Juan 11:50 - La'qaatqa ñi qota'olec Qota'olec & Qota'olec Novita Na Qomyipi

⁵⁰ Chaqai se retañii quiyim paguec la'maxa coqomi' quiyim 'oonoqui' ca qom ileualec na qouo' laseripi, mesqaida quiyim ná'ogue na'maxare na'laañi.

Juan 11:50 Iomraidhean Croise

Mateo 5:29

Ca no'm añi nqochi'i' pa'a'gue da qatoiqui' ỹaueca'guit qami' ca nasauaxaset, naqachi', ca' naqairec. Ma' paguec la'maxa quiyim 'ue ca na'laañi quenaua rouenaxahi', qam mesqai 'nejem quiyim ná'ogue na roshicmaxa'e' qainaxañigui ca ncopatqo' na hualoxonyipi.

Lucas 24:46

Ca 'naapegalo': —'Eda 'neeta da qoỹeretañi quiyim ca nashi nca'laxaqui 'au quiyim qaỹalauat, qam ma' ỹovi' tres na'xata', ca lotqai liỹa nca'leuec nqohin.

Juan 11:48

Ma' no'm chaqaida 'neetari' nqaishinaq, ca ná'ogue na qom huelec ma'le so'maxare. Ca' na nashillipi quiyi Roma anac, ca' iuagaxatac añi qaro'ueenaxanaxaqui chaqai na qouo' laseripi.

Juan 18:14

Chaqaiso' so Caifás só'maq 'naaco' na'le queso judioipi quiyim paguec la'maxa queso qomyipi quiyim 'oonoqui' ca qom ileualec na lauo' laseripi.

Juan 19:12

Co'na'le, ca so Pilato idaantaque ca la'maqa' quiyim ỹosouec so Jesús. Qam so judioipi ỹaualqatagui, 'naaco' quen: —¡No'm 'xañirec da'maxare, ca se nauochaxaua'e' ñi lashi na nashillipi neeta'ñi yi Roma! ¡Ma' canchaqaica quiyim npa'xan quiyim nashi, ca npa'guenaxaua ñí'maq lashi na nashillipi!

Romanos 3:8

Quiyim 'neeta dajo, ca ¿chi'neco' ma' se qaỹo'uet cá'maq se ỹa'maxañi, qaiyi novi' cá'maq ỹa'maqachiguiñi? Ca' 'eda dá'maq 'neeta quiyim 'ue na se no'uen da la'deenataxanaxac, ca 'naac quiyim qomi' sapaxaguinataxanqata'pegue. Qam cajo qomyipi qaỹa'ue ma'le ca nouaxanaxaset.