Juan 10:35 - La'qaatqa ñi qota'olec Qota'olec & Qota'olec Novita Na Qomyipi

³⁵ Qam qomi' sa'deenqata quiyim naua naneresañi la'qaatqa ñi qota'a naua'maxare sqaica ỹoqolliguite', ma' quiyim ñi qota'olec ỹamata'gue qota'olqaipi só'maq icoñiguit da la'qaatec.

Juan 10:35 Iomraidhean Croise

Génesis 15:1

Ca co'na' ime dajo, ca' ñi qara'gaxala' retaxaỹa'pegue' so Abram, viichigui nqai'en so leuanaxanaxac. Ca 'naaco': —Qaica ro'chi'raque, Abram, ma' ỹim squepaqataxanteguelec qami'. Ỹaatqajam 'xoic lecaic ma'le aca nishivichi'i'.

2 Samuel 7:5

—Quirepegue' ñi ilaatec David, ca' 'qaataxañita quiyim ỹim, ma' ỹim na'gaxala', shinac: Mesqai qami' ná'maq no'xoñirishiguim ca 'imec quiyim senaugui ca'maxare.

Mateo 24:35

Na piguim chaqai na 'laua imero ma'le, qam naua ỹa'qaatqa sqaica ma' se ipaguiguilo quet.

Mateo 27:35

Ca co'na' mashic ime qaipateno, ca' saua nouaataxana' lase' nallichiguilo saua loho so Jesús, qaiyi naloguilo saua'maxare. Ca' quedajo, ca' ipaquichigui dá'maq 'naaco' na'le so letaxaỹaxanqajnec ñi qota'a co'na' 'naac: “Nallichiguilo na'le saua ỹoho, ca neuagaxachiguilo.”

Mateo 5:18

Ma' ỹaatqajam llic dá'maq shinac caqamiri, quiyim ñaqa 'ue na piguim chaqai na 'laua, ca' sqaica ca qanaqata'a quena nerqaipi, vire'ta ca netancoqui' quena naqataxaquipi quiyim saqa' ỹovita quiyim ipaquichigui ná'ogue ná'maq 'neeta mashic qoỹeretañi.

Lucas 16:17

Qam paguec se qalaq quiyim ime na piguim chaqai na 'laua, qam se ishit quiyim se ipaguigui cá'maq ỹa'xat ca 'oonoqui' quena nerec quená'maq naqataxaquipi.

Juan 10:34

Ca' so Jesús 'naaco' queso qomyipi: —Queda naqataxac caqamiri naneretañi quiyim ñi qota'olec 'naac: “Qamiri, qamiri qota'olqa.”

Juan 10:36

Chaqai no'm ñi qota'olec ỹoỹoote'oga ỹim, ca yilata na 'laua, ca ¿negue' quet cá'maq 'neeta quiyim 'ñiỹac ñapacalec ñi'maxare quiyim shinac ỹim llaalec ñi qota'olec?

Juan 19:28

Ca co'na' ime dajo, ma' so Jesús ỹa'den quiyim dá'ogue dajo ipaquichigui, chaqai quiyim ipaquichiguilo yaua naneresañi na'qaatqa, ca 'naaco': —Yalauat na ỹaquip.

Hechos 1:16

—Qamiri ỹaqaỹa', nagui ỹovita quiyim qaipacqajanchiguilo naua nerecse' hueetaugui yi la'qaatec, so Espíritu Santo co'na' ỹa'qaataxanaxan so nashi David queda 'neeta so Judas. Ma' chaqaiso só'maq ỹauec na'le so coñi' so Jesús.

Romanos 13:1

Ca ná'ogue na qom ỹouen quiyim na'xaỹaxana ca 'naac na nashillipi. Ma' qaica quet cá'maq nashi sqai chicqochigui ñi qota'olec, chaqai ná'maq neetaho ro'ueenataxantac nagui, ỹo'viijñi ñi'maxare.

Deuteronomio 18:15

Ñi qara'gaxala' qota'olec ỹo'uet ma'le quiyim chicqotouguilo qamiri ca letaxaỹaxaqui 'nejem aỹim, ca' na'xaỹaxañiỹa ca'maxare ma'le.

1 Samuel 15:1

Ca 'uo' so na'xa'a, ca so Samuel 'naaco' queso Saúl: —Ñi qara'gaxala' yila' na'le quiyim saanot qami' ñi'maxare quiyim qami' nashi quena llaalqaipi so Israel ná'maq lalamaxareteripi. Vichiguiño' nagui na'xaỹaxañita dá'maq la'qaatec 'naapega qami' ñi qara'gaxala'.

1 Samuel 28:6

Co'na'le, ca inato' ñi qara'gaxala', qam ñi qara'gaxala' sqai saachiguit so'maxare quiyim chicqochigui nqai'en ca le'guemataxac, loqo'm so nenatec qa'oqui' Urim, loqo'm quena letaxaỹaxaquiripi ñi'maxare.