Juan 11:44 - La'qaatqa ñi qota'olec Qota'olec & Qota'olec Novita Na Qomyipi

⁴⁴ Ca' so leuaxaic nenoxonec, nanaxate'teguelo naua laua' chaqai naua lichil queso laxa', chaqai lepatetagui na lashic so hualoq lahi. Ca' so Jesús 'naaco': —Sohiuec, ca 'xañiỹac, qaiyi qaua.

Juan 11:44 Iomraidhean Croise

Génesis 1:3

Co'na'le, ca 'naaco' ñi qota'olec: ¡Sahotaque quiyim re'qoochiguiñi! Ca chaqa'ma' re'qoochiguiñi.

Salmos 33:9

Ma' ñi'maxare na' retaqa, ca ná'ogue 'ue; chaqai na' ỹaanec da la'qaatec, ca ỹomat na lo'ueenatqaipi.

Marcos 5:43

Qam so Jesús ỹaatqajam 'xoic da laqataxac quiyim qaica ca qara'qaataxanem. Ca relaataxan quiyim qaỹa'ue ca loq aso nocto'lli'.

Lucas 19:20

Lotqai anaco' só'maq pa'aatec, ca 'naaco': “Qami' ỹa'gaxala', 'ana ana qadami'. Ana'maxare chi sa'maxat, sellaalec ca colligue',

Lucas 7:15

Ca' só'maq leuaxaic ne'laxashiguim, ca nqa'xanñi, ca retaqa. Ime, ca' so Jesús ỹaanem aso late'e.

Juan 10:30

Ỹim chaqai ñi ita'a qomi' 'oonoqui'.

Juan 11:39

Ca so Jesús 'naaco': —Naqachii na qa'. Ca aso Marta só'maq lqaỹa so ileu 'naaco': —Qami' ỹa'gaxala', peeta'a mashic 'ue ca lahita, ma' mashic cuatro na'xata' ileu.

Juan 11:43

Ca co'na' ime 'naac dajo, ca' roỹaxan, 'naaco': —¡Lázaro, nenoxoñirec quena!

Juan 19:40

Ca' so José chaqai so Nicodemo ỹodoorec so loshicmaxa so Jesús. Ca lepajtegue queso lepataxaqui. Ca' qaỹocorelec queso qaỹalequenta' qo'paq louaq lo'daxaraic lahita, ma' da'maxare chi no'ueenataxac na judioipi quena' ỹovita qaishinñi na lasauaxanqaipi.

Juan 20:5

Ca nqai'guiñi, ra'ỹaugui, ca iuane'talo saua laqate' hueesa'anyi, qam se inoxonougui.

Juan 20:7

Chaqai qai'neeta iuane'ta so hualoq lahi só'maq qoỹaxachigui na'le na lqahic so Jesús, qam ỹoqa'a yi hueeta'ñi qainane'ejta'.

Juan 5:21

Ma' quiyim ñí'maq leta'a ishit quiyim liỹa nca'leuec nqai'en cá'maq mashic ileu ỹaanem da lca'laxa, ca qai'neeta ná'maq llaalec ỹaanem da lca'laxa cá'maq nqo'ta.

Juan 5:25

Ỹaatqajam lliqueta dá'maq shinac caqamiri, quiyim 'ue ca laloqo', ca' chaqaina ná'maq nagui ỹovita quiyim ma' ná'maq leuaxaiquipi 'xaỹaque da lavillaxac na llaalec ñi qota'a; ca ná'maq na'xaỹaxanta, ca nca'leuec.

Filipenses 3:21

So'maxare ỹadalaxat ma'le na qaroshicmaxa ma' tai'a quiyim ileu, qaiyi shinqata só'maq chi loshicmaxa so'maxare 'ue da lauaq. Qam ỹo'uet ma'le, ỹahote'e dá'maq chi lquesaxanaxa quiyim ỹoiquentac ná'ogue nanchaqaina.

Apocalipsis 1:18

Ỹim ná'maq yca'leetauec. Ma' yileu na'le, qam nagui, ca' sqaica lqodoc quiyim yca'leetauec. Ỹim llo'qoota'alo soiquenta'pe naua lauaatqate da nelauaxa chaqai quecá'maq lapooqo' na lqui'i na leuaxaiquipi.

1 Samuel 2:6

Ñi qara'gaxala' ishit rouootaxana'gue da chaalataxac chaqai ishit ỹa'ue; ñi'maxare ỹo'uet quiyim qareleu, chaqai ñi'maxare ishit quiyim qarca'laxatec.