Juan 1:50 - La'qaatqa ñi qota'olec Qota'olec & Qota'olec Novita Na Qomyipi

⁵⁰ Ca' so Jesús 'naaco': —¿Ca' virelec aỹim ma' shinac sedaanta'a qami' na' viiso'ot ada higo lashi? Ca' nagui shinac paguec lecaic ma'le ca huañita sqai 'nejem dajo.

Juan 1:50 Iomraidhean Croise

Mateo 13:12

Ma' cá'maq 'ue ca hueeto'ot, ca qanoquigaxatec ca qoỹaanem, qaiyi ỹaatqajam qaica ca ỹouentaque. Qam cá'maq qaica ca hueeto'ot, ca vire'ta cá'maq cocho'qui' hueeto'ot qarouootaxana'gue.

Mateo 21:19

Ca iuane'ejta'a aso higo lashi queso nayic lahi. Ca' quepegue', qam aso qo'paq qaca aca la, ta'ta'a ana laue. Ca' so Jesús 'naaco' caso higo lashi: —¡Nagui taachi'ñi quiyim tot qaica ma' 'ue quet aca la aqami'! Ca aso higo lashi chaqa'ma' ỹaso.

Mateo 25:29

Ma' cá'maq 'ue aca hueeto'ot, ca' paguec aca qoỹaanem, ca' paguec ma'le acá'maq hueeto'ot. Qam cá'maq qaca aca hueeto'ot, ca 'eno'm cocho'lli' aca hueeto'ot, qam qaiyiita qarouootaxana'gue.

Lucas 1:45

Ca' ỹaatqajam ra'maqaichiriñi, ma' vi'relco' da qohinac, ma' ỹaatqajam ipaquichigui ma'le da 'naac ñi qara'gaxala'.

Lucas 7:9

Ca co'na' 'xaỹa dajo so Jesús, ca' ỹaatqajam 'uo' da le'laxa queca ỹale. Ime, ca ỹamataugui so qomyipi, ca 'naaco': —Ỹaatqajam llic quena Israel llaalqaipi qaica ca seuana quiyim ỹaatqajam lodegaxat ca lpi'ỹaxac 'nejem cajo ỹale.

Juan 1:49

Ca' so Natanael 'naaco': —Qami' napaxaguinataxanaq, chaqaqami' ná'maq llaalec ñi qota'olec, chaqai qami' lashi na Israel.

Juan 1:51

Qai'neeta 'naac so Jesús: —Ỹaatqajam llic nagui da shinac caqamiri, quiyim qamiri huañiỹa ma'le na piguim nauatetaugui chaqai na lelaatqaipi ñi qota'a piguim laseripi taỹashi'mquera chaqai quiyim naỹa'ña najo ỹale llaalec.

Juan 11:40

Qam so Jesús 'naaco' caso'maxare: —¿Mesqai shi'gue shinac caqami' quiyim vi'relec, ca' huañita ca se qaiuanapega lo'ueenataxanaxac ñi qota'olec?

Juan 20:29

Ca' so Jesús 'naaco': —Tomás, nagui, ca' virelec, ma' mashic huañiriua'. Qam chalego la'maxa quecá'maq se iuañiua', qam huejlec aỹim.