Juan 11:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca' so Jesús 'naaco' caso'maxare: —Chaqaỹim ná'maq ñca'laxatec na leuaxaiquipi, chaqai chaqaỹim ná'maq ỹim nca'laxa. Cá'maq huelec aỹim, 'eno'm ileu, qam nca'leuec.

Juan 11:25 Iomraidhean Croise

Salmos 36:9

ma' chaqaiqami' chicqotacot da nca'laxa, chaqai queda rauaqe', ca' seuanaxa quiyim richiichiguiñi.

Lucas 23:43

Ca' so Jesús saachiguit, ca 'naaco': —Ỹaatqajam llic nagui da shiñirapegaxaua', quiyim nagui chaqa'ma' ỹim qauora'e' quiyi la'a' na ca'laxaiquipi queda piguim.

Juan 1:4

So'maxare só'maq hueetagui da nca'laxa, ca' dajo nca'laxa chaqaida dá'maq qaỹauaaque coỹarelec na qomyipi.

Juan 14:19

Qam sqaỹalqotac, ca' na qomyipi tot iuañiua', qam qamiri huañiỹa ma'le aỹim. Ma' qamiri rca'lliiuec, ma' ỹim yca'leetauec.

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Juan 3:16

Ma' ñi qota'olec ỹaatqajam 'xoico' da lauochaxa quena qomyipi, ca ỹaanec na 'oonoqui' llaalec, qaiyi se ileu cá'ogue cá'maq huelec na'maxare. Ta'ta'a quiyim 'ue da lca'laxa sqaica lqodoc.

Juan 3:36

Cá'maq huelec so llaalec ñi qota'olec, ca' 'ue da lca'laxa sqaica lqodoc; qam cá'maq sqai huelec so llaalec, ca' sqaica da lca'laxa. Ta'ta'a quiyim hueetalec dá'maq chalego lecaic nouaxanaxaset quiñi qota'olec.

Juan 5:21

Ma' quiyim ñí'maq leta'a ishit quiyim liỹa nca'leuec nqai'en cá'maq mashic ileu ỹaanem da lca'laxa, ca qai'neeta ná'maq llaalec ỹaanem da lca'laxa cá'maq nqo'ta.

Juan 5:26

Ma' ñí'maq leta'a 'ue da lquesaxanaxa quiyim chaqaiñi ỹaanec da nca'laxa. Ca' qai'neeta ỹaanem na llaalec da lquesaxanaxa quiyim ỹaanec da nca'laxa;

Juan 6:35

Ca' so Jesús 'naaco': —Chaqaỹim ná'maq pan chicqaugui da nca'laxa. Cá'maq nacpegue' aỹim, ca se ỹauanapega quiyim qopat; chaqai cá'maq huelec aỹim, ca se ỹauana ỹalauat laquip.

Juan 6:44

Sqaica ca ishit nacpegue' aỹim, no'm se qanauego quiñi ita'a ñí'maq yila'; chaqai aỹim liỹa ñca'laxatec queca pa'aatec na'xa'a.

Hechos 3:15

Ca' quiyi, ca' qamiri lauachii só'maq chicqo'ot da nca'laxa. Qam ñi qota'olec liỹa nca'leuec nqai'en, ca' quedajo qomá'ogue qomi' sauanqachigui.

Romanos 4:17

quiñi qota'a, ma' so'maxare qai'neeta huelec ñi'maxare. Ma' 'nerac naua naneresañi na'qaatqa: “Aỹim so'uet quiyim qami' leta'a na 'xoic ỹoreta'oguit qomyipi.” Ma' ñi qota'olec ỹa'ue da lca'laxa ná'maq mashic ileu, chaqai re'oq nqai'en ná'maq saqa' re'oq.

Romanos 8:2

Ma' da lquesaxanaxa so Espíritu ỹo'uet da nca'laxa chicqochigui quiyim qana'deetau'a so Cristo Jesús, ca ỹoso'oga ỹim queda lquesaxanaxa da nasauaxaset chaqai queda nelauaxa.

1 Corintios 15:18

Chaqai no'm chaqaida, ca ná'maq mashic ileu quená'maq mashic huelec so Cristo, ca ná'ogue na'laañi.

1 Corintios 15:29

Chaqai da liỹa quiyim mashic 'ue na qanachilaxangui da 'neeta queca leuaxaic. ¿Chi'neco' ma' 'ne'teco' dajo? No'm se liỹa nca'leuec nqohin ná'maq mashic ileu, ¿chi'neco' ma' nañaanlco' quiyim qanachilaxan quena'maxare?

2 Corintios 4:14

Ma' qomi' sa'deenaq ñi qota'a ñí'maq liỹa nca'laxatec na'le so qara'gaxala' Jesús queso lelauaxa, qai'neeta nca'laxaterec qomi' ma'le, 'nejem dá'maq 'ne'tegue na'le so Jesús. Ca' qariỹareta'pe qamiri ma' qarauega'a yí'maq neeta'ñi' ñi'maxare.

Filipenses 1:23

Ca' 'xoic da lqalaic quiyim ñca'aguilo daua dos. Ma' da liỹa ỹa'deenataxanaxac 'neetasa': Ỹim yishiitaque quiyim yileu, qaiyi shic, ca' sento'ot so Cristo. Ca' dajo 'eco' paguec la'maxa caỹim.

Filipenses 3:10

Ma' sahotaque quiyim sauana so Cristo quiyim ñauata'guit caỹim da lquesaxanaxa na' nachipiaqtashiguim nqohin so nelauaxa, chaqai quiyim ñouanau'a da le'xoric, vire'ta ma' shinta so'maxare queso lelauaxa.

1 Tesalonicenses 4:14

Ma' quiyim qomi' seuaqlec quiyim so Jesús ileu qam liỹa nca'leuec, ca' qai'neeta seuaqlec quiyim ñi qota'a liỹa nca'laxatec ma'le ná'maq queeta'ñi' quiyim huelec so Jesús, qaiyi liỹaatac so'maxare.

Apocalipsis 1:18

Ỹim ná'maq yca'leetauec. Ma' yileu na'le, qam nagui, ca' sqaica lqodoc quiyim yca'leetauec. Ỹim llo'qoota'alo soiquenta'pe naua lauaatqate da nelauaxa chaqai quecá'maq lapooqo' na lqui'i na leuaxaiquipi.

Apocalipsis 20:5

Ca' chaqaiso só'maq 'auaxaic qanca'laxatec quesó'maq leuaxaiquipi. Qam só'maq liỹa leuaxaiquipi, ca' se qanca'laxatec, toco' ma' ime'ueque saua mil ñaxari.

Apocalipsis 21:4

Ñi'maxare nquiỹoorec naua'que naua lachi' ma'le yi'maxare. Ca' tot qaica ca nelauaxa, chaqai ca ỹenaxac, chaqai ca naualqategueñi, chaqai ca nqui'ic, ma' ná'ogue ná'maq shi'co' quen 'ue, qaica ime'uegue.

Apocalipsis 22:1

Ca' na'le, ca so piguim le'ec ỹachaxañim aso lachiugue co'teeta chicqaugui da nca'laxa; so le'ec huaxaỹaq richiichiguiñi, 'ec na chaañi, chicqau'a yi nqa'xanqa' ñi qota'olec chaqai so 'ec qagreta llaalec.

Apocalipsis 22:17

So Espíritu Santo chaqai aso loua so 'ec qagreta llaalec 'nerac: —Anaqui'. Chaqai cá'maq na'xaỹaxantac 'naac: —Anaqui'. Chaqai cá'maq ỹalauat ca laquip, chaqai ỹahotaque ne'et, ca' nanac, ca' ne'et quiyi huaxaỹaq chicqaugui da nca'laxa. Qaca nqohin aca laseuete.