Juan 11:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca 'xoico' so judioipi neeta'ñi yi la'aate' saua Marta chaqai aso María lo'daxatesapigui lauele' saua'maxare, sauaxat quiyim mashic sou so lqaỹa'.

Juan 11:19 Iomraidhean Croise

Génesis 37:35

Ca sá'ogue so llaalqaipi chaqai so llaallipi ỹahotaque quiyim lo'yigui lauel so'maxare. Qam so'maxare se ỹa'maxaren qaicochaq. Lama'xa noỹenteguelec da na'laxac so llaalec. Ca 'naaco' da la'qaatec: —Ỹim se seshit ñaqate' naua ỹoho ỹasouaxaqui', chi ỹovireto'o' quiyim llapoo'guit queca loma' na lqui'i na leuaxaiquipi.

Job 2:11

Ca' so Job 'vio' saua tres nauochaxaua': so 'óna leenaxat Elifaz, so'maxare naalec yi 'laua Temán, chaqai so Bildad naalec yi 'laua Súa, chaqai so Zofar naalec yi 'laua Naamat. Co'na' ỹa'deene' dá'maq le'xoric so Job queda hueetalec, ca' querepegue' ỹahosaque lo'daxachirigui lauel chaqai quiyim reloqora'a queda nqui'ic.

Job 42:11

Ca co'na'le, ca' qara'piicha queso lqaỹaripi ỹalliripi chaqai so 'aallipi, chaqai so nauochaxauaripi, chaqai sá'ogue so ñaauapec lauanatqaipi. Ca na' queso lapoxoc, ca' qaỹo'uet so nqui'ỹaxac quiyi la'a'. Ca' ỹaatqajam 'ue da nqui'ic, ca' qaỹa'ñaxatetac queso ne'guenaxac na'le qanelata quiñi qara'gaxala'. Ca' quiñi 'óna, ca ỹa'ue ana lame lam queso'maxare, chaqai aso lichicshaqate 'oro.

Lucas 10:39

Qam aso Marta 'uo' aso lqaỹa leenaxat María. Ca' so'maxare nqa'xanñi, ne'toto naua lichil so Jesús, ca na'xaỹaxantapega ná'ogue na ỹa'xatetac so'maxare.

Lucas 10:42

Qalaxam 'oonoqui' dá'maq ỹapacauec quiyim qaỹouen. Añi María ỹaatqajam paguec loyac dá'maq nca'atau'a, ca da'maxare qaica ca ishit rouootaxana'gue.

Juan 1:19

Na judioipi na'ñi yi Jerusalén ila' so netaxaỹaxanqajanqaipi quena' qaretaxaỹa'pegue' ñi qota'a chaqai so llaalqaipi so Leví chi lotauaripi so'maxare quiyim renataxana so Juan quiyim nega'ỹo' so'maxare.

Juan 11:1

'Uo' so ỹale ralolaxaic leenaxato' Lázaro, na'ño' yi na'a' Betania yí'maq nera'ñi aso María chaqai aso lqaỹa Marta.

Juan 11:31

Ca co'na' qaiuane'tegue aso María quiyim ne'laxatashiguim, ca chaqa'ma' eec, ca só'maq hueeta'ñi yi la'a' judioipi ỹa'ñaxatetac quiyim qaica ca huapigui lauel, coỹare'tegue, ma' 'neetapigui lauel quiyim quepegue' aca lahi', ca' noỹen.

Juan 11:33

Ca so Jesús co'na' iuana noỹentac aso María chaqai so judioipi liỹaatac aso'maxare, ca ỹaatqajam 'ue da lachicoxo so'maxare, chaqai redaỹac nqai'en añi le'taxanata da le'laxa.

Juan 11:36

Ca' so judioipi 'naaco' na'le: —'Ajñii, ỹaatqajam lqo'itaxato' quen.

Juan 11:45

Ca' quedajo, ca 'xoico' so judioipi huelec so Jesús quesó'maq coỹarauec aso María co'na' iuanchigui dá'maq ỹo'uet so Jesús.

Juan 11:8

Ca 'neraco' saua lapaxaguinatqa: —Qami' napaxaguinataxanaq, ñaqai cha'gue na' so judioipi na'ñi yi'maxare ỹahotaque ralauachi', ỹodoota'a qami' na qa'; qam ¿lotqai viisaque liỹa 'itquera?

Romanos 12:15

Netoonaxauahi cá'maq netoontac, chaqai noỹenaxauahi cá'maq noỹentac.

2 Corintios 1:4

Ñi qota'a ñí'maq lo'daxachiguilo qovilli' quenaua'que naua qare'xoyaxaco, qaiyi qomi' seshitaq quiyim llo'daqainaq cá'maq 'ue ca le'xoric, saanqaem dá'maq 'nejem da lo'daqainataxanaxac ñi qota'a coqomi'.

1 Tesalonicenses 4:18

Vichiguiño' quiñi 'óna caqamiri ỹotauanegue ca liỹa dajo na'qaatec.

1 Tesalonicenses 5:11

Vichiguiño' notauañiỹata' chaqai quiñi 'óna ỹa'ñaxat ca liỹa, quiitalec dá'maq chaqai'en 'ñiitari'.

1 Samuel 31:13

Ime, ca' qaishinñi so lpi'naqaipi quiyi Jabes, qaishino'oto aca qo'paq. Ca co'na' ime dajo, ca' ỹovi' siete na'xata' quiyim so qomyipi nqopaaqachit.