Juan 1:41 - La'qaatqa ñi qota'olec Qota'olec & Qota'olec Novita Na Qomyipi

⁴¹ Ca' so Andrés chaqa'ma' idaanaque so lqaỹa Simón, ca 'naapego': —Mashic sauanaxa ñí'maq qohinac Mesías —qam dajo leloxoỹaxac da neenaxat 'neetasa' Cristo, loqo'm ca qaỹa'xateta'guit nashi nca'laxaqui.

Juan 1:41 Iomraidhean Croise

Salmos 2:2

Ná'ogue na nashillipi quena 'laua, na'maxare sqai huelec, ca' lapoỹata', ca npa'guene'e' ñi qota'olec chaqai ñi nashi lca'acsec.

Salmos 45:7

Qami' nashi, ỹaatqajam rqo'chita ná'maq no'uen chaqai se rqo'chita na se no'uen. Vichiguiño' nca'au'a qami' ñi qota'olec ñí'maq qota'olec caqami', Ca' 'xoic nqai'en da netoonaxaqui', ỹapacauec nqai'en qami' quena riỹachi'ipi.

Isaías 11:2

Ca' so ne'espíritu ñi qara'gaxala' hueetalec ma'le so'maxare, ca' qoỹaanem da na'deenaxanaxa, nco'ỹaxaric, 'xaỹaxanqachic chaqai da nquesaxanaxa, chaqai na'deenec quiyim se qanapacalec ñi qara'gaxala'.

Isaías 61:1

Ñi ne'espíritu ñi qara'gaxala' hueetalec aỹim, ma' ñi qara'gaxala' ỹim lca'acsec, ca' yila' quiyim sa'xatem da no'uen la'xaỹaxac na 'xoraiquipi, sotauan ná'maq 'ue na leuogoxo, sa'xat quiyim qaỹosouec na ncoñiitecseripi;

Mateo 1:23

Aca nequetegaxai saqa' 'on, qam 'manaxai ma'le, ca' 'ue ca llaalec. Qam ca'maxare leenaxato' ma'le Emanuel. Ca' dajo 'naac: Ñi qota'olec ỹalequetauguilo qomi'.

Lucas 2:17

Ca co'na' mashic qaiuana, ca qaỹa'xatetac da la'qaatec so nelaatec co'na' ỹa'xatetac so noctoqui'.

Lucas 2:38

Ca aso Ana liỹa ỹalequetaho quesojo na'xa'a. Ca' co'na' ime dá, ca ỹaantacot da na'aachicyaxac ñi qota'a, ca ỹa'xatetac so noctoqui' Jesús, ra'qaataxantapeguem ná'ogue na qomyipi ná'maq ỹahotaque quiyim ca na'xa'a quiyim ỹaatqajam qaỹosouec yi Jerusalén.

Juan 1:45

Ca' so Felipe eec idaanaque so Natanael, ca 'naapego': —Mashic sauanaxa ñi ỹale ñí'maq ỹiriño' na'le so Moisés quenaua naqataxaco naneresañi cana lere. Ñi'maxare qai'neeta qoỹiriñi queso la'qaataxanqajanqaipi ñi qota'a. Ñi'maxare chaqaiñi ñi Jesús, ñí'maq llaalec so José na'ñi yi na'a' Nazaret.

Juan 4:25

Ca' aso 'aalo 'naaco': —Sa'den quiyim naata cá'maq qohinac Mesías —qam dajo 'naac Cristo, ca qaỹa'xateta'guit nashi nca'laxaqui. Ca ma' novi' ca'maxare, ca ỹa'xatema qomi' ná'ogue na leloxoỹaxaquipi.

Hechos 10:38

Chaqai 'yiiñita quiyim ñi qota'olec ỹaanem so Jesús Nazaret le'ec da lquesaxanaxa so Espíritu Santo, chaqai ỹo'ueetetac da no'uen, chaqai ỹomatec ná'ogue na 'xoic na le'xoric qaipataqatañi queda lquesaxanaxa so na'ỹaapec. Dajo ishit ỹo'uet so Jesús, ma' ñi qota'olec liỹaatac so'maxare.

Hechos 4:27

Ma' llic quiyim so nashi Herodes chaqai so Poncio Pilato lapoỹata' quenajo na'a' lodegaxat, chaqai na chicqauec ỹoqa'a, chaqai na Israel laseripi quiyim npa'guene'e' so co'teeta qachaalqui' Jesús, só'maq rca'acshiqui' quiyim nashi nca'laxaqui.

1 Juan 1:3

Sa'xatqatac só'maq seuanaxa qomi' chaqai sa'xaỹaxa, qaiyi qamiri na'yiiu'alo qomi', 'nejme' qomi' quiyim ỹaatqajam ña'daqatau'a ñi qota'olec chaqai so llaalec Jesucristo.