Juan 11:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Ca co'na' ime 'naac dajo, ca' aso Marta quepegue' roỹaxana aso lqaỹa María. Ca nemoote'tot, 'naaco': —Dá'maq napaxaguinataxanaq hueete'e najo, ca da'maxare noỹaxana'a qami'.

Juan 11:28 Iomraidhean Croise

Mateo 26:18

Ca so'maxare 'naaco': —Quiipegue' yi na'a' lodegaxat Jerusalén, ca ma' viriu'a yi la'a' cajo ỹale, ca 'ñiỹaco': “Ñi qara'gaxala' 'naac: Yi ỹaloqo' tot qoỹoqaque. Ca' na ra'aachi' sahotaque iqui'ỹaaqa' ma' sa'ic ca na'ic ma' qaỹo'leente so na'xa'a na' qanaqata'a so judioipi quiyi Egipto, iqui'ỹaxaua' naua ỹapaxaguinatqa.”

Marcos 10:49

Co'na'le, ca' so Jesús hua'e, ca 'naaco': —Ñaq oỹaxañiỹa ñi'maxare. Ca' qaroỹaxano' na'le so qai'laq, ca qohinapego': —Na'ñaxachi', ne'laxachirishiguim, ma' da'maxare roỹaxana qami'.

Marcos 14:14

Ca quecá'maq inoxonou'e, ca 'ñiỹac ma'le quecá'maq lalamaxaret lauo' ca'maxare: “Ñi qara'gaxala' 'naac: ¿Negue' ca na'gue cá'maq 'imec qarqui'ỹaxaqui ma'le quenaua ỹapaxaguinatqa ma' sa'guinaq ca na'ic quena' qaỹo'leente na' qoyique'e yi Egipto?”

Lucas 22:11

Ca' 'ñiỹapega ma'le cá'maq ỹaatqajam lauo' ca 'imec: “Ñi napaxaguinataxanaq 'naapega qami': ¿Huá'gue ca 'imec cá'maq iqui'ỹaxaqui, quiyim squi'ỹa'e' na ỹapaxaguinatqaipi ma' sa'guinaq ca na'ic tai'a quena' qaỹo'leenta'a co'na' qanaqata'a so qomyipi quiyi Egipto?”

Juan 1:41

Ca' so Andrés chaqa'ma' idaanaque so lqaỹa Simón, ca 'naapego': —Mashic sauanaxa ñí'maq qohinac Mesías —qam dajo leloxoỹaxac da neenaxat 'neetasa' Cristo, loqo'm ca qaỹa'xateta'guit nashi nca'laxaqui.

Juan 1:45

Ca' so Felipe eec idaanaque so Natanael, ca 'naapego': —Mashic sauanaxa ñi ỹale ñí'maq ỹiriño' na'le so Moisés quenaua naqataxaco naneresañi cana lere. Ñi'maxare qai'neeta qoỹiriñi queso la'qaataxanqajanqaipi ñi qota'a. Ñi'maxare chaqaiñi ñi Jesús, ñí'maq llaalec so José na'ñi yi na'a' Nazaret.

Juan 10:3

Cá'maq lasom lo'o ỹauachigui ca lasom, qaiyi inoxono, chaqai ana qagretaipi no'uenegue da lavillaxac. Ma' roỹaxanta'gue na leenaxat ana qagretaipi, ca ỹauegue'oguiyi cañi lahi'.

Juan 11:20

Co'na' aso Marta ỹa'deeno' quiyim so Jesús ipalataho, ca' queeta'guit, qam aso María no'ueenañi quiyi la'a'.

Juan 11:29

Ca co'na' 'xaỹa dajo aso María, ca chaqa'ma' ne'laxashiguim, quepegue' so Jesús.

Juan 11:30

Ca' so Jesús saqa' ỹovira'o' yi na'a'. Ñaqai hueeto'o' yí'maq hua'ño' na' qaỹovichiguit caso Marta.

Juan 13:13

Qamiri machiỹa'gue aỹim napaxaguinataxanaq chaqai na'gaxala'. Ca da'maxare qaica ỹoqolliguit, ma' llic.

Juan 20:16

Ca' so Jesús 'naaco' caso'maxare: —¡María! Ca so'maxare ỹamato'ot, qam ỹahota'ahi naua hebreo la'qaatqa, 'naaco': —¡Raboni! —da leloxoỹaxac dajo na'qaatec 'naac: Qami' napaxaguinataxanaq.

Juan 21:7

Ca só'maq napaxaguinatec só'maq paguec lqo'itaxat so Jesús, 'naaco' queso Pedro: —¡Chaqaida da qara'gaxala'! Ca co'na' 'qaachigui dajo so Simón Pedro, ca' lotqai liỹa ỹañiñi saua loho, (ma' naqate'o' na'le). Ca renotañigui so huaxaỹaq.

1 Tesalonicenses 5:11

Vichiguiño' notauañiỹata' chaqai quiñi 'óna ỹa'ñaxat ca liỹa, quiitalec dá'maq chaqai'en 'ñiitari'.

Hebreos 12:12

Vichiguiño' qamiri na'ñaxate' nqai'ñii naua rqai'laqachiri mashic nco'terec chaqai naua re'cootallii mashic tot ra'ñiiguelo,