Juan 11:53 - La'qaatqa ñi qota'olec Qota'olec & Qota'olec Novita Na Qomyipi

⁵³ Ca' quesojo na'xa'a so judío lashillipi queetalec idaantaque ca la'maqa' quiyim ỹalauat so Jesús.

Juan 11:53 Iomraidhean Croise

Génesis 37:18

Ca saua'maxare ñaq qoỹoqo'chiguit, qa' idaanda'guit. Ca co'na' saqa' ỹoviro, ca chaqa'ma' na'deenta' quiyim ỹalauate' ma'le.

Nehemías 4:16

Ca' quiyi na'le, ca' so iỹaripi neuagaxata'chi, 'ue na ro'ueenataxantac, ca' na liỹaripi, ca huote'e na lo'goxonaxat laqui, chaqai na lquepaqataxanaxat, lo'xoshic, chaqai na lquepaxaset ana lotogue. So na'gaxalateripi ỹaatqajam ỹotauan so qomyipi quiyi Judá,

Salmos 2:2

Ná'ogue na nashillipi quena 'laua, na'maxare sqai huelec, ca' lapoỹata', ca npa'guene'e' ñi qota'olec chaqai ñi nashi lca'acsec.

Salmos 31:13

Sa'xaỹa na qomyipi nemootetecta': Ná'ogue hueetaugui da nqolonaxa. 'Xoic, qam 'oonoqui' da la'deenataxanaxac quiyim na'xalentapigui aỹim; ¡na'xalentapigui aỹim quiyim ỹahotaque yalauat!

Salmos 71:10

Na ñpa'guenaxauaripi ná'maq ỹahotaque yalauat, lapoỹata', na'deenta, ỹahotaque yaqajñi.

Jeremías 38:15

Ca' so Jeremías 'naaco': —No'm sa'ue ca lopilaxaset ca renataxanaxaqui', ca' qami' ỹashi laataxañirelec aỹim quiyim qayalauat; chaqai no'm sa'ue ca ỹaqataxac, ca' se na'xaỹaxañiriua'.

Jeremías 38:4

Co'na'le, ca' so na'gaxalateripi 'nerapega so nashi: —'Maxaraic qaỹalauat ñijo ỹale, ma' naua la'qaatqa neualñi nqai'en na qanalliripi ná'maq ñaqai hueeta'ñi najo na'a' lodegaxat chaqai ná'ogue na qomyipi. Ñi ỹale se idaantaque ca lo'yaxanec quena qomyipi, ta'ta'a dá'maq se no'uen.

Mateo 12:14

Ca co'na'le, ca ta'oguiyi so fariseoipi, ca' retaxaỹapigui cá'maq la'maqa' quiyim ỹalauat so Jesús.

Mateo 16:21

Quiyi co'na'le, ca' so Jesús ichoxotetac dá'maq 'neeta ma'le queso lapaxaguinatqaipi, quiyim so'maxare taigue ma'le da Jerusalén. Ca' so qo'xoiquipi, chaqai so la'gaxala' na letaxaỹaxanqajnec na qomyipi quiyim qaretaxaỹa'pegue' ñi qota'a, chaqai ná'maq rapaxaguinataxanta'pegue na naqataxaquipi chicqo'ot so Moisés, 'xoic ma'le nqohin da le'xoric. Chaqai 'naac quiyim qaỹalauat ma'le. Qam ma' ỹore'ueque caua tres na'xata', ca ma'le, ca' liỹa nca'leuec nqohin.

Mateo 22:46

Ca' qaica quet cá'maq ishit 'ue ca ỹa'xat. Ca' quesojo na'xa'a, ca' tot qaica quet cá'maq ishit ỹo'uet ca lenataxanaxac queso'maxare.

Mateo 26:4

Ca hua'anyi, ca qana'deentapigui so Jesús quiyim qaiconlec qaỹalauat qaỹayinta.

Mateo 26:59

So lashillipi na netaxaỹaxanqajanqaipi chaqai so lqo'xonqaipi na judioipi chaqai sá'ogue só'maq nashillipi ỹo'ueetegueñi na leloxoỹaxaquipi, idaantaque ca la'maqa' quiyim ỹo'uet ca lasauaxaset so Jesús, 'eno'm sqai llic, qaiyi qoỹaañiguit ca lelauaxa.

Marcos 14:1

Co'na' saqa'lecaua dos na'xata', ca ỹovire'oga so na'xa'a quena' qaỹo'leente na' qoyique'e yi Egipto. Queso na'xa'a, ca' qaỹa'ic quen na pan, qam le'en ana lpe'taqate. Ca sauá'maq la'gaxalate' ná'maq netaxaỹaxanqajanqaipi quena' qaretaxaỹa'pegue' ñi qota'a chaqai na rapaxaguinataxanta'pegue na naqataxaquipi idaantaque ca la'maqa' quiyim iconlec so Jesús, ca' ỹalauat.

Marcos 3:6

Co'na'le, ca inoxonec so fariseoipi, ca ta'oga na nalliripi so Herodes quiyim qaretaxaỹapigui cá'maq qohinta'gue quiyim qaỹalauat so Jesús.

Juan 11:47

Ca' so fariseoipi chaqai na lashillipi na netaxaỹaxanqajanqaipi quena' qaretaxaỹa'pegue' ñi qota'a lapooguit so nashillipi ỹo'ueetegueñi na leloxoỹaxaquipi quiyim retaxaỹata' so'maxare. Ca 'naaco': —¿Negue' ca shinqata? Ma' so ỹale ỹaatqajam 'xoic na ỹo'uet netanec se qaiuanapega.

Juan 12:10

Ca' so lashillipi na netaxaỹaxanqajanqaipi quena' qaretaxaỹa'pegue' ñi qota'olec, so'maxare retaxaỹapigui quiyim qai'neeta qaỹahotaque qaỹalauat so Lázaro,

Juan 7:1

Ca co'na' ime dajo, ca' so Jesús ỹouoxontac yi 'laua Galilea. Sqai quepegue' yi Judea, ma' quiyi'maxare na judioipi ỹahotaque ỹalauat so'maxare.

Hechos 5:33

Ca co'na' 'xaỹa dajo so nashillipi, ca ỹaatqajam ro'o, ca' ỹahosaque qaỹalauate' saua'maxare.

Hechos 9:23

Co'na' 'vii saua na'xata', ca' so judioipi na'deenta', ỹahotaque quiyim ỹalauat so Saulo.