chaqai no'chiiralec quiyim liỹa renataxane'.

Lucas 18:34

Qam saua'maxare se ỹa'yiinchiguit dajo. Se ỹa'deene' ca 'neeta dá'maq qohinac. Ma' dá'maq qaỹa'xatetac se ỹa'deene'.

Lucas 24:25

Ca' so Jesús 'naaco': —¡Ỹaatqajam qaico' ca 'yiiñii qamii, chaqai chalego laỹaloxo quiyim viilec ná'ogue na la'qaataxanaxaquipi so la'qaataxanqajanqaipi ñi qota'a!

Lucas 24:45

Ca' quiyi, ca' ỹa'deenaxanaxanque saua'maxare naua nerecse' la'qaatqa ñi qota'a.

Lucas 9:45

Qam so lapaxaguinatqaipi se ỹa'den da qohintapega, ma' chi qohinegue se qaỹa'deenaxanaxanegue chaqai 'ue da lqolonaxa quiyim rashiilaxan quiyim qaỹa'xatem ca leloxaỹaxac da na'qaatec.

Juan 12:23

Ca' so Jesús 'naaco' quesaua'maxare: —Ỹovita yi laloqo' quiyim najo ỹale llaalec qaimaqachin ma'le.

Juan 14:26

Qam ca Espíritu Santo, cá'maq nelatalo qamiri ma'le ñi qota'a, quiichigui nqai'en da ỹeenaxat, qaiyi ỹotauane' chaqai ỹa'ñaxate' ma'le qamiri, ca'maxare rapaxaguiñiigue ná'ogue chaqai no'uenaxanaxane' qamiri quedá'ogue dá'maq shinac.

Juan 16:4

Sa'xat dajo caqamiri, ca qaiyi ma' ỹovita, ca no'viñi'tegue quiyim shi'gue shinac caqamiri. Se sa'xat dajo na' ñaqai chita'gue sapaxaguiñii, ma' ñaq salequetauguilo qamiri.

Juan 17:5

Ca' nagui, qami' ita'a, sahotaque sentau'a na rahi'i', chaqai 'ỹaañitem aỹim dá'maq imaqachic na' ñaqai sento'ot qami' na' saqa'leca na 'laua.

Juan 2:22

Ca vichiguiño', na' so Jesús na' liỹa nca'leuec queso lelauaxa, ca' saua lapaxaguinatqa lotqai viichigui lauele' da la'qaatec so'maxare. Ca' lama'xa quiyim ỹaatqajam hueterelec naua naneresañi la'qaatqa ñi qota'a chaqai naua la'qaatqa so'maxare.

Juan 7:39

Ca' quedajo ỹahotaque 'naac so Jesús, quiyim quecá'maq huelec so'maxare, ca icoñiguit ma'le so Espíritu Santo. Ma' saqa' novi'o' na'le so Espíritu, ma' so Jesús saqa' ỹovita yi laloqo' quiyim qaimaqachin.

Hechos 2:33

Ma' ỹahote'e da loic ñi qota'olec ỹaconsop so Jesús, ca qaỹaueguegue da piguim, chaqai icoñiguit quiñi leta'a na Espíritu Santo ná'maq mashic shi'gue ỹachaxantac; ca ná'ogue ná'maq qamiri huañichigui chaqai ná'maq 'xaichigui chicqo'ot ñi'maxare.

Hechos 2:36

Ca ná'ogue na Israel laseripi ỹaatqajam ỹa'deenta quiyim so Jesús só'maq qamiri pachiñiho, ca' chaqaiso só'maq ñi qota'olec ỹanagui quiyim qara'gaxala' chaqai nashi nca'laxaqui.

Hechos 3:13

Mesqaida. Qam ñi qota'olec ñí'maq huerelec sauá'maq 'au sachigoxosqauguilo Abraham, Isaac chaqai so Jacob ỹaanem quiyim paguec lichoxoric nqai'en so llaalec Jesús, só'maq qamiri 'ỹaañiu'a na nashillipi. Chaqai na' so Pilato ỹahotaque ỹosouec, qamiri sqa 'maxariñii.

Hebreos 12:2

Ỹaatqajam ya'ỹoqotagui so Jesús só'maq chicqo'ot da qarpi'ỹaxac chaqai nachinñi nqai'en. So Jesús ỹaatqajam na'ñaxachiguit da qohine'tegue na' qaipateno, chaqai se na'xaỹaxana dá'maq 'neeta quiyim nayiloxo lahi' dá'maq 'nejem dajo nelauaxa. Ma' ỹa'deenta quiyim ma' ime'uegue da le'xoric, ca 'ue ca netoonaxac chaqai ỹa'maqachiguiñi. Chaqai nqa'xanñi queda loic quiyi nqa'xanqa' ñi qota'a.

Hebreos 8:1

Ca dá'maq paguec ỹapacauec nqaishinaq quedá'maq sa'xatqatac, chaqaida dá'maq 'neeta da no'ueenataxac só'maq 'oonoqui' qaretaxaỹaxanqajnec. Nagui so'maxare nqa'xantañi queda loic yi nqa'xanqa' ñi qota'a queda piguim.