Juan 1:47 - La'qaatqa ñi qota'olec Qota'olec & Qota'olec Novita Na Qomyipi

⁴⁷ Ca co'na' so Jesús iuañi'chiguit so Natanael tot qoỹoxoguit, ca 'naaco': —'Ena ná'maq ỹaatqajam llic llaalec so Israel, na'maxare sqai 'maatqaic.

Juan 1:47 Iomraidhean Croise

Salmos 32:2

Chalego la'maxa ca qom quecá'maq ñi qota'olec se ỹa'ue ca lasauaxaset chaqai quiyim sqai hueetagui ca na'maachic.

Salmos 73:1

¡Chalego leuagaxaric ñi qota'olec quena llaalqaipi so Israel, quená'maq co'teeta añi le'taxanata!

Juan 2:25

Se ipaquetaque quiyim 'ue ca ra'qaataxanem so'maxare quedá'maq 'neeta ná'maq qomyipi, ma' so'maxare ỹa'den ná'ogue na la'deenataxanaxac na qomyipi.

Juan 4:16

Ca' so Jesús 'naaco' caso 'aalo: —Mo'e', ỹaxañira'a ca roua'e'. Ca' ime, ca naqui' quenajo.

Juan 8:31

Co'na'le, ca so Jesús 'naapego' so judioipi mashic huelec so'maxare: —No'm qamiri ỹaatqajam 'viichii dá'maq sa'xat caqamiri, ca ỹaatqajam llic quiyim qamiri ỹapaxaguinatqa.

Juan 8:39

Ca' so qomyipi 'naaco': —Qomi' qareta'a so Abraham. Ca so Jesús 'naaco' queso qomyipi: —Quetqai llic qamiri llaalqa so Abraham, ca 'viichii quet ná'maq ỹo'uet so'maxare.

Romanos 9:4

Ma' na'maxare chaqai llaalqaipi so Israel, chaqai ñi qota'a icoñiguit 'neeta'gue meca llaalqaipi. Ñi'maxare ỹaatqajam ỹalequetaugui na'le na'maxare chalego loyac so lauaq, chaqai ỹaanema naua na'maqataxaco, na naqataxaquipi chicqo'ot so Moisés, chaqai da leloxoỹaxac quiyim qaimaqachin ñi'maxare, chaqai naua ỹachaxanta'pe quiyim ỹaanema.

Romanos 9:6

Qam mesqaida quet quiyim se ipaguigui quet ná'maq ỹachaxantac ñi qota'olec queso Israel, ma' sá'ogue so lalamaxaret llaalqaipi so Israel mesqai sá'ogue lalamaxaret ñi'maxare.

Filipenses 3:3

Ma' ná'maq ỹaatqajam llic qaỹa'ue na netanec na loshicmaxa, ca chaqainaua nauá'maq qomi', ma' chicqochigui so Espíritu Santo quiyim ñqouagaxainqatacot ñi qota'a, chaqai ñitoonqata'gue quiyim qomi' lalamaxarete' so Cristo Jesús. Chaqai se spi'ỹaaqatapega na re'qoochigui qanetanec.

1 Pedro 2:1

Ca' vichiguiño' 'maxaraic quiyim 'xañiñi ná'ogue na se no'uen, ná'ogue na na'maachic, chaqai sqai dos caua ra'deenataxanaxagohi, chaqai se pa'guiñitac ca riỹahi, chaqai sqai qamiri la'axaqa lo'o'.

1 Pedro 2:22

Ma' so'maxare qaica ca lasauaxaset, chaqai se ỹauanapega 'ue ca ỹayin.

Apocalipsis 14:5

Chaqai so'maxare se iuanapega quiyim ncona'uegue quet ca na'maachic. Ca so'maxare sqaca aca lete, reloqotau'a yi nqa'xanqa' ñi qota'a.