Juan 10:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Ca' ỹim saanem da lca'laxa sqaica lqodoc. Ca tot ileu, chaqai qaica quet cá'maq ishit rouootaxana'gue cana ñapoquena.

Juan 10:28 Iomraidhean Croise

Salmos 31:5

Sañiguilo naua napoquenalli' da ñachaalataxac; ¡coñira'ñigui aỹim, qami' ỹa'gaxala', qami' qota'olec queda lliqueta!

Proverbios 24:16

ma' 'eno'm siete huaañi, qam qaiyiita canchaqai ỹote' ne'laxashiguim; qam na hualoxonyipi iyinñigui ma'le da le'xoric.

Isaías 55:3

Naguipegue' aỹim, ca' na'xaỹaxañii, ỹaatqajam na'xaỹaxañii'ta aỹim, ca' rca'lliiuec. Ca sa'ue ma'le da ña'deenaxac caqamiri sqaica lqodoc, ca ipaquichiguilo ma'le naua sachaxanta'pe na'le queda i'xorenataxanaxa queso David.

Jeremías 31:3

ca na' ñaq qoỹoqo'ta, ca ñachaxana. Ca' se'xoren, qam qaica lqodoc da i'xorenataxanaxa; vichiguiño' ñaqai queeta da iqouagaxa.

Jeremías 31:34

Ca ma'le, ca' se ipaquetaque quecaua qomi' nauochaxaua' loqo'm neuo' lase' se napaxaguintecta' quiyim na'deenta', ma' ná'ogue ya'den ma'le, chicqochi'ñi ca paguec lodegaxat, vire'ta ca paguec cocho'qui'. Ca' ỹim sapalaxat ca se no'uen ỹo'ueetetac chaqai tot so'leentapega na lasauaxaset. Ỹim na'gaxala', se'taxajñi da ỹa'qaatec. (31.35-40 Da lqouagaxa ñi qota'olec quiyi Israel, chaqai da naata la'maxa ma'le yi'maxare.) (32.1—35.19 So Jeremías ỹa'ue yi rishiujnaxana 'laua na' so Nabucodonosor nahiquinchiguiñi yi Jerusalén. Ca' dajo chi letanec quiyim 'ue da naquitaxac ma'le quesaua naasaho na'xata' quedá'maq la'qaatec ñi qara'gaxala', na' ỹa'xateta'guit quiyim noxonec yi Jerusalén, qam ma' ncopa, ca' so qomyipi liỹa qarapilaxat.)

Marcos 13:22

Ma' 'xoic ná'maq anac ma'le 'maatqaiquipi, 'naac ma'le chaqaina ná'maq nashi nca'laxaqui loqo'm 'ec letaxaỹaxanqajnec ñi qota'a. Ma' na'maxare ishit ỹo'uet na netanqaipi chaqai ná'maq se qaiuanapega, sha'apiguito' quiyim ỹayin ná'maq shi'gue lca'acseripi ñi qota'olec.

Lucas 23:46

Ca' so Jesús ỹaualqo', 'naaco': —Qami' ita'a, sañiguilo naua rqai'laqachichi' na ỹa'al. Ca co'na' naauec da la'qaatec, ca' ileu.

Juan 10:29

Ma' nañaañim ñi ita'a. Ñi'maxare ỹapacauec quená'ogue, chaqai qaica ca ishit rouootaxana'gue cada napoquena ñi'maxare.

Juan 11:25

Ca' so Jesús 'naaco' caso'maxare: —Chaqaỹim ná'maq ñca'laxatec na leuaxaiquipi, chaqai chaqaỹim ná'maq ỹim nca'laxa. Cá'maq huelec aỹim, 'eno'm ileu, qam nca'leuec.

Juan 14:19

Qam sqaỹalqotac, ca' na qomyipi tot iuañiua', qam qamiri huañiỹa ma'le aỹim. Ma' qamiri rca'lliiuec, ma' ỹim yca'leetauec.

Juan 17:2

Ma' qami' 'ỹaañitem na qachaalqui' da lquesaxanaxa quiyim idaanlec ná'ogue na qomyipi, quiyim ỹa'ue da lca'laxa sqaica lqodoc ná'ogue ná'maq 'ỹaañitem.

Juan 18:9

'Naaco' dajo, qaiyi ipaquichigui dá'maq 'naaco' na'le so Jesús: “Quená'maq nañaañim ñi qota'a, qaica ca na'laañi.”

Juan 3:36

Cá'maq huelec so llaalec ñi qota'olec, ca' 'ue da lca'laxa sqaica lqodoc; qam cá'maq sqai huelec so llaalec, ca' sqaica da lca'laxa. Ta'ta'a quiyim hueetalec dá'maq chalego lecaic nouaxanaxaset quiñi qota'olec.

Juan 4:14

Qam cá'maq ni'chigui cá'maq huaxaỹaq saanem, ca' qaica ma' liỹa quet iuet laquip. Ma' cá'maq huaxaỹaq saanem, ca'maxare 'ec la'uaxac ne'paxantashiguim quena lauel ca'maxare. Ca' chaqaica cá'maq ỹoviraqta'a ca nca'laxa sqaica lqodoc.

Juan 5:24

Ca' ỹaatqajam lliqueta dá'maq sa'xat caqamiri: Cá'maq ỹa'maxachichiguiñi ca na'xaỹaxanaxac quedá'maq sa'xat, chaqai huelec ñí'maq yila', ca 'ue ca lca'laxa sqaica lqodoc; chaqai sqaica ca nouaxanaxaset, ma' mashic shi'gue napaguelec da nelauaxa, ca inoxona'a da nca'laxa.

Juan 6:27

Mesqo 'ueenataxañii hiñiteguelec ca na'ic tai'a quiyim imeho, ta'ta'a ca na'ic se imeho chaqai chicqaugui ca nca'laxa sqaica lqodoc. Ca chaqaica cá'maq na'ic ỹaanema qamiri najo ỹale llaalec, ma' ñi qota'olec chaqaina ná'maq ỹiquichigui quiyim ỹa'maxarenta.

Juan 6:37

Ná'ogue ná'maq nañaañim ñi ita'a nacpegue' aỹim; chaqai ná'maq nacpegue' aỹim, se so'da'guit.

Juan 6:47

Ỹaatqajam llic da shinac caqamiri, quecá'maq huelec aỹim, ca 'ue ca lca'laxa sqaica lqodoc.

Juan 6:68

Qam so Simón Pedro 'naaco': —Qami' qara'gaxala', ¿negue' queto' cá'maq saxague? Ma' naua ra'qaataxahi' ỹaatqajam na'qaatqa chicqoraugui da nca'laxa sqaica lqodoc.

Hechos 7:59

Ca co'na' ñaq qainaqatac so Esteban, ca nqouagaxaintac, 'naaco': —Qami' ỹa'gaxala' Jesús, coñichiguit na ỹa'al.

Romanos 5:17

Ca no'm da nelauaxa 'uo' da lquesaxanaxa na'le chicqochigui so lasauaxaset so 'oonoqui' qom, ca paguec lecaic ma'le cá'maq ỹaanem ná'maq icoñi'chiguit ñi qota'olec. Ca 'ue ma'le ca lquesaxanaxa quedá'maq dalaxaic lca'laxa chicqochigui nqai'en so 'oonoqui' ỹale Jesucristo.

Romanos 5:2

Ma' chaqaiso só'maq Cristo só'maq 'em quiyim seconaxaguit da lqouagaxa ñi qota'olec, qam dajo chicqochigui da qarpi'ỹaxac. Ca' dajo qanqouagaxa ỹaatqajam ña'ñaxatqa'tegue, chaqai 'ue da qanetoonaxac, ma' mashic 'ue da qanaquitaxac quiyim ñouanqau'a da lauaq ñi qota'olec.

Romanos 5:21

Ma' dá'maq nasauaxaset 'uo' da lquesaxanaxa quiyim noviraxat da nelauaxa, ca 'nejem quiyim, ma' mashic icoñi'chiguita qomi' ñi qota'a, da lqouagaxa 'ue da lquesaxanaxa quiyim ỹaanema qomi' da nca'laxa sqaica lqodoc, chicqochigui nqai'en so qara'gaxala' Jesucristo.

Romanos 5:9

Ca' nagui mashic qaicoñi'chiguita qomi' quiñi qota'a chicqochigui nqohin da lelauaxa so Cristo. Ca' paguec la'maxa nagui ma' so'maxare se ỹovira'alo nqai'ne' qomi' ma'le ca nouaxanaxaset na qomyipi naỹalec najo.

Romanos 6:23

Ma' da nasauaxaset qaica quet cá'maq liỹa rishiuetenaxana, qaidaata da nelauaxa; qam da lqouagaxa ñi qota'a chicqaugui da nca'laxa sqaica lqodoc quiyim ña'daqatau'a so Cristo Jesús só'maq qara'gaxala'.

Romanos 8:1

Ca' nagui ỹaatqajam qaica ca nouaxanaxaset cá'maq na'deetau'a so Cristo Jesús, quená'maq totqai que'uegue da se no'uen lamaanaxanqachic na loshicmaxa, ta'ta'a so Espíritu Santo queeta'pegue'.

Romanos 8:29

Ma' ná'maq shi'gue iuana ñi qota'a, ca' chaqaina ná'maq shi'gue nca'au'a ñi'maxare, ỹahotaque quiyim 'nejem so llaalec Jesús, qaiyi só'maq llaalec nopiichi quená'maq 'xoic nqaỹaripi.

Filipenses 1:6

Ca' ỹaatqajam se'taxachichiguiñi quiyim ñi qota'a, ma' mashic ỹo'uet dá'maq 'maxaraic lo'ueenataxanaxac caqamiri, ca' se neme quiyim queetalec ỹo'ueetetac, ỹovireta'a nqai'en cá'maq na'xa'a ma' liỹa novi' so Jesucristo.

2 Tesalonicenses 2:13

Qam qomi' se neme quiyim saanqatecshiguim qana'aachic quiñi qota'a caqamiri, ma' qamiri qanauochaxaua' qarqaỹa' queso qara'gaxala'. Ma' ñi qota'a nca'au'alo qamiri na' ñaqa 'avichiguiñi, qaiyi rca'lliuec. Qam dajo nca'laxa chicqo'ot so Espíritu Santo só'maq 'em quiyim qamiri lalamqate' ñi qota'a, chaqai chicqochigui nqai'en dá'maq ỹaatqajam llic na'qaatec dá'maq viilec.

1 Timoteo 1:16

Qam qaiyiita ñi qota'a yi'xoren, qaiyi caỹim 'auaxaic ỹachaxan so Jesucristo quena qomyipi da leualaxavic lodegaxat. Ma' ỹahotaque quiyim aỹim laloqojnaxanaxat, qaiyi ca qom quiyim ma' huelec so Jesús, ca' ỹacoñiguit da nca'laxa sqaica lqodoc.

2 Timoteo 1:12

Ca' chaqaida dá'maq 'em 'ue da i'xoric. Qam se ypocoqotac, ma' sa'deenta só'maq hueeto'ot da ñaquitaxac. Chaqai ỹaatqajam sa'deenta quiyim so'maxare 'ue da lquesaxanaxa quiyim netela'a aỹim quedá'maq pataxailec, ỹovireta'guit nqai'en cá'maq pa'aatec na'xa'a.

Hebreos 7:25

Vichiguiño' ishit quiyim qaica lqodoc nqai'en da lca'laxa ná'maq ỹachigoxochichigui so'maxare quiyim nqo'neu'a ñi qota'a, ma' so'maxare tot ileu, ca rashiilaxanlec quiñi qota'a na'maxare.

1 Pedro 1:5

Ma' qamiri 'ue da rpi'ỹaxaguii quiñi qota'a, ca ñi'maxare quepaqataxanlgoto qamiri queda lquesaxanaxa, qaiyi viriỹau'a da rca'laxahi ỹahotaque ỹachaxanema qamiri quecaua pa'aaterec na'xata'.

1 Juan 1:2

Ca' sojo chicqaugui da nca'laxa nachaxan, ca' qomi', seuanaxa, ca' qomi' sa'xatqatac so'maxare. Ca' sechoxotqaima qamiri dajo nca'laxa sqaica lqodoc, dá'maq hueeto'oto' na'le ñi qota'olec, ca' nachaxanalo qomi' na'le.

1 Juan 2:19

Saua'maxare inoxondec chicqotouguilo qomi', qam llic quiyim mesqai ỹaatqajam qariỹa'. Ma' quetqai ỹaatqajam qariỹa', ca' se noỹooterec quet coqomi'. Qam dajo 'neeta, qaiyi ỹaatqajam re'qoota quiyim ná'ogue mesqai qariỹaripi.

1 Juan 2:25

Ca' chaqaida dá'maq ỹachaxantac na'le so Jesucristo quiyim ỹaanema qomi' da nca'laxa sqaica lqodoc.

1 Juan 5:11

Dajo la'qaatec ñi qota'a chicqochigui nqai'en quiyim ỹaanema qomi' da nca'laxa sqaica lqodoc, chaqai quiyim dajo nca'laxa hueetagui so llaalec.

Judas 1:1

Ỹim Judas, ỹim la'ac so Jesucristo, chaqai ỹaqaỹa so Jacobo. Shiriñi anajo ilaata quená'maq loỹaxanqateripi chaqai ỹoỹoote'oga ñi qota'olec quiyim ỹauaaque lalamaxareteripi, ná'maq qaicochiitapega ma' na'deetau'a so Jesucristo.

Judas 1:21

Chaqai sqai 'xañiuec da le'xorenataxanaxa ñi qota'a. Chaqai nauaañita'guit ca na'xa'a quiyim so qara'gaxala' Jesucristo quedá'maq lqouagaxa, ca' ỹaanema qomi' ma'le ca nca'laxa sqaica lqodoc.

Judas 1:24

Ñí'maq qota'olec qaiñiita chaqai qaica 'nejem da la'deenaxanaxa, ñí'maq qarca'laxaqui, 'ue da lquesaxanaxa quiyim cochiỹalo qamiri, qaiyi qaica ca huaañi. Qaca aca lete nqai'ne' qamiri, ca 'xoic ca netoonaxaguii nqai'en, ma' nachaalataxana'alo qamiri yí'maq chalego lauaq hueete'e ñi'maxare. Ca' ñi'maxare chaqai 'neetari' se neme da lauaq, da lecaic, da lquesaxanaxa, chaqai quiyim 'ue nqai 'negue nqohin ñi'maxare, chicqochigui so qara'gaxala' Jesucristo, chicqotañi nallaaqo', chaqai nagui, chaqai sqaica lqodoc. Ajá'a, ca' chaqaida 'neeta dajo.

1 Samuel 2:9

Ñi'maxare cochiỹalo caua lqauaxaqui' cá'maq qamaxaraic quiñi'maxare, qam na hualoxonyipi ileuaugui nqai'en na napalaxa, ma' qaica quet cá'maq doxonaxan chicqochigui cá'maq chi lquesaxanaxa.