Juan 11:33 - La'qaatqa ñi qota'olec Qota'olec & Qota'olec Novita Na Qomyipi

³³ Ca so Jesús co'na' iuana noỹentac aso María chaqai so judioipi liỹaatac aso'maxare, ca ỹaatqajam 'ue da lachicoxo so'maxare, chaqai redaỹac nqai'en añi le'taxanata da le'laxa.

Juan 11:33 Iomraidhean Croise

Marcos 3:5

Co'na'le, ca so Jesús ro'oogui na' ỹamataugui so qomyipi. Ca' 'ue da lachicoxo, ma' saua'maxare se na'xaỹaxane'. Ca 'naapego' só'maq ỹale: —Ỹeguec nqai'ñi' na rqai'laxachi'. Ca' ỹeguec nqai'en da lqai'laxat, ca chaqa'ma' imeuec.

Marcos 9:19

Ca' so Jesús 'naaco': —¡Ỹaatqajam qaica ca huelec najo qomyipi! ¡Canchaqai taỹa'co' quiyim salequetapouguilo qamiri, chaqai canchaqai taỹa'co' quiyim ñiualaxaintegueto qamiri! Ñaq naviguiiri' quenajo ñí'maq ne'nec.

Juan 11:19

Ca 'xoico' so judioipi neeta'ñi yi la'aate' saua Marta chaqai aso María lo'daxatesapigui lauele' saua'maxare, sauaxat quiyim mashic sou so lqaỹa'.

Juan 11:31

Ca co'na' qaiuane'tegue aso María quiyim ne'laxatashiguim, ca chaqa'ma' eec, ca só'maq hueeta'ñi yi la'a' judioipi ỹa'ñaxatetac quiyim qaica ca huapigui lauel, coỹare'tegue, ma' 'neetapigui lauel quiyim quepegue' aca lahi', ca' noỹen.

Juan 11:34

Ca inato' so qomyipi: —¿Hua'co' na'le ca qaishiñi'ñi? Ca qohinaco': —Qami' qara'gaxala', ỹala'e', ca 'ajñi' ma'le.

Juan 11:35

Ca' so Jesús noỹen.

Juan 11:38

So Jesús ỹaatqajam liỹa qaidaxanac queda le'laxa, ca nqo'neu'a aso lahi'. Ca' aso lahi' 'ec lauac, chaqai so ñigo 'ue so lapooque' qa'.

Juan 12:27

Ca' nagui ỹaatqajam 'xoic da shinta; ca ¿nega'ỹo' ca shinac? ¿Loqo'm shinac: “Qami' ita'a, yca'laxachirec quedá'maq naatailec nagui”? Qam chaqaida dá'maq 'em ñanac.

Juan 13:21

Ca co'na' ime 'naac dajo, ca' so Jesús ỹaatqajam qaidaxanac i'laqac añi le'taxanata, ca ỹaatqajam ichoxoteta dajo, 'naaco': —Ỹaatqajam llic da shinac caqamiri, quiyim 'oonoqui' ñí caqamiri ñí'maq yayaano ma'le.

Romanos 12:15

Netoonaxauahi cá'maq netoontac, chaqai noỹenaxauahi cá'maq noỹentac.

Hebreos 4:15

Ma' só'maq qaretaxaỹaxanqajnec, so'maxare ishit i'xorene' qomi', ma' qaica ca qarquesaxanaxa. Ma' so'maxare qai'neeta 'xoico' na'le da le'xoric, ma' 'xoic da ne'guenaxaquipi ỹoreta'oguit, 'nejme' qomi', qam so'maxare qaica ca lasauaxaset.