Juan 1:45 - La'qaatqa ñi qota'olec Qota'olec & Qota'olec Novita Na Qomyipi

⁴⁵ Ca' so Felipe eec idaanaque so Natanael, ca 'naapego': —Mashic sauanaxa ñi ỹale ñí'maq ỹiriño' na'le so Moisés quenaua naqataxaco naneresañi cana lere. Ñi'maxare qai'neeta qoỹiriñi queso la'qaataxanqajanqaipi ñi qota'a. Ñi'maxare chaqaiñi ñi Jesús, ñí'maq llaalec so José na'ñi yi na'a' Nazaret.

Juan 1:45 Iomraidhean Croise

Génesis 22:18

Chaqai ná'ogue na ỹoreta'oguit qomyipi hueetalec ana 'laua 'xoic ma'le ca la'maxa, chicqochigui nqaishin ma'le ca'maxare, ma' na'xaỹaxanchiriua'.

Génesis 3:15

Ca' nagui so'uet quiyim qami' chaqai ada 'aalo qamiri pa'guenaxaua', ca 'nejem ca qachaalaxai'pi chaqai ca llaalqaipi ada'maxare. Ca llaalqaipi ada'maxare co'vigui na rqahiqui', chaqai qami' a'quirigui ana la'ỹaaxa.

Génesis 49:10

Qaica ca ishit rouootaxana'gue da lquesaxanaxa ñi Judá chaqai quiyim na'gaxala' cada lo'qoota'a lashilete, chi ỹovireta'a quiyim novi' cá'maq lalamaxarete lashilete ada'maxare, ca ca'maxare qana'xaỹaxana ma'le quená'ogue na ỹoreta'oguit qomyipi.

Isaías 53:2

Ñi qara'gaxala' ỹahotaco' quiyim so lelaatec queda llaxataxac 'ec aca nanecse ra'lliitam, ca' ta'iñi naua lpa'yii quena 'laua rashivita. Qaica ca loyac chaqai sqa taiguit da no'ueenataxac, chaqai dá'maq no'ueenataxac qaica ca lemaqachic;

Isaías 7:14

Hua', cha'regue chaqaiñi ñí'maq qara'gaxala' ỹo'uet ma'le ca retanqui': Añi nequetegaxai mashic 'man, chaqai 'ue ma'le ca llaalec, ca ỹanegue ma'le quiyim leenaxat Emanuel. (Ca' dajo 'naac: Ñi qota'olec ỹalequetauguilo qomi'.)

Isaías 9:6

Ma' mashic ne'qaañi ca noctoqui', ñi qota'olec nañaanoxorom ca ñaalcoqui', ca ca'maxare qoỹanagui quiyim nashi. Chaqai qaỹa'vii daua leenqate' 'neetasa': Chalego la'maqa' naua laqataxaco, qota'olec qaica lqalanec, neta'a sqaica lqodoc, lashi da no'daxa. (9.7-21 Ñi qara'gaxala' ro'ỹa so Israel.)

Miqueas 5:2

Qam caqami' na'a' Belén Efrata, paguec qami' cocho'qui' quená'maq chigoxougui so Judá, chicqotougui qami' ma'le ca nashi ỹoiquentac ma'le na Israel. Ca'maxare chigoxougui so 'auaxaic qomyipi.

Zacarías 6:12

Ca 'ñiraco': Ñi qara'gaxala' sqaica lqalanec i'taxajñi quiyim ñaxatec cajo ỹale qaỹamata'gue dalaxaic llaxataxa chicqochi'ñalo saua chi lpa'yii, ca' liỹa no'xonshiguim ñi no'ueenaxanaxaqui quiñi qara'gaxala' quiyi Jerusalén.

Zacarías 9:9

¡'Xoic ma'le ca netoonaxaqui', qami' na'a' lodegaxat Sión! ¡'Ueenaxañi' queda netoonaxaqui', qami' na'a' lodegaxat Jerusalén! Na nashi 'maxataxaraic chaqai huegaxanaxai naỹa'a qami', qam ne'xoresenta, neetalec na 'ashinoqui' ná'maq llaalec aca 'ashina.

Mateo 10:3

Felipe, Bartolomé, Tomás chaqai so Mateo só'maq icona'piguit na'le ana nishiuete so nashi quiyi Roma; Jacobo, llaalec so Alfeo; Lebeo chaqai qai'neeta leenaxat Tadeo;

Mateo 13:55

Ma' dajo llaalec so qo'paq lo'o José, chaqai late'e añi María, lqaỹa' ñi Jacobo, José, Simón, chaqai ñi Judas.

Mateo 2:23

Ca co'na' ỹovita yi'maxare, ca' quepegue' yi na'a' leenaxat Nazaret. Ca' dajo 'neeto' na'le, qaiyi ipaquichigui da ỹa'xate' saua letaxaỹaxaqui' ñi qota'a quiyim so Jesús qaỹamata'gue le'ec yi Nazaret.

Mateo 21:11

Ca' so qomyipi 'naaco': —Sojo só'maq Jesús só'maq letaxaỹaxanqajnec ñi qota'a, chicqa'gue da Nazaret huaugui yi 'laua Galilea.

Marcos 14:67

Ca aso'maxare co'na' iuane'ta so Pedro netontauaq queca norec, ca' ra'iito'oot, ca 'naaco': —Qami' qai'neeta, qami' nauegaxaua da Jesús Nazaret le'ec.

Marcos 6:3

Ma' chaqaida dajo dá'maq qo'paq lo'o, llaalec aso María, chaqai lqaỹa so Jacobo, José, Judas chaqai so Simón, chaqai saua lqaỹa' 'aalo nera'ñi najo qai'neeta. Ca' se qana'xaỹaxana.

Lucas 18:37

Ca' qara'qaataxanem so'maxare quiyim so Jesús, le'ec yi Nazaret, só'maq queetalec yí'maq hueeta'ñi so'maxare.

Lucas 2:4

Ca' vichiguiño' so José chicqochi'ño' yi na'a' Nazaret huaugui yi 'laua Galilea. Ca nqo'na yi na'a' leenaxat Belén huaugui yi 'laua Judea yí'maq ne'xaỹoqsoqo'o' so nashi David, ma' so José chaqa chigoxougui na lauo' so David.

Lucas 2:48

Ca' saua leta'al co'na' idaanda'a so'maxare, ca ỹaatqajam i'laxai'. Ca aso late'e 'naapego' so'maxare, 'naaco': —Qami' ỹaalcolec, ¿chi'neco' 'ñitetegue coqomi' dajo? 'Ajñi' da qataa'i' chaqai aỹim ỹaatqajam 'ue da qareuogoxo quiyim semitqataque qami'.

Lucas 24:27

Ca' quiyi, ca ichoxotema da leloxoỹaxac da na'qaatec naneretañi, quenaua nerecse' la'qaatqa ñi qota'a ỹa'xatesa'guit so'maxare, ỹachigoxochichiguilo saua 'avichiriñi lerecse' so Moisés, ỹovira'oga nqai'en aso pa'aatec lerecse so la'qaataxanqajanqaipi ñi qota'a.

Lucas 24:44

Ca co'na' ime, ca 'naapegalo' saua'maxare, 'naaco': —Dá'maq sovirau'a chaqaida dá'maq shi'gue shinac na' llaq ñauequetecto qamiri: quiyim ipaquichigui nqohin ná'ogue ná'maq qoỹeretañi caỹim quena nelaataxanaxaquipi queso Moisés, chaqai ana lerecse so la'qaataxanqajanqaipi ñi qota'a, chaqai so nerecseripi leenaxat No'ueenqaipi.

Lucas 3:23

So Jesús co'na' ỹovite' treinta ñaxari, ca taañi ro'ueenataxan. So'maxare qohintapega llaalec so José, ca' so José leta'a so Elí,

Lucas 4:22

Ca sá'ogue imaqachintac so Jesús chaqai qai'laqatapegalo naua la'qaatqa ỹaatqajam lo'yaxanqa. Ca nenatetecta' so qomyipi, 'naac: —Dajo, ¿mesqaido' da llaalec ca José?

Juan 1:44

So Felipe na'ño' yi na'a' Betsaida, yi'maxare nera'ño' qai'neeta so Andrés chaqai so Pedro.

Juan 12:21

Saua'maxare nqo'nera'a so Felipe, so'maxare Betsaida le'ec yí'maq huaugui yi 'laua Galilea. Ca qane'xoresene'tot, qohinaco': —Nqouaquiteguelo qomi', sahoqotaque seuanaxa ca Jesús.

Juan 14:8

Ca' so Felipe 'naaco': —Qami' qara'gaxala', vite quiyim 'oonoqui' seuanaxa ca qota'a, ca' yí.

Juan 18:5

Ca saua'maxare 'neraco': —Sedaanqataque ca Jesús, le'ec yi Nazaret. Ca' so Jesús 'naaco': —Chaqaỹim na'taxare. Ca' so Judas só'maq ỹaano so'maxare, ỹalequetauguilo saua'maxare.

Juan 18:7

Ca lotqai liỹa inate' so Jesús saua'maxare: —¿Negue' cá'maq daañitaque? Ca saua'maxare 'neraco': —Sedaanqataque ca Jesús, Nazaret le'ec.

Juan 19:19

Ca' so Pilato relaataxanlec quiyim qoỹanagui na pa'aashiguim queso npatenaxala' so Jesús so nerec 'naac: “Jesús, Nazaret le'ec, lashi na judioipi.”

Juan 21:2

Saua'maxare lapoota'ta' saua Simón Pedro, Tomás só'maq qaỹamata'gue huaayo'lec, Natanael só'maq na'ño' yi Caná huaugui yi Galilea, chaqai saua llaalqa so Zebedeo, chaqai saua liỹa' dos lapaxaguinatqa so Jesús.

Juan 6:42

Ca 'naaco' so qomyipi: —¿Dajo mesqaido' da Jesús da llaalec so José? Qomi' seuanaxa so leta'a chaqai aso late'e, qam ¿chi'neco' da'maxare ma' 'naac chicqo'ot na piguim?

Juan 6:5

Co'na' namatashiguim so Jesús, ca iuañi'chiguit so 'xoic qomyipi coỹareta'pegue' so'maxare. Ca 'naaco' queso Felipe: —¿Nega'ỹo' ca sachigoxotqa'gue quiyim seshiujnaxanqaque ca na'ic, qaiyi que'e ná'ogue najo qomyipi?

Juan 6:7

Ca so Felipe 'naaco': —Quiyim doscientos aca denarios, ca' qarishiujnaxanaque ca pan, qam qayiita se nalouec, 'eno'm cocho'qui'tac nqohin ca loq quiñi 'óna.

Hechos 10:38

Chaqai 'yiiñita quiyim ñi qota'olec ỹaanem so Jesús Nazaret le'ec da lquesaxanaxa so Espíritu Santo, chaqai ỹo'ueetetac da no'uen, chaqai ỹomatec ná'ogue na 'xoic na le'xoric qaipataqatañi queda lquesaxanaxa so na'ỹaapec. Dajo ishit ỹo'uet so Jesús, ma' ñi qota'olec liỹaatac so'maxare.

Hechos 2:22

Qamiri ỹalliripi Israel laseripi, ñaq na'xaỹaxañiỹa dá'maq sa'xat nagui: So Jesús, Nazaret le'ec, ỹaatqajam re'qoota quiyim lelaatec ñi qota'a. Chaqai huañichigui quena' 'ue da ỹo'uet chalego da ne'laxa quená'maq se qaiuanapega, chaqai na netanqaipi. Naua'maxare ỹaatqajam qota'a lo'ueenataxanaxaco, qam qaiyiita ỹo'ueete' so'maxare na' qamiri ỹalequetauguilo. Chaqai mashic qamiri 'yiiñita.

Hechos 22:8

Ca' quiyi, ca senataxan, shinac: “Qami', ¿negue' aqami'?” Ca' só'maq retaqa 'naac: “Aỹim Jesús, Nazaret le'ec, chaqaỹim ná'maq yocañi'sac.”

Hechos 26:9

Ỹim qai'neeta quesom 'xoic quen na sahotaque shine'tegue ná'maq quelec quiyim huelec da leenaxat so Jesús, Nazaret le'ec.

Hechos 3:6

Qam so Pedro 'naaco': —Qaca aca ỹam plata chaqai aca oro, qalaxam dá'maq hueeta'ỹot saanem qami'. So'ueenataxantapega da lquesaxanaxa so Jesús, Nazaret le'ec, vichiguiño' nagui shinapega qami', ne'laxachirishiguim, ca' qui'.