Juan 10:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca ma' ime quiyim ỹachaxanec cañi lahi' ná'ogue ana lalo qagretaipi, ca' eec, 'auetauec cana'maxare, chaqai aná'maq qagreta coỹaretaho queso'maxare, ma' ỹa'den da lavillaxac so'maxare.

Juan 10:4 Iomraidhean Croise

Cantares 2:8

¡Mashic naata na iqo'itaxat! ¡Mashic sa'qaata'guit da lavillaxac! Naquetalec renoteta'gue ana qa' ladocai, naqueta renoteta'gue ana quemaralec.

Cantares 5:2

Ỹim selaqata, qam añi i'taxanata nelootauec. Ca' sa'xaỹaque so iqo'itaxat noỹaxantapego quena lasom, 'naac: ¡Qami' iqo'itqate, huachirigui, ñapiitaxauo'lli', qami' iqo'itqate coviguinco'lli'! ¡Ma' mashic pi'guiloxolchigui na iqahic cana 'ỹa'! ¡Ana 'ỹa' quena pe qui'ñigui na iqahic laue!

Mateo 16:24

Co'na'le, ca' so Jesús 'naaco' quesaua lapaxaguinatqa: —No'm 'ue ca ỹahotaque quegue aỹim, ca' ncouaalta', ca' quegue aỹim, 'eno'm na'laxatañi dá'maq chi nachaalataxac.

Juan 10:16

Qai'neeta 'ue ana liỹa ilo qagretaipi sqai neetaugui anajo ilo lahi'. Ana'maxare qai'neeta sahotaque ño'deho. Na'maxare qai'neeta na'xaỹaxañiua' ma'le, qaiyi 'oonoqui' ca lapooqo', chaqai 'oonoqui' ca neloxoỹaq.

Juan 10:27

Ma' aná'maq iloxoiqateguese qagretaipi ỹa'den da ivillaxac, chaqai ỹim sa'den, chaqai ana'maxare coỹareta'pegue' aỹim.

Juan 10:3

Cá'maq lasom lo'o ỹauachigui ca lasom, qaiyi inoxono, chaqai ana qagretaipi no'uenegue da lavillaxac. Ma' roỹaxanta'gue na leenaxat ana qagretaipi, ca ỹauegue'oguiyi cañi lahi'.

Juan 10:5

Ma' sqai quegue cá'maq se iuanapega; lama'xa 'eetapeguem ca'maxare, ma' la'la'a cá'maq lavillaxac cá'maq se iuanapega.

Juan 10:8

Ca sá'ogue só'maq na'au caỹim nodaachiguiñi cuataxaiquipi chaqai huootaxanaxairipi, qam ana qagretaipi se na'xaỹaxana so'maxare.

Juan 12:26

Ca no'm 'ue ca ỹahotaque quiyim ro'ueenataxanot aỹim, ca 'maxaraic quiyim queeta'pegue' aỹim, ma' cá'maq seuete'e, ca' chaqaiyi hueete'e cá'maq ro'ueenataxantacot aỹim. No'm 'ue ca ro'ueenataxanot aỹim, ca' ñi ita'a imaqachin ca'maxare.

Juan 13:15

Sachaxanalo qamiri dajo, qaiyi qamiri denaxachii dá'maq ỹim so'uet caqamiri.

Juan 18:37

Ca' so Pilato 'naaco' queso'maxare: —¿Ca' llic quiyim ỹaatqajam qami' nashi? Ca' so Jesús 'naaco': —Ỹim nashi, chaqaida dá'maq 'ñirac. Ñanaỹa na 'laua na' ñi'qaañi, ma' sahotaque sa'xat dá'maq lliqueta. Ca ná'ogue ná'maq huelec dá'maq lliqueta, ca na'xaỹaxana dá'maq sa'xat.

Juan 3:29

Quiyim 'ue ca shilaq, ca cá'maq ỹaatqajam shilliguit acá'maq nequetegaxai, ca' chaqaica cá'maq nauonaxaua. Qam cá'maq nauochaxaua cá'maq shilo hueetau'e na lahi, ca 'qaatapega. Ca 'xoic da netoonaxac quiyim 'qaatapega só'maq 'on. Ca' chaqaida dá'maq 'neeta caỹim quiyim 'xoic da ñitoonaxac.

1 Corintios 11:1

Ca' qamiri yadenaxachii, quiitalec ma'le aỹim, ma' aỹim shiqueta'pegue' so Cristo.

Efesios 5:1

Ma' mashic qamiri llaalqa ñi qota'a, ca' ỹaatqajam nquipichiỹa'pegue' quiyim 'ñiita ñi'maxare.

Hebreos 12:2

Ỹaatqajam ya'ỹoqotagui so Jesús só'maq chicqo'ot da qarpi'ỹaxac chaqai nachinñi nqai'en. So Jesús ỹaatqajam na'ñaxachiguit da qohine'tegue na' qaipateno, chaqai se na'xaỹaxana dá'maq 'neeta quiyim nayiloxo lahi' dá'maq 'nejem dajo nelauaxa. Ma' ỹa'deenta quiyim ma' ime'uegue da le'xoric, ca 'ue ca netoonaxac chaqai ỹa'maqachiguiñi. Chaqai nqa'xanñi queda loic quiyi nqa'xanqa' ñi qota'a.

Hebreos 6:20

só'maq inoxonouguio' na'le so Jesús, ca' ỹauategue ca qoyic. Ca' chaqaida 'neeto' na'le so Jesús, ca' ỹovira'a quiyim qaisoota qaretaxaỹaxanqajnec quiyim retaxaỹa'pegue' ñi qota'a, 'nejem da no'ueenataxac na'le so Melquisedec.

1 Pedro 2:21

Ma' chaqaida dá'maq 'em roỹaxanalo qamiri ñi qota'a, ma' so Cristo 'ue da le'xoric sauaxate' qamiri quiyim ỹachaxan da leloxoỹaxac, qaiyi quiijlec da llicyaxac so'maxare.

1 Pedro 4:1

Ca' vichiguiño' quedá'maq 'neeto' na'le da le'xoric so Cristo quena loshicmaxa, ca' qamiri qai'neeta na'maxachitañi quiyim 'ue ca re'xoriguii. Ma' cá'maq ỹovirau'a ca le'xoric quena loshicmaxa, ca ỹalat na nasauaxaset,

1 Pedro 5:3

Mesqai 'ñiita'gue quiyim 'ec ralamaxarichii acá'maq loxoita'a. Ta'ta'a quiyim viitaque qaỹadenaxachichigui dá'maq 'ñiitari' quecá'maq loxoita'a,