Juan 11:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca' aso Marta 'naaco': —Ajá'a, ỹim sa'den quiyim liỹa nca'leuec ma'le, ma' ỹovita quiyim liỹa qanca'laxatec na leuaxaiquipi queca pa'aatec na'xa'a.

Juan 11:24 Iomraidhean Croise

Isaías 25:8

Ca' ñi qara'gaxala' ỹosogui ma'le da nelauaxa, chaqai ná'ogue nquiỹouec na lachiripi, chaqai na'laañi nqai'en quená'ogue na 'laua quiyim se qanqo'chiguit na lalamaxareteripi. Ñi qara'gaxala' 'naac dajo.

Oseas 6:2

Sqaỹaloq rapilaxat quiyim no'ueente' qomi', ne'laxataxanaxañishiguim qomi', ma' ỹahotaque seloxoiqato'ot ñi'maxare.

Lucas 14:14

qaiyi ỹaatqajam chalego ca ra'maxa'e'. Ma' na'maxare se ishit quiyim rishivichiñi'. Qam qami' ma'le 'ue ca nishiuetenaxaqui', ma' ỹovita quiyim liỹa qanca'laxatec ná'maq ỹaatqajam 'maxaraic da no'ueenataxac qomyipi.

Juan 11:23

Ca' so Jesús 'naaco' caso'maxare: —Yi rqaỹa'e' liỹa nca'leuec ma'le.

Juan 6:39

Ma' dá'maq ỹahotaque ñí'maq yila' ita'a quiyim aỹim qaica ca ña'laxatañi quená'maq nañaañim, ta'ta'a quiyim liỹa ñca'laxatec quecá'maq pa'aatec na'xa'a.

Juan 6:40

Dá'maq ỹahotaque ñí'maq yila' quiyim ná'ogue ná'maq ra'ỹo'ot na llaalec ñi qota'olec chaqai huelec, ca 'ue da lca'laxa sqaica lqodoc; chaqai ỹim liỹa ñca'laxatec queca pa'aatec na'xa'a.

Hechos 24:15

Chaqai 'nejem da ñaquitaxac quiñi qota'olec dá'maq naquitaxague' naua'maxare, quiyim na leuaxaic liỹa nca'leuec nqohin, ná'ogue na huagaxaraic chaqai na nocqaic.

Hebreos 11:35

'Uo' ana 'aalo liỹa icoñiguit na lasauaxanec liỹa nca'leuec. Chaqai 'uo' na ileu queda ne'guenaxac, qam se ỹa'maxaren quiyim qaỹosouec, ma' ỹahotaque quiyim liỹa qanca'laxatec quecá'maq paguec loyac nca'laxa.