Juan 10:1 - La'qaatqa ñi qota'olec Qota'olec & Qota'olec Novita Na Qomyipi

¹ Ỹaatqajam lliqueta dá'maq shinac caqamiri, quiyim cá'maq sqa taatougui ca lasom aca lahi' ana qagretaipi quiyim inoxono, ta'ta'a quiyim ỹoqa'a ca taatou'e, ca' chaqaica cá'maq cuataxai chaqai huootaxanaxai.

Juan 10:1 Iomraidhean Croise

Jeremías 14:15

Ma' ỹim, ỹim na'gaxala' shinac quena netaxaỹaxaquiripi ná'maq ỹahotaque retaqa, quiichigui nqai'en da ỹeenaxat, quiyim se sela' chaqai 'naac quiyim qaica ca lauataq chaqai ca nqopaaxa quenajo 'laua, ỹim shinac na netaxaỹaxaquiripi ileu ma'le queca lauataq chaqai quena lqopaaxa.

Joel 2:9

Queu'a na na'aateripi leta'allipi, ne'guenta queetalec na napoxonaxat, quishi'megue na 'imqaipi, chaqai 'ec na cuataxairipi inoxontouguilo naua nqotel.

Mateo 7:15

Rovichii'a na 'maatqaiquipi ná'maq 'naac quiyim letaxaỹaxanqajnec ñi qota'a. Najo naata'alo qamiri ỹantañi na qagreta loshicmaxa, qam da pa'aataho no'ueenataxac 'ec na isecỹac toxonaxai.

Juan 10:7

So Jesús lotqai liỹo' 'naac queso qomyipi: —Ỹaatqajam llic da shinac caqamiri: Ỹim ná'maq ỹim lasom lligo ana qagretaipi.

Juan 3:3

Ca' so Jesús 'naaco' queso'maxare: —Ỹaatqajam lliqueta dá'maq sa'xatem qami', quecá'maq sqo pilac liỹa ne'qaañi, ca' se iuana da lo'ueenataxanaxac ñi qota'a ma' ỹoiquentac ná'ogue najo.

Romanos 10:15

¿Negue' quet cá'maq 'neeta quiyim ỹa'xat quet da na'qaatec, no'm se qaila'? Ma' dá'maq 'nerac naua naneresañi la'qaatqa ñi qota'a: “¡Ỹaatqajam lo'yaxanec da loviraxac ná'maq ỹodootegueri' da na'qaatec chicqaugui da na'maxa, chaqai cá'maq ỹa'xatetac da no'uen na'qaatec!”

Romanos 16:18

Ma' cauajo qomi' se ro'ueenataxansacot so qara'gaxala' Jesucristo, qaidaata dá'maq chi lishoxo. Chaqai ỹayintac ana le'taxanata na qomyipi qaica ca ỹa'den, isotete' nqai'ne' naua la'qaatqa, chaqai lo'daxaraqa.

Tito 1:11

Ca na'maxare ỹouentaque quiyim qaỹapoguilo naua laapi', ma' ỹaatqajam se neuojonta' nqai'en na neuo' laseripi, ma' rapaxaguinataxanta'pegue dá'maq se leloxoỹaxac, ma' chi imitete'e aca lauegue.

Hebreos 5:4

Qaica ca ishit quiyim nanoiquentac 'naac quiyim na'gaxala' quena netaxaỹaxanqajanqaipi; ta'ta'a quiyim noỹaxanaxat quiñi qota'a, ca ỹa'ue da lemaqachic, ca 'nejem nqai'en na'le so Aarón.

1 Pedro 1:10

Só'maq 'auaxaqa ñaxari nallaaqo' so letaxaỹaxaquiripi ñi qota'a ỹaatqajam 'uo' quen da leuogoxo quiyim ỹa'den chaqai renataxan quecá'maq 'neeta dajo nca'laxa, chaqai ỹa'xatetac da lqouagaxa ñi qota'a ỹaanema qamiri ma'le.

2 Pedro 2:1

Qam queso llaalqaipi so Israel qai'neeta 'uo' quen na 'naac letaxaỹaxanqajnec ñi qota'a, qam na'majantac. Ca' chaqaida 'neeta nagui caqamiri 'ue ná'maq napaxaguinataxanaq 'maatqaic ỹalequetauguilo qamiri. Na'maxare ỹoxotesañi naua lapaxaguinataxanaxaco se no'viiñi, vire'ta quiyim noqollicte'e' so qara'gaxala' só'maq nca'laxatec na'maxare na'le. Ca na'maxare chi ỹo'uet quiyim sqaỹaloq qaỹo'uet ca nouaxanaxaset.

2 Pedro 2:3

Ca' quedá'maq lqo'iichi quiyim qaishiuetentac, ca' ỹa'vii naua lapaxaguinataxanaxaco ỹodolgoto qamiri, qaiyi naqat aca qadamii. Qam se qohit quedá'maq nouaxanaxaset na'maxare, ma' mashic shi'gom qaỹa'maxatetañi dá'maq nouaxanaxaset na'maxare.

1 Juan 4:1

Qamiri ỹaqaỹarolqa, 'neeto' viilec ná'ogue ná'maq 'naac mashic qaretaqaugui quiñi qota'a, ta'ta'a quiyim 'guiñii, no'm chaqaiño' ñí'maq ne'Espíritu ñi qota'a ñí'maq neetagui, loqo'm 'e'. Ma' na 'laua mashic sham no'xalec quena 'maatqaiquipi quená'maq 'naac mashic qaretaqaugui quiñi qota'a.