Juan 10:6 - La'qaatqa ñi qota'olec Qota'olec & Qota'olec Novita Na Qomyipi

⁶ So Jesús ỹa'uo' da laloqojnaxanaxaqui, qam saua'maxare se ỹa'deene' dá'maq reloqo'tegue dá'maq 'naac so'maxare.

Juan 10:6 Iomraidhean Croise

Mateo 13:34

Ỹa'xat ná'ogue najo so Jesús, ỹahote'e na laloqojnaxanaxaqui. Ca' quiyim se ỹa'ue ca laloqojnaxanaxaqui, ca' sqaica ca ỹa'xat.

Mateo 13:51

Ca co'na'le, ca renataxano' so Jesús: —¿Ỹaatqajam 'yiiñichigui dá'ogue dajo? Ca saua'maxare 'neraco': —Ajá'a, qami' qara'gaxala'.

Marcos 4:34

Ca' qaica quet cá'maq ỹa'xat quiyim se ỹahote'e ca laloqojnaxanaxaqui quiyim ỹa'xatetac da na'qaatec, qam co'quena' noda'chiguita saua lapaxaguinatqa, ca ichoxoteta dá'ogue da leloxoỹaxac.

Juan 16:25

Ỹim sa'xat dajo caqamiri, qam sahote'e na ỹaloqojnaxanaxaqui. Qam ỹovita ma'le ca laloqo' quiyim se sahote'e ca ỹaloqojnaxanaxaqui quiyim 'ue ca sa'xat caqamiri, ta'ta'a quiyim ỹaatqajam sechoxote'tema qamiri ñi qota'a.

Juan 16:29

Ca' saua lapaxaguinatqa 'neraco': —Nagui maxasa', ca ỹaatqajam ỹaatqate'ueguelo naua ra'qaataxahi', ca' totqai vise'e ca raloqojnaxanaxagui'i'.

Juan 6:52

Co'na'le, ca so judioipi chi retaqata'ta', ca 'naaco': —¿Chi negue' queto' ca 'neeta quiyim da'maxare nañaanoxorom quiyim sa'guinaq ná'maq chi loshicmaxa?

Juan 6:60

Ca co'na' qara'xaỹa dajo napaxaguinataxanaxac, ca 'xoico' só'maq coỹareta'pegue' so Jesús 'naaco': —Dá'maq dajo ỹa'xat chalego lqalaic quiyim qaicoñiguit; ¿negue' queto' ca ishit na'xaỹaxana?

Juan 7:36

¿Nega'ỹo' cá'maq reloqo'tegue dá'maq 'naac coqomi': “Daañitaque ma'le aỹim, qam sqa nachiua', ma' sqai shichii 'iigue dá'maq senta'gue ma'le”?

Juan 8:27

Qam saua'maxare se ỹa'yiinchiguit da la'qaatec so Jesús quiyim ỹa'xatetac ñi qota'olec.

Juan 8:43

¿Chi'negue ma' sqa 'yiiñii dá'maq sa'xat caqamiri? Peeta'a ma' sqai ỹaatqajam na'xaỹaxañiỹa dá'maq sa'xatetac.

1 Corintios 2:14

Ca qom sqai neetagui so Espíritu Santo, se ishit icoñiguit da lo'ueenataxanaxac so ne'Espíritu ñi qota'a, ma' ca'maxare quiyim na'xaỹaxantapega, 'ec nqai'en chaqai mogollishic. Ma' se ỹa'den da'maxare. Ma' quena' qaimitaque ca leloxoỹaxac dajo, ca ipaquetaque quiyim qaỹotauan queso Espíritu Santo.

2 Pedro 2:22

Qam ỹovita quiyim ipaquichigui só'maq na'qaatec quesaua'maxare: “Ca pioq pilac ỹa'ic ca lesalaxat, chaqai aca cos chita'gue qaiquiỹootac, lotqai pilac liỹa novinñigui ca nishaaxa.”

1 Juan 5:20

Sa'deenaq qai'neeta quiyim so llaalec ñi qota'a novi', ca' ỹaanema qomi' da qara'deenataxanaxac, qaiyi sa'deenaq ñí'maq ỹaatqajam qota'a. Qomi' ña'daqatau'a ñí'maq ỹaatqajam 'chichiguiñi, ca so'maxare chaqaiso só'maq Jesucristo, llaalec ñi qota'a. Chaqaiso so Jesús só'maq ỹaatqajam qota'a, chaqai chaqaiso só'maq nca'laxa sqaica lqodoc.