Juan 12:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' so lashillipi na netaxaỹaxanqajanqaipi quena' qaretaxaỹa'pegue' ñi qota'olec, so'maxare retaxaỹapigui quiyim qai'neeta qaỹahotaque qaỹalauat so Lázaro,

Juan 12:10 Iomraidhean Croise

Éxodo 10:3

Ca' so Moisés chaqai so Aarón querepegue' so Faraón, ca 'neraco': —Ñi qara'gaxala' ñi qota'olec quena hebreoipi 'naac: ¿Chi' laquio' quiyim niñiiquishiñi' caỹim? 'Xañirec na ỹalamaxareteripi, qaiyi nqouagaxainot aỹim.

Eclesiastés 9:3

Dajo dá'maq se no'uen quená'ogue ná'maq 'ue quena 'laua: ná'ogue qaidaata dá'maq taỹa'gue. Chaqai da liỹa quiyim da la'deenataxanaxac na qom no'qaachigui quena se no'uen; queeta'pegue' dá'maq quiyim qaica ca ỹa'den quedá'ogue da nachaalataxac; ca quena' ncopa, ca' ¡ỹovita yi napalyipi!

Mateo 12:14

Ca co'na'le, ca ta'oguiyi so fariseoipi, ca' retaxaỹapigui cá'maq la'maqa' quiyim ỹalauat so Jesús.

Mateo 2:16

Co'na' so Herodes retan quiyim saua 'deenaxanqachaqaqa ỹayine' so'maxare, ca' ỹaatqajam ro'o. Ca relaataxanlec quiyim qaỹalauat ná'ogue na ñaaqaipioqui' na'ñi yi Belén chaqai quenaua'que naua lahil, chicqochi'ñi quiyaua dos ñaxari. Ca taỹa'nquira ipaquichigui nqai'en dá'maq la'qaataxanaxague' saua 'deenaxanqachaqaqa.

Lucas 16:31

Qam so Abraham 'naaco': “Quiyim se na'xaỹaxana so Moisés chaqai so la'qaataxanqajanqaipi ñi qota'a, ¡qaiyiita sqai huelec, 'eno'm 'ue ca liỹa nca'leuec, chicqochi'ñi ca leuaxaiquipi!”

Juan 11:57

Ca' so fariseoipi chaqai so la'gaxala' na netaxaỹaxanqajanqaipi quena' qaretaxaỹa'pegue' ñi qota'a, mashic ỹaanec da la'qaatec quiyim no'm 'ue ca ỹa'den ca hueeta'gue so Jesús, ca qara'qaataxanalo, qaiyi qaiconlec qaicoñi'.

Juan 12:11

ma' sauaxat so'maxare dá'maq 'em quiyim 'xoic na judioipi noỹootec, ma' mashic huelec so Jesús.

Juan 12:9

Ca 'xoico' so judioipi ỹa'den quiyim so Jesús hueeta'ñi yi Betania. Ca' taiquera. Qam sqaidaata quiyim ỹahotaque iuana so Jesús, qam qai'neeta ỹahotaque iuana so Lázaro só'maq liỹo' qanca'laxatec na'le queso Jesús.