Juan 10:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ma' aná'maq iloxoiqateguese qagretaipi ỹa'den da ivillaxac, chaqai ỹim sa'den, chaqai ana'maxare coỹareta'pegue' aỹim.

Juan 10:27 Iomraidhean Croise

1 Reyes 18:21

Ca co'na'le, ca' so Elías nqo'neu'a sá'ogue so qomyipi, ca 'naaco': —¿Chi' laquio' 'xañiñi quiyim quiitalgoto naua dos ra'deenataxanaxagohi? No'm ñi qara'gaxala' chaqaiñi ñí'maq ỹaatqajam qota'olec, ca' quiitalec ñi'maxare; chaqai no'm ñi Baal, ca' chaqaiñi oquiitalec. Qam so qomyipi qaica ca ỹa'xat.

Mateo 16:24

Co'na'le, ca' so Jesús 'naaco' quesaua lapaxaguinatqa: —No'm 'ue ca ỹahotaque quegue aỹim, ca' ncouaalta', ca' quegue aỹim, 'eno'm na'laxatañi dá'maq chi nachaalataxac.

Mateo 17:5

Ca co'na' ñaq retaqatac so Pedro, ca' anac so naueguelec 'ue na lauaq, ca lepachiguilo saua'maxare. Ca' so naueguelec 'maxougui so na'qaatec 'naac: —Najo ná'maq ỹoqo'itaxat ỹaalec, ỹaatqajam ñitoonta'pegue da'maxare. Ỹaatqajam na'xaỹaxañiỹa da'maxare.

Mateo 25:12

Qam so'maxare 'naaco': “Ỹaatqajam se seuanapegalo qamiri.”

Mateo 7:23

Qam ỹim shinac ma'le caqamiri: “Ỹaatqajam qaica ma' seuanapegalo quet qamiri. Nqo'ñiiuec caỹim, ma' qamiri 'viichitaco' quen na se no'uen.”

Marcos 10:21

Ca' so Jesús nqo'te'ta, ca ra'ỹo'ot. Ca 'naaco' queso'maxare: —Ỹaatqajam 'oonoqui' dá'maq saqa' 'viichi': mo'e', miiñi' ná'ogue na rovinqui', ca 'ỹaañirougui na 'xoraiquipi, ca' 'ue ma'le ca resallaxa'e' queda piguim. Ca ma' ime, ca naquitegue aỹim, 'eno'm rilliviralec aỹim.

Marcos 8:34

Ca' so Jesús roỹaxanouguilo saua lapaxaguinatqa chaqai so qomyipi, ca 'naaco': —No'm 'ue ca ỹahotaque quegue aỹim, ca coua'e dá'maq chi no'ueenataxac. Ca' quelec aỹim, 'eno'm ỹovira'a quiyim na'laxatañi da nachaalataxac.

Lucas 13:27

Qam ca'maxare 'naapegalo qamiri, 'naac: “Ỹim shinapegalo qamiri quiyim aỹim se sa'den ca chigoxoita'gue. Oquiỹe'e najo qamiá'ogue qamiri, ma' qamiri 'viichitac da se ỹa'maxañi.”

Lucas 9:23

Ime, ca' 'naapega sá'ogue so qomyipi: —No'm 'ue ca ỹahotaque quegue aỹim, ca 'maxaraic quiyim coua'e da chi no'ueenataxac, ca' quegue aỹim naua'que naua na'xata', 'eno'chi na'laañi da nachaalataxac.

Juan 10:14

Ỹim ná'maq ỹim no'uen qagreta lo'o. Ca' chaqaida dá'maq 'neeta quiyim iuañiua' ñi ita'a, chaqai aỹim seuana ñi'maxare, ca' chaqaida 'nejem quiyim ỹim sa'deenta ana ilo qagretaipi, chaqai ana'maxare ya'deenta. Chaqai aỹim saanougui da ñachaalataxac aná'maq qagretaipi.

Juan 10:16

Qai'neeta 'ue ana liỹa ilo qagretaipi sqai neetaugui anajo ilo lahi'. Ana'maxare qai'neeta sahotaque ño'deho. Na'maxare qai'neeta na'xaỹaxañiua' ma'le, qaiyi 'oonoqui' ca lapooqo', chaqai 'oonoqui' ca neloxoỹaq.

Juan 10:8

Ca sá'ogue só'maq na'au caỹim nodaachiguiñi cuataxaiquipi chaqai huootaxanaxairipi, qam ana qagretaipi se na'xaỹaxana so'maxare.

Juan 12:26

Ca no'm 'ue ca ỹahotaque quiyim ro'ueenataxanot aỹim, ca 'maxaraic quiyim queeta'pegue' aỹim, ma' cá'maq seuete'e, ca' chaqaiyi hueete'e cá'maq ro'ueenataxantacot aỹim. No'm 'ue ca ro'ueenataxanot aỹim, ca' ñi ita'a imaqachin ca'maxare.

Juan 21:22

Ca' so Jesús 'naaco': —No'm ỹim sahotaque quiyim da'maxare queeta nca'leetauec, chi ỹovireta'a ma' liỹa yapil, qam ¡qami' 'xañisac; ma' qami' sqa 'irapegueu'a! Qam qami' quitegue aỹim.

Juan 5:25

Ỹaatqajam lliqueta dá'maq shinac caqamiri, quiyim 'ue ca laloqo', ca' chaqaina ná'maq nagui ỹovita quiyim ma' ná'maq leuaxaiquipi 'xaỹaque da lavillaxac na llaalec ñi qota'a; ca ná'maq na'xaỹaxanta, ca nca'leuec.

Juan 8:12

So Jesús liỹo' retaqaugui na qomyipi, ca 'naaco': —Aỹim chaqaỹim ná'maq lcoỹeraqate na 'laua. Cá'maq coỹareta'pegue' aỹim, ca 'ue ma'le aca lcoỹeraxanaxaqui ỹo'uet da lca'laxa. Ca totqai hueetapougui ca napalaxa.

Juan 8:43

¿Chi'negue ma' sqa 'yiiñii dá'maq sa'xat caqamiri? Peeta'a ma' sqai ỹaatqajam na'xaỹaxañiỹa dá'maq sa'xatetac.

Hechos 3:23

Ma' ná'ogue ná'maq se na'xaỹaxana cajo na'qaataxanqajnec, ca' se qaỹalecqajnougui na Israel laseripi chaqai qaỹaqa'viỹa'gue.”

1 Corintios 8:3

Qam cá'maq nqo'ta ñi qota'a, ca' ñi qota'a ỹa'deenta ca'maxare.

Gálatas 4:9

Qam nagui mashic huañiỹa ñi qota'a, qam paguec la'maxa quiyim qohinac, ñi qota'a mashic ỹauanalo qamiri, ca ¿negue' quet cá'maq 'neeta quiyim lotqai pillii'ogalo quet naua napaxaguinataxanaxaco qaica ca lquesaxanqa', chaqai qaica ca 'netegue quiyim lotqai liỹa 'guiñiỹoto quiyim liỹa qamiri loiquenatqa?

2 Timoteo 2:19

Qam ñi qota'a mashic ỹa'yiñi só'maq 'eco' no'xonaxanaxala' queda lo'ueenataxanaxac, ca' qaica ca idaxan. Ca' so'maxare naneretalec so nerec, 'neetasa': “Ñi qara'gaxala' ỹa'deenta ná'maq mashic lalamaxat”; chaqai: “Ná'ogue ná'maq ỹodootac da leenaxat so Cristo ỹaatqajam ca'e ná'ogue na se no'uen.”

Hebreos 3:7

Ca' vichiguiño' quedá'maq 'naac so Espíritu Santo quenaua naneresañi na'qaatqa: No'm nagui 'xaiỹaque dá'maq 'naac ñi qota'a caqamiri,

Apocalipsis 14:4

Ca' so'maxare só'maq se iuanapega aca 'aalo, chaqai co'teeta. Chaqai so'maxare só'maq coỹaretegueñi so 'ec qagreta llaalec quecanchaqa taigue so'maxare. Qanca'laxatec, qaỹachigoxotaugui na qomyipi hueetalec ana 'laua, 'ec nqohin aca 'auaxai nachitaxanataxanqate quiyim qoỹaanot ñi qota'a chaqai so 'ec qagreta llaalec.

Apocalipsis 3:20

Ñaqai 'ajñi', ỹim nagui seuete'e na lasom, soỹaxantac. Ca no'm 'ue ca 'xaỹa da ỹoỹaxanaxac, ca ỹauate'oga aỹim queca nasom, ca' senoxonougui ca lauo'. Ca qomi' nqui'ỹaxaua'.