Juan 11:2 - La'qaatqa ñi qota'olec Qota'olec & Qota'olec Novita Na Qomyipi

² Ca' aso María lqaỹo' so Lázaro só'maq ralolaxaic, chaqaso' asó'maq ỹocorelgoto' na'le naua lapiaate' so Jesús queso coraxat lo'daxaraic lahita, ca rashiviaqataxana na laue.

Juan 11:2 Iomraidhean Croise

Marcos 14:3

So Jesús neeta'ñi yi Betania, quiyi la'a' so Simón só'maq qaỹamata'gue rishiita na loshicmaxa. Ca co'na' so Jesús ñaq nqa'xantañi reloqotalec so nqui'ỹaxala', ca noviro' aso 'aalo no'qoota'a aso coraxat lahi' leenaxat alabastro, no'qaachigui quena coraxat leenaxat nardo. Na'maxare ỹaatqajam 'xoic lesega'a. Ca aso'maxare ỹopoxoỹaxachigui aso coraxat lahi', ca ỹocorelec na lqahic so Jesús.

Lucas 7:13

Ca so Jesús co'na' iuana aso'maxare, ca' ỹaatqajam 'ue da le'xorenataxanaxa, ca' 'naapega, 'naaco': —Se ỹa'maxañi quiyim nohiñi'sac.

Lucas 7:19

Ime, ca' ilatalo so Jesús quiyim inate' quiyim chaqaiso' so ỹaatqajam nashi nca'laxaqui so'maxare, só'maq qanauaantaque, loqo'm ñaq qanauaanaque ca liỹa.

Juan 11:21

Ca' so Marta 'naaco' queso Jesús: —Qami' ỹa'gaxala', quetaxan viise'o' najo, ca se ileu quet yi ỹaqaỹa.

Juan 11:3

Ca saua nqaỹa' dos 'aalo ilate'o' na'le so la'qaategue' queso Jesús, 'neraco': —Qami' qara'gaxala', yí'maq nauochaxaua'e', yi'maxare ralolaxaic.

Juan 11:32

Ca' so María co'na' ỹovire'oga yi hueeta'ñi so Jesús, ca' ỹa'dooto naua le'cootal. Ca 'naaco': —Qami' ỹa'gaxala', quetqai viisa'ño' najo, ca se ileu quet yi ỹaqaỹa.

Juan 12:3

Ca' aso María nodouo aso coraxat lahi' 'uo' ca medio litro quena coraxat leenaxat nardo. So'maxare 'xoic lesega'a. Ca ỹocorelgoto naua lapiaate' so Jesús. Ca na' ime, ca ỹashiviaxate' ỹahote'e so laue. Ca' sá'ogue so 'imec pilougui so lahita so coraxat.

Juan 13:13

Qamiri machiỹa'gue aỹim napaxaguinataxanaq chaqai na'gaxala'. Ca da'maxare qaica ỹoqolliguit, ma' llic.

Juan 13:14

Ca no'm ỹim napaxaguinataxanaq chaqai na'gaxala', qam squiỹo' naua qapiaachiri, ca nagui no'uen quiyim caqamiri quiỹo' naua lapiaate' ca liỹa.