Juan 11:55 - La'qaatqa ñi qota'olec Qota'olec & Qota'olec Novita Na Qomyipi

⁵⁵ Qam mashic tot qoỹoqaque so lemaqachic na judioipi quena' qaỹo'leente so na'xa'a quena' qoyique'e yi Egipto. Ca 'xoic na chicqote'ogalo qomyipi quena liỹa na'aateripi, quepegue' yi Jerusalén, qaiyi ỹo'uet da no'ueenataxac quiyim nco'taxat na qomyipi, ma' noviro sojo na'xa'a lapoxoqui.

Juan 11:55 Iomraidhean Croise

Génesis 35:2

Co'na'le, ca 'naaco' so Jacob queso llaalqaipi chaqai quesá'ogue so liỹaripi: —Naqachiuec ná'ogue na nqolaqaipi hueeto'oto qamiri. Nachillii, chaqai dalaxachii' naua qatoohi.

Job 1:5

Ca quena' ỹomate' da lqui'ỹaxague', ca' so Job roỹaxanouguilo saua llaalqa. Ca co'quena' nete'etam, ca' ne'laxashiguim, ca' ỹavigaxat añi lachitaxanataxanqate, 'onatac nqai'en quiñi 'óna llaalec, qaiyi co'it quena lasauaxaset. Ca' so Job se neme 'neeta'gue dajo, ma' sqoue quiyim 'ue ca llaalec se no'uen ca la'qaatec quiñi qota'olec pa'xantauo quena lauel.

Éxodo 19:10

Ca' ñi qara'gaxala' 'naaco' na'le queso'maxare: —Mo'e', 'maxachiriñi yi qomyipi nagui chaqai nete'e quiyim imaqachin aỹim ma'le. Ca' quiỹo' naua loho,

Mateo 26:1

Ca co'na' so Jesús mashic ỹa'xat dá'ogue dajo, ca 'naaco' queso lapaxaguinatqaipi:

Mateo 26:2

—Ca' mashic qamiri 'yiiñii quenauajo dos na'xata', ca ỹovire'oga so na'xa'a quiyim qaỹo'leente so na'xa'a co'na' qanaqata'a so qomyipi quiyi Egipto. Ca' najo ỹale llaalec qoỹaano ma'le quiyim qaipateno.

Marcos 14:1

Co'na' saqa'lecaua dos na'xata', ca ỹovire'oga so na'xa'a quena' qaỹo'leente na' qoyique'e yi Egipto. Queso na'xa'a, ca' qaỹa'ic quen na pan, qam le'en ana lpe'taqate. Ca sauá'maq la'gaxalate' ná'maq netaxaỹaxanqajanqaipi quena' qaretaxaỹa'pegue' ñi qota'a chaqai na rapaxaguinataxanta'pegue na naqataxaquipi idaantaque ca la'maqa' quiyim iconlec so Jesús, ca' ỹalauat.

Lucas 22:1

Ca' mashic ipalata'a so laloqo' quiyim qaỹa'ic na pan sqaca lpe'taqate, só'maq hueetaugui so na'xa'a quiyim qaỹo'leenta'a co'na' qanaqata'a so qomyipi quiyi Egipto.

Juan 12:1

Co'na' saqa'lecaua seis na'xata' quiyim ỹovire'oga so na'xa'a quena' qaỹo'leente quiyim qoyique'e yi Egipto. Ca' so Jesús quepegue' yi Betania yí'maq neeta'ñi so Lázaro só'maq Jesús liỹo' nca'laxatec na' ileu.

Juan 13:1

Ca quesó'maq liỹa na'xa'a, ca noviro so lapoxoc quiyim qaỹo'leente na' qoyique'e yi Egipto, ca' so Jesús ỹa'den quiyim ỹovita ca laloqo' quiyim ca'e na 'laua, ca quepegue' ñi leta'a. Qam so'maxare chaqai 'neetari' da lauochaxa queso lalamqateripi no'ueenalec na 'laua, ca' nagui ỹachaxanalo saua'maxare dá'maq paguec lecaic lauochaxa.

Juan 18:28

Ca' so Jesús qaỹachigoxochichi'ñi yi la'a' so Caifás, ca qaỹauegueu'a yi la'a' so nashi Pilato. Qam mashic richiitegueñi, ca' so judioipi se inoxona'a yi nasoxoc so nashi, ma' ỹouetete'e quiyim napio'xot da nachaalataxac. Ma' chi no'ueenataxac dajo, ma' no'me', ca se ishit que'e queso na'ic hueetougui so na'xa'a quena' qaỹo'leente so na'xa'a quena' qoyique'e yi Egipto.

Juan 2:13

Ca mashic tot qoỹoqaque so na'xa'a lemaqachic na judioipi quiyim ỹo'leente so na'xa'a co'na' ca'e nqohin yi Egipto, ca' so Jesús quepegue' yi na'a' lodegaxat Jerusalén.

Juan 2:6

Qam 'vio' saua seis homa qa', saua'maxare ỹaatqajam loueno' quen na judioipi quena' ỹo'uet da no'ueenataxac quiyim quiỹo na nqui'ỹaxaquipi. Qam ỹovi' ochenta loqo'm cien litros huaxaỹaq le'ec cañi 'oono'lli' quesauá'maq homa.

Juan 5:1

Ca co'na' ime dajo, ca' na judioipi lotqai 'ue so lemaqachic, ca' so Jesús pila'a yi Jerusalén.

Juan 6:4

Ca mashic nepalataho so na'xa'a lapoxoqui na judioipi ỹa'ue lemaqachic quena' ỹo'leente na' ca'e yi Egipto.

Hechos 21:24

Ca' nagui naua'maxare viqui', nquiỹoxouachi' ma'le, chaqai ná'ogue shivichiñi' aca laseuete dajo. Ca ma' ime dajo, ca naua'maxare, ca nepetec na laue. Qaiyi ná'ogue na qomyipi ỹa'den quiyim sqai llic dá'maq qaỹa'xatetac caqami', ma' qami' qai'neeta ỹaatqajam pacqajñichirigui 'viichi'sac ná'maq nelaataxanaxaquipi.

Hechos 21:26

Ca' so Pablo ỹauegue' saua cuatro ỹale'. Ca queso liỹa na'xa'a, ca nquiỹo chaqai saua'maxare. Ca na' ime, ca so Pablo inoxonougui añi no'ueenaxanaxaqui quiyi Jerusalén. Ca ỹa'xat ca laloqo' ca nquiỹoxoc, ca rachitaxanataxan, nodouo aca lachitaxanataxanqate que'óna quesaua'maxare.

Hechos 24:18

Ca' ỹim so'ueetetac dajo na'le cañi no'ueenaxanaxaqui quiyi Jerusalén na' ime da ñiquiỹoxoc. Ca' novirero saua judío lase', chicqora'gue da 'laua Asia, ca iuanterelec aỹim. Qam mesqai 'xoic ca qom chaqai qaica cá'maq la'aaxa quet hua'anyi.

1 Corintios 11:28

Ca vichiguiño' queca qom ỹaatqajam netanalta' quedá'maq 'neetari'. Ime, ca' qaigueme ỹa'ic na pan chaqai ni'chigui aso 'taxaqui.

Santiago 4:8

Nqo'ñiỹot ñi qota'a, ca ñi'maxare nqo'ñiguita qamiri. Chaqai qamiri sauaqhuaiquipi nquiỹoiuec ná'maq mashic coñigui se no'uen. Chaqai qamiri ma' viitaque rqo'chiỹa ñi qota'a chaqai qai'neeta na huelec na 'laua, ca' co'taxachii' naua re'taxanatahi.

1 Samuel 16:5

Ca' so Samuel 'naaco': —Ajá'a, chaqaida. Ỹim ñanac, qam saanot aca ỹachitaxanataxanqate ñi qara'gaxala'. Nco'taxachiỹalta', ca' ñauecqatecta', qaiyi lliguitau'a ma' savigaxat ca ỹachitaxanataxanaxat. Ime, ca' nco'taxat nqai'en so Isaí chaqai so llaalqaipi, ca' 'naapega quiyim ỹalequetaho ma' ỹo'uet ca lachitaxanataxanaxat.