Juan 10:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' sojo ỹale 'eet, ma' qacaata aca nishiuete ỹahinteguelec, ca' qaica ca ỹauaaque ná'maq qagretaipi.

Juan 10:13 Iomraidhean Croise

Juan 10:12

Qam cá'maq chi ro'ueenataxanteguelec aca nishiuete, ca'maxare quiyim idaana'guit cá'maq toxonaxai, ca 'eet, no'ueenaqchichiguiñi ca qagretaipi, ma' ca'maxare mesqai ỹaatqajam qagreta lo'o, ma' mesqai lalamaxarete ana'maxare. Ca cá'maq toxonaxai retoxoñigui ana qagretaipi, ca neuagaxatac nqai'en.

Juan 10:14

Ỹim ná'maq ỹim no'uen qagreta lo'o. Ca' chaqaida dá'maq 'neeta quiyim iuañiua' ñi ita'a, chaqai aỹim seuana ñi'maxare, ca' chaqaida 'nejem quiyim ỹim sa'deenta ana ilo qagretaipi, chaqai ana'maxare ya'deenta. Chaqai aỹim saanougui da ñachaalataxac aná'maq qagretaipi.

Juan 12:6

Qam so Judas sqai 'naac dajo quiyim i'xorentac na 'xoraic. Ta'ta'a quiyim so'maxare cuataxai chaqai da'maxare quiyim lo'qoota'a aso nam lahi', chaqai rocachitapiguio' quen aná'maq qainaxa'ñigui aso'maxare.

Hechos 18:17

Ca sá'ogue so griegoipi ỹaconlec so Sóstenes, so lashi añi lapoxoqui na judioipi. Ca qaỹouaxantac quiyi reloqota'ñi so nashi Galión. Qam so Galión qaica ca 'naac quiyim iuejlec quet so'maxare.

1 Corintios 7:32

Ma' dá'maq sahotaque caqamiri quiyim ỹaatqajam nosohichiguiñi, qaica ca huapigui qavillii. Ma' no'm ca ỹale saqa'laca loua, ỹaatqajam quejlec so qara'gaxala', ma' ỹahotaque qaỹa'maxarenta.

1 Corintios 7:33

Qam cá'maq mashic 'on, ca imelec na no'ueenatqaipi huelecna, ma' ỹahotaque ỹa'maqachigui lauel aca loua.

Filipenses 2:20

Ma' qaica quet cá'maq 'ue ca la'deenataxanaxac 'nejem aỹim, quiyim llic ỹahotaque quet ca ra'maxahi, qaiñiita.