Juan 10:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca cuataxai chaqaidaata naga'a da locuataxac, lalauataxanaxac, chaqai da leuacqataxanaxac; qam ỹim ñanac, qaiyi 'ue da lca'laxa na'maxare, chaqai 'xoic ma'le da lca'laxa.

Juan 10:10 Iomraidhean Croise

Mateo 18:10

Mesqaica ca liỹoxoỹa'piguit quená'maq 'ec sqaica ca lemaqachic. Ma' ỹim shinac caqamiri queda piguim ná'maq neloxoỹaripi quena'maxare ỹoviretacot naua'que naua na'xata' ñi ita'a qota'olec neeta'gue da piguim.

Mateo 18:11

Ma' najo ỹale llaalec naque ná'maq na'laaxaic qomyipi, ma' ỹahotaque quiyim nca'laxatec.

Mateo 20:28

Ma' chaqaida dá'maq 'neeta najo ỹale llaalec se novi' quiyim ỹahotaque qaiquelola. Ta'ta'a quiyim ná'ogue quelola, chaqai quiyim da nachaalataxac ỹaanec, ca' 'ec lishiuetenaxanaxat, qaiyi 'xoic ca nca'leuec.

Mateo 21:13

Ca 'naaco': —Naua naneresañi la'qaatqa ñi qota'olec 'neracsa': “Na ỹa'a' qaỹamata'gue na'a' qouagaxainqa'.” Qam qamiri ñigui nqai'ñii cuataxai nañoqotqa'.

Mateo 23:13

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Ma' pohigui ñi lasom da lo'ueenataxanaxac ñi qota'a queda piguim, qaiyi se inoxono na liỹaripi. Chaqai qamiri qai'neeta sqai noxoñiuo, chaqai sqai 'xañiỹac ná'maq ỹahotaque inoxono.

Marcos 11:17

Ca' quiyi, ca rapaxaguinataxantac, 'naaco': —Quenaua naneresañi la'qaatqa ñi qota'a 'nerac: “Najo ỹa'a' qaỹamata'gue na'a' nqouagaxainqa' ná'ogue na ỹoreta'oguit qomyipi.” Qam qamiri ñigui nqai'ñii na'a' nqañoqotaqa' na cuataxairipi.

Lucas 19:10

Ma' najo ỹale llaalec, na'maxare anac quiyim idaantaque chaqai quiyim nca'laxatec ná'maq ỹo'meetac qomyipi.

Juan 10:1

Ỹaatqajam lliqueta dá'maq shinac caqamiri, quiyim cá'maq sqa taatougui ca lasom aca lahi' ana qagretaipi quiyim inoxono, ta'ta'a quiyim ỹoqa'a ca taatou'e, ca' chaqaica cá'maq cuataxai chaqai huootaxanaxai.

Juan 10:11

Ỹim ná'maq ỹim no'uen qagreta lo'o. Cá'maq no'uen qagreta lo'o ỹaanec da nachaalataxac cana qagretaipi.

Juan 12:47

Qam no'm 'ue ca 'xaỹalo naua ỹa'qaatqa, qam se na'xaỹaxan, mesqaỹim ná'maq sa'ue ca nouaxanaxaset ca'maxare; ma' ỹim se ñovita na 'laua quiyim so'uet ca nouaxanaxaset na qomyipi; qaidaata quiyim ñovi', qam nca'leuec nqaishin na qomyipi.

Juan 12:6

Qam so Judas sqai 'naac dajo quiyim i'xorentac na 'xoraic. Ta'ta'a quiyim so'maxare cuataxai chaqai da'maxare quiyim lo'qoota'a aso nam lahi', chaqai rocachitapiguio' quen aná'maq qainaxa'ñigui aso'maxare.

Juan 3:17

Ñi qota'olec se nelata na llaalec na 'laua quiyim ỹa'ue ca nouaxanaxaset na qomyipi. Ta'ta'a quiyim ỹahotaque nca'laxatec na'maxare.

Juan 5:40

Qam qamiri sqa 'maxariñii naguipegue' aỹim, qaiyi coñiguit dajo nca'laxa.

Juan 6:33

Ma' cá'maq pan ỹaan ñi qota'olec, chaqaica cá'maq nenojñi chicqashiguim queda piguim, ca ỹaanem da lca'laxa na qomyipi.

Juan 6:51

Chaqaỹim ná'maq ỹim pan nca'leetauec chicqa'gue da piguim. Cá'maq ỹa'ic najo pan, ca' 'ue da lca'laxa sqaica lqodoc. Chaqai cá'maq pan ỹim saanec, chaqaina ná'maq ỹoshicmaxa. Ca ỹim saanec, qaiyi nca'leuec na qomyipi quena 'laua.

Romanos 2:21

Ca ma' qami' paxaguiñisac ca liỹa, qam ¿chi'negue ma' se napaxaguiñiralta'? Ma' quiyim 'ñirac quiyim qaica rocachi, ¿chi'negue ma' cuachi'sac?

1 Timoteo 1:15

Ca' dajo dá'maq ỹaatqajam lliquetam, chaqai qaica quet cá'maq sqai huelec quiyim so Cristo Jesús naỹa na 'laua, ma' ỹahotaque quiyim nca'laxatec na qomyipi hualoxonyipi, qam quena'maxare, ca' ỹim ná'maq ỹapacauec da iualoxonqaishic.

Hebreos 6:17

Vichiguiño' ñi qota'a nanecalta' co'na' i'taxajñi da ỹachaxantac, ma' ỹahotaque re'qoota nqai'en quená'maq icoñiguit ma'le cá'maq lalamaxaret qaỹachaxantac, ca ñi'maxare ỹahotaque quiyim ipaquichigui nqai'en cá'maq ỹachaxantac, se ỹadalaxat ca la'qaatec.

Hebreos 7:25

Vichiguiño' ishit quiyim qaica lqodoc nqai'en da lca'laxa ná'maq ỹachigoxochichigui so'maxare quiyim nqo'neu'a ñi qota'a, ma' so'maxare tot ileu, ca rashiilaxanlec quiñi qota'a na'maxare.

2 Pedro 1:11

Qaiyi ỹaatqajam qaica ca quepaqchiguita qamiri quiyim noxoñiu'a da sqaica lqodoc lo'ueenataxanaxac so qara'gaxala' chaqai qarca'laxaqui Jesucristo ma' ỹoiquentac ná'ogue najo.