Juan 11:38 - La'qaatqa ñi qota'olec Qota'olec & Qota'olec Novita Na Qomyipi

³⁸ So Jesús ỹaatqajam liỹa qaidaxanac queda le'laxa, ca nqo'neu'a aso lahi'. Ca' aso lahi' 'ec lauac, chaqai so ñigo 'ue so lapooque' qa'.

Juan 11:38 Iomraidhean Croise

Génesis 23:19

Ca na' ime dajo, ca' so Abraham ishinñi aso Sara quiñi lauac na'ñi yi Macpela. Yi'maxare pa'ỹa'gue da lqodoigue quiyi Mamre. Yi'maxare qaiyiita qaỹa'den quiyim qohinac Hebrón, chaqai huaugui yi 'laua Canaán.

Ezequiel 9:4

Ca 'naapega: Quirougui na na'a' lodegaxat Jerusalén, ca' vite ca retanqui' quena latap cá'maq 'ue ca lachicoxo chaqai da nqui'ic quená'ogue ná'maq qanaqaica'a qaỹo'ueetetac quiyi'maxare.

Mateo 27:60

Ca illaugui asó'maq chi ỹauaaque lalamaxarete lahi', só'maq relaataxanlco' na'le quiyim qani'ỹaho caso qa'. Ca' co'na' ime ỹapogui queso qa' lodegaxat, ca' eec.

Mateo 27:66

Ca' saua'maxare que', ca' ỹaatqajam ỹa'maxachichiriñi aso lahi', ca' qaỹa'ue aso netanaxasete so qa' lapooque' aso lahi'. Ca na' ime, ca' qano'ueenaqterañi saua nouaataxanaq lase' quiyim reloxoira'a.

Marcos 15:46

Ca co'na'le, ca' so José rishiujnaxana so hualoq lahi lalagaxaic nesateta, ca' naqajñi so Jesús, ca' lepategue. Ca co'na' ime, ca inaxañigui aca lahi' naugui so qa'. Co'na' ime, ca' ỹapogui aso lahi', rapoxona so qa' lodegaxat.

Marcos 8:12

Ca so Jesús chi nauequeto' lacat, ca 'naaco': —¿Chi'negue ma' najo qomyipi rashiilaxantaque ca netanec se qaiuanapega? Qam ỹaatqajam llic da shinac caqamiri quiyim nagui ỹaatqajam qaica ca qaỹachaxanem quena netanec na qomyipi.

Lucas 24:2

Ca co'na' qaỹovire'oga aso lahi', ca qaiuanejlec so qa' lapooque' aso'maxare totqai hua'ñi ca loma'.

Juan 11:33

Ca so Jesús co'na' iuana noỹentac aso María chaqai so judioipi liỹaatac aso'maxare, ca ỹaatqajam 'ue da lachicoxo so'maxare, chaqai redaỹac nqai'en añi le'taxanata da le'laxa.

Juan 20:1

Ca' quesó'maq 'auaxaic na'xa'a quenaua na'xata' no'ueenataxanaxaqui', ca aso Magdala lase leenaxat María, o'teeta'oga aso napal lahi' na' llaq napaltañi, ca iuane'ta quiyim qanaqat so lapooque' aso napal lahi'.