Juan 1:7 - La'qaatqa ñi qota'olec Qota'olec & Qota'olec Novita Na Qomyipi

⁷ So'maxare anac, qam chi ỹa'xateta'guit da lauaq so ncoỹeraxanaxat, qaiyi ná'ogue na qomyipi huelec, chicqochigui dá'maq la'qaataxanaxac so'maxare.

Juan 1:7 Iomraidhean Croise

Malaquías 3:1

Ñi qara'gaxala' sqaica lqalanec 'naac: Ỹim sela' ma'le ca ilaatec quiyim ỹa'maxajñi ca ñayicyaxac. Ñí'maq na'gaxala', ñí'maq daañitaque, ñi'maxare nquipitaugui inoxonougui ma'le ñi lo'ueenaxanaxaqui. Chaqai mashic novi' ná'maq ỹa'xateta'guit ca 'deenaxac ná'maq repaguitaque qamiri!

Juan 1:12

Qam qaiyiita 'uo' ná'maq ỹacoñiguit chaqai huelec so'maxare, ca' chaqaina ná'maq ỹaanem quiyim ỹaatqajam 'chichiguiñi llaalqaipi ñi qota'olec.

Juan 1:15

So Juan ỹa'xatetac na'le so'maxare na' 'naac: —Chaqaida dajo dá'maq ỹim sa'xateta'guit na' shinac cá'maq co'uaataxanta ma'le caỹim, ca'maxare 'auaxaic caỹim, ma' shi'co' 'ue na' saqa'leca aỹim.

Juan 1:19

Na judioipi na'ñi yi Jerusalén ila' so netaxaỹaxanqajanqaipi quena' qaretaxaỹa'pegue' ñi qota'a chaqai so llaalqaipi so Leví chi lotauaripi so'maxare quiyim renataxana so Juan quiyim nega'ỹo' so'maxare.

Juan 1:36

Ca co'na' so Juan iuane'tegue so Jesús, ca 'naaco': —'Ajñii, chaqaiso sojo só'maq ỹale 'ec ca qagreta llaalec ma' ỹaanec ñi qota'olec.

Juan 1:9

Só'maq ỹaatqajam ncoỹeraxanaxat, só'maq coỹarelec ná'ogue na qomyipi, so'maxare naata'a na 'laua.

Hechos 19:4

Ca' so Pablo 'naapegalo': —Ajá'a, qam so Juan lachilaxanataxanaxac chi letanec quecá'maq ỹacoñiguit da na'qaatec, ca ỹalate' naua se no'viiñi lanatqa. Qam qai'neeta 'naac quiyim qoyiuelec só'maq co'uaataxanta queso'maxare, leenaxat Jesús, ma' chaqaiso so nashi nca'laxaqui.

Gálatas 3:26

Ma' queda npi'ỹaxac, ca qamiá'ogue qamiri llaalqa ñi qota'a, ma' na'yiitau'a so Cristo Jesús.

Efesios 3:9

Ca' ñi qota'a ỹamaxailec quiyim sa'deenaxanaxanegue ná'ogue na qom dá'ogue dá'maq leloxoỹaxac dá'maq se re'xogui shi'co' nallaaqo' qoỹoxotetañi quiñi qota'a, ñí'maq ỹo'ueetac nanchaqaina.

1 Timoteo 2:4

Ma' ñi'maxare ỹahotaque quiyim ná'ogue nca'leuec na qomyipi, ỹovireta'a nqai'en quiyim ỹaatqajam ỹa'den dá'maq ỹaatqajam llic.

Tito 2:11

Ma' ñi qota'a ỹachaxanalo qomi' da lqouagaxa dá'maq chicqaugui da lca'laxa ná'ogue na qomyipi.

2 Pedro 3:9

Mesqaida quiyim ñi qara'gaxala' sqaua' ipacqajñigui cá'maq ỹachaxantac, ma' 'ue ná'maq 'naac dajo. Ta'ta'a quiyim 'ue da leualaxavic nauaantapegalo qomi', ma' se nqo'ta quiyim 'ue ca na'laañi. Ta'ta'a quiyim ná'ogue netogochigui na lauel.