Juan 1:51 - La'qaatqa ñi qota'olec Qota'olec & Qota'olec Novita Na Qomyipi

⁵¹ Qai'neeta 'naac so Jesús: —Ỹaatqajam llic nagui da shinac caqamiri, quiyim qamiri huañiỹa ma'le na piguim nauatetaugui chaqai na lelaatqaipi ñi qota'a piguim laseripi taỹashi'mquera chaqai quiyim naỹa'ña najo ỹale llaalec.

Juan 1:51 Iomraidhean Croise

Génesis 28:12

Ca 'uo' so le'guemataxac, ca iuano' so naviaxala' na'deetañi quena 'laua, ca ỹoviro'ot na piguim. Ca' queso'maxare, ca na lelaatqaipi ñi qota'olec naqueta'ñigui so'maxare, ca' lotqai pilshiguim.

Ezequiel 1:1

Ỹim netaxaỹaxanqajnec, ỹeenaxat Ezequiel, ỹim llaalec so Buzi, 'ue so na'xa'a seueto'ot na lahi aso lachiugue Quebar, quiyi Babilonia. Salequetaugui na'le ná'maq ỹoqa'a da qai'xategue 'laua. Ca' quiyi, ca 'eco' huachigui na piguim, ca' 'ue so iuanaxanaxac, seuane'ta ñi qota'olec na' ime' saua veintinueve ñaxari, tres shiriguiri chaqai cinco na'xata', na' ỹovite' saua cinco ñaxari quiyim qai'xategue da ỹoqa'a 'laua so nashi Joaquín. Ca' ñi qara'gaxala' qota'olec ỹashil-lec aỹim.

Mateo 25:31

Ca ma' novi' najo ỹale llaalec quiyim nashi, qalapoỹau'a quena lelaatqaipi piguim laseripi, ca nqa'xañigui aca 'ue lauaq nashi nqa'xanaxaqui.

Mateo 26:24

Qam najo ỹale llaalec ỹaatqajam quiichigui da 'nerac naua naneresañi la'qaatqa ñi qota'a. Qam ¡'xoraicolec cá'maq qom yayaano! Cajo ỹale paguec la'maxa quetaxan se ne'qaaño' na'le.

Mateo 3:16

Ca co'na' qanachilaxan so Jesús, ca na' nenoxonshiguim quiyi huaxaỹaq, ca 'eco' huachigui na piguim. Ca' so Jesús iuañi'chiguit so ne'Espíritu ñi qota'a naỹa'ña so'maxare 'ec na coviguiñic.

Mateo 4:11

Co'na'le, ca' so na'ỹaapec ca'e so Jesús, ca 'vio' saua nelaatqa piguim lase' ỹotauansac so'maxare.

Mateo 8:20

Ca' so Jesús 'naaco' na'le queso'maxare: —Ana nouaxaỹaxallipi 'ue na lauac, chaqai na qo'oollipi 'ue na lpa'gue'. Qam najo ỹale llaalec qaica ca lo'xaỹoqsoqo'.

Mateo 9:6

Ca' vichiguiño' nachaxanalo qamiri najo ỹale llaalec quiyim 'ue da lquesaxanaxa quenajo 'laua quiyim ỹapalaxat ca nasauaxaset. Ca 'naaco' quesó'maq ỹale se ra'ñiigue: —Ne'laxachirishiguim, nañireta' yi qacanqui'. Ca' quirepegue' ca ra'aachi'.

Marcos 1:10

Ca co'na' nenoxonshiguim queso huaxaỹaq, ca' so Jesús iuana quiyim nauachigui na piguim, chaqai so Espíritu Santo naỹa'ña so'maxare, 'ec na co'toco'.

Marcos 14:62

Ca' so Jesús 'naaco': —Ajá'a, chaqaỹim. Ca' qamiri huañiỹa ma'le najo ỹale llaalec nqa'xantañi, pa'aata'gue da loic ñi qota'olec ñí'maq quesaxanaxaic, chaqai ma' rapil, ca naquetaugui na naueguelec hueeto'ot na piguim.

Lucas 2:13

Ca quiyi lotqai nachaxan so liỹaripi nelaatqaipi piguim laseripi, ỹaatqajam 'xoic so'maxare ro'ueenaxantalec ñi qota'olec, 'naaco' quen:

Lucas 2:9

Ca' chi re'laqataxanta quiyim nachaxan so lelaatec piguim le'ec ñi qara'gaxala'. Ca dá'maq lauaq ñi'maxare ỹaatqajam coỹarelgoto saua'maxare, ca ỹaatqajam 'xoic da lqolonqa'.

Lucas 22:43

Ca' nanac so nelaatec piguim le'ec ỹaanem da lquesaxanaxa so'maxare.

Lucas 22:69

Qam quenagui najo ỹale llaalec shi'gue nqa'xantañi queda loic ñi qota'a, ñí'maq sqaica 'nejem lquesaxanaxa.

Lucas 24:4

Ca' ỹaatqajam 'uo' da lqolonqa' saua'maxare, chaqai se ỹa'deene' ca 'neete', ca idaanda'alo saua dos ỹale' nachaatesañi, huaqata'to saua'maxare, qashilgue' saua loho.

Lucas 3:21

Ca co'na' saqa' qaicoñi' so Juan, ca so'maxare nachilaxantac ná'ogue na qomyipi, chaqai so Jesús qai'neeta qanachilaxan. Ca so'maxare co'na' ñaq nqouagaxaintac, ca na piguim huachigui.

Juan 1:50

Ca' so Jesús 'naaco': —¿Ca' virelec aỹim ma' shinac sedaanta'a qami' na' viiso'ot ada higo lashi? Ca' nagui shinac paguec lecaic ma'le ca huañita sqai 'nejem dajo.

Juan 10:1

Ỹaatqajam lliqueta dá'maq shinac caqamiri, quiyim cá'maq sqa taatougui ca lasom aca lahi' ana qagretaipi quiyim inoxono, ta'ta'a quiyim ỹoqa'a ca taatou'e, ca' chaqaica cá'maq cuataxai chaqai huootaxanaxai.

Juan 10:7

So Jesús lotqai liỹo' 'naac queso qomyipi: —Ỹaatqajam llic da shinac caqamiri: Ỹim ná'maq ỹim lasom lligo ana qagretaipi.

Juan 13:16

Ỹaatqajam llic da shinac caqamiri, quiyim qaica nelaatec ỹapacauec queca na'co', chaqai qaica quet cá'maq qaila' ỹapacauec quecá'maq relaataxan.

Juan 13:38

Ca' so Jesús 'naaco' queso'maxare: —¿Ỹaatqajam lliqueta quiyim shichi' 'ỹaañirec da nachaalataxaqui' caỹim? Ỹaatqajam llic da shinac caqami', ma' saqa' noỹen ca huaqa'e, ca' qami' shi'gue tres pilliralec quiyim 'ñirac sqai huañirapega aỹim.

Juan 14:12

Ỹaatqajam llic da shinac caqamiri, quiyim quecá'maq huelec aỹim, ca ishit ỹo'uet qai'neeta dá'maq so'uet, chaqai paguec lecaic ma'le ca ỹo'uet, ma' ỹim shicpegue' ñi qota'a.

Juan 16:20

Ỹaatqajam llic da shinac caqamiri, quiyim qamiri noỹiñii ma'le chaqai chigoita, qam na qomyipi hueetalec na 'laua netoon ma'le. Qam 'eno'm chigoita qamiri ma'le, da rachicoxohi ñigui ma'le ca netoonaxaguii.

Juan 16:23

Ca' quecajo na'xa'a, ca' tot yinachii. Ỹaatqajam llic da shinac caqamiri, quiyim ñi qota'a ỹaanema qamiri cá'ogue cá'maq shiilaxañiỹaque quiyim quiichigui nqai'ñii da ỹeenaxat.

Juan 21:18

Ỹaatqajam lliqueta da shinac caqami', quiyim na' ñaqai qami' ne'necolec, quena' no'viichi' ñi'riñi naua qatoohi', ca 'viiquiñi'sac cá'maq sham 'itegue. Qam ma' ỹovita quiyim qami' qo'xoic, ca 'ỹaañirec naua rqai'laqajchi', ca ỹoqa'a ca ilamo'guelo qami' caua qatoohi', ca' raviquitegue cá'maq sqa viisaque quiyim 'itegue.

Juan 3:3

Ca' so Jesús 'naaco' queso'maxare: —Ỹaatqajam lliqueta dá'maq sa'xatem qami', quecá'maq sqo pilac liỹa ne'qaañi, ca' se iuana da lo'ueenataxanaxac ñi qota'a ma' ỹoiquentac ná'ogue najo.

Juan 3:5

Ca' so Jesús 'naaco': —Ỹaatqajam llic dá'maq sa'xatem qami', quiyim cá'maq se nañan quiyim qanachilaxan chaqai quiyim qaỹadalaxat queso Espíritu Santo, ca se inoxona'a da lo'ueenataxanaxac ñi qota'a ma' ỹoiquentac ná'ogue najo.

Juan 5:19

Ca' so Jesús 'naapego' so qomyipi: —Ỹaatqajam lliqueta shinapegalo qamiri quiyim najo llaalec ñi qota'olec qaica ca ishit ỹo'uet no'm chi nanoiquenta'pegue', ta'ta'a ná'maq iuana ỹo'uet ñí'maq leta'a. Ca ná'ogue ná'maq ỹo'uet ñí'maq leta'a, qai'neeta ná'maq llaalec ỹo'uet.

Juan 5:27

chaqai ỹaanem da lquesaxanaxa quiyim ỹa'ue ca nouaxanaxaset ca qom, ma' chaqaina najo ná'maq ỹale llaalec.

Juan 6:26

Qam so Jesús 'naaco' queso qomyipi: —Ỹaatqajam llic da shinac caqamiri, quiyim qamiri daañitaque aỹim ma' na' qui'ii ỹovire'ta quemari, qam mesqaida quiyim 'yiiñichigui ca netanec se qaiuanapega.

Juan 6:32

Ca' so Jesús 'naaco': —Ỹaatqajam lliqueta da shinac caqamiri: Quiyim mesqaiso so Moisés só'maq ỹaanema qamiri so pan chicqashiguim, ta'ta'a ñí'maq ita'a ñí'maq ỹaanema qamiri cá'maq ỹaatqajam pan chicqashiguim queda piguim.

Juan 6:47

Ỹaatqajam llic da shinac caqamiri, quecá'maq huelec aỹim, ca 'ue ca lca'laxa sqaica lqodoc.

Juan 6:53

Ca' so Jesús 'naaco' queso qomyipi: —Ỹaatqajam lliqueta da shinac caqamiri, ma' no'm qamiri sqa 'guii na loshicmaxa najo ỹale llaalec, chaqai se ni'chiiguilo caua leuo', ca' sqaica ca rca'laxahi.

Juan 8:34

Ca' so Jesús 'naaco' quesaua'maxare: —Ỹaatqajam lliqueta dá'maq shinac caqamiri, quiyim ná'ogue ná'maq ỹo'ueetetac ná'maq ne'taxaloxo, na'maxare la'aquipi da ne'taxaloxo.

Juan 8:51

Ca ỹaatqajam llic dá'maq shinac caqamiri, quiyim cá'maq na'xaỹaxana dá'maq sa'xat, ca tot ileu.

Juan 8:58

Ca' so Jesús 'naaco' queso qomyipi: —Ỹaatqajam llic da shinac caqamiri, quiyim na' saqa'leca so Abraham, ca' shi'gue 'ue aỹim.

Hechos 10:11

quiyim 'eco' qaỹauachigui na piguim, ca' 'uo' so chicqo'ot 'ec nepo' lodegaxat, taata'ña yi hueeta'ñi so Pedro, qaicoñireta'ta' naua cuatro lasoguel.

Hechos 7:56

Ca 'naaco': —¡'Ajñii! Seuana na piguim nauatetaugui, chaqai ñi ỹale llaalec pa'aata'gue da loic ñi qota'olec.

2 Tesalonicenses 1:7

chaqai nco'mataxandec qamiri queda ne'guenaxaguii, chaqai qomi' qai'neeta queca na'xa'a ma' novi' so qara'gaxala' Jesús, ma' nachaxan chicqo'ot na piguim, naquetaugui na 'ec norec lauaq chaqai liỹaatac ná'maq chicqashiguim quesaxanaxaiquipi qota'a lelaatqaipi.

2 Tesalonicenses 1:9

Na'maxare ỹaatqajam chalego lecaic da nouaxanaxaset chaqai sqaica lqodoc. Qaỹo'daauec ỹaatqajam qoỹoqote'oga nqohin, qaiyi se iuana ca lauaq chaqai da lquesaxanaxa so qara'gaxala',

1 Timoteo 3:16

Ca' sqaica ỹoqolliguit dá'maq se re'xogui leloxoỹaxac dá'maq seuaxalec ỹaatqajam chalego lecaic: Ñi qota'a na' nachaxan, qam ỹaatqajam chaqaida dá'maq re'qoochigui no'ueenataxac na qom; dá'maq shi'gue ỹa'xat so Espíritu Santo quiyim só'maq ỹaatqajam no'uen ỹale, chaqai qaiuanchigui quená'ogue na chicqashiguim qota'a lelaatqaipi. Chaqai qaỹa'xatem ná'ogue na ỹoreta'oguit qomyipi, chaqai 'ue na huelec quená'ogue na 'laua, chaqai qaicoñi'chiguit queda piguim.

Hebreos 1:14

Ná'ogue ná'maq nelaatqaipi piguim laseripi, na'maxare se re'xogui, ro'ueenataxantacot ñi qota'a. Na'maxare nelaatqaipi quiyim ỹotauan ná'maq icoñiguit ma'le ca nca'laxa.

Judas 1:14

Qai'neeta so Enoc só'maq hueetougui só'maq pa'aatec na' siete nqo'neuec nqohin so llaalqaipi so Adán, so'maxare ỹa'xat dajo na'le na' ra'qaataxan nqohin quiñi qota'a, co'na' 'naac: “Seuañi'chiguit ñi qara'gaxala' nauequeta'pegue' ná'maq canchaqa ỹoto'o' mil ná'maq lalamqateripi,

Apocalipsis 19:11

Ca na'le, ca seuana quiyim nauachigui na piguim, ca re'oq so shipgaq lalagaxaic. Chaqai só'maq neetalec leenaxat qamaxaraic chaqai lliqueta, quiyim nashi chaqai quiyim ỹa'maqachiguiñi da 'ne'tegue quena' imit na qomyipi.

Apocalipsis 4:1

Ca' ỹim Juan, ca na' ime dajo, ca' ñidaanashiguim, ca' seuane'ta so lasom nauatetagui queda piguim. Qam sojo nivillaxac 'ec aca npe'te só'maq 'au netaxaỹa'ña aỹim, ca 'naapiguiỹa': —Nochirishiguim quenajo. Ca' sachaxañiraxarom dá'maq 'neeta ma'le najo.