Juan 1:38 - La'qaatqa ñi qota'olec Qota'olec & Qota'olec Novita Na Qomyipi

³⁸ Ca co'na' nqovilca so Jesús, ca' iuañi'chiguita quiyim coỹaresaho. Ca 'naaco': —¿Negue' ca daañitaque? Ca' saua'maxare 'neraco': —Qami' napaxaguinataxanaq, ¿negue' ca ñira'gue?

Juan 1:38 Iomraidhean Croise

1 Reyes 10:8

Ca' ¡ỹaatqajam ỹa'maqachiguiñi na rouachi'ipi chaqai netoontac ná'maq relaataxai'ipi, ma' na'maxare naua'que naua na'xata' hueetau'e na rahi'i' na'xaỹaxantapegalo naua la'maqa' naua ra'qaataxahi'!

Salmos 27:4

'Oonoqui' cá'maq sashiilaxantaque quiñi qara'gaxala', qaicaata yishiitaque: Quiyim seuetaugui añi no'ueenaxanaxaqui quiñi qara'gaxala' quenaua'que naua na'xata' quiyim yca'leetauec, qaiyi ñqouagaxaintacot seuetaugui añi no'ueenaxanaxaqui chaqai sa'ajantac da loyac.

Lucas 10:39

Qam aso Marta 'uo' aso lqaỹa leenaxat María. Ca' so'maxare nqa'xanñi, ne'toto naua lichil so Jesús, ca na'xaỹaxantapega ná'ogue na ỹa'xatetac so'maxare.

Lucas 14:25

Ca ỹaatqajam 'xoic na qom coỹareta'pegue' so Jesús, ca' so'maxare nqovilque'e, ca 'naaco':

Lucas 15:20

Ca' quiyi, ca' eec, pila yi la'a' so leta'a. Ca co'na' ñaq qoỹoqo'chiguit, ca so leta'a ỹauañi'chiguit so'maxare. Ca' ỹaatqajam 'uo' da le'xorenataxanaxa. Ca' ne'guenta ca'guit. Ca co'na' ỹovichiguit, ca' qa'aalegue chaqai nqo'goq.

Lucas 19:5

Ca' so Jesús co'na' ỹovita so'maxare, ca ra'ỹaashi'megue. Ca 'naapego': —Zaqueo, chaqa'ma' renochirec, ma' ỹim sahotaque quiyim shicpegue' ca ra'aachi' quena na'xa'a.

Lucas 22:61

Ca' quiyi, ca' so qara'gaxala' nqovilca'a so Pedro. Ca' so Pedro ỹo'leente'te ca la'qaatec so qara'gaxala', co'na' 'naac: “Ma' saqa' noỹen ca huaqa'e ma'le', ca' qami' tres noqollicchitegue aỹim, 'ñirac sqa huañirapiguiỹa'.”

Lucas 8:38

Ca' so ỹale só'maq chicqaugui so lecmaxaiquipi ne'xoresentacot so Jesús quiyim qaỹa'maxarenta eec, quegue so'maxare. Qam so Jesús 'naapega quiyim no'ueenañi, ca 'naaco':

Juan 1:37

Ca' saua dos lapaxaguinatqa so Juan co'na' 'qaachirigui da la'qaatec so'maxare, ca' quetegue so Jesús.

Juan 1:39

Ca' so Jesús 'naaco': —Ỹalahi, 'ajnaxañiỹa. Ca' saua'maxare que' ra'ajnaxanta, ca iuanta cá'maq neeta'ñi so Jesús. Ca' neesa'anyi sá'ogue so avit saua'maxare, ma' mashic lavito' na'le, 'uo' ca las cuatro queso avit.

Juan 1:49

Ca' so Natanael 'naaco': —Qami' napaxaguinataxanaq, chaqaqami' ná'maq llaalec ñi qota'olec, chaqai qami' lashi na Israel.

Juan 12:21

Saua'maxare nqo'nera'a so Felipe, so'maxare Betsaida le'ec yí'maq huaugui yi 'laua Galilea. Ca qane'xoresene'tot, qohinaco': —Nqouaquiteguelo qomi', sahoqotaque seuanaxa ca Jesús.

Juan 18:4

Qam so Jesús ma' mashic ỹa'deentari' dá'ogue dá'maq 'neeta ma'le, ca ca'guit, ca inato', 'naaco': —¿Negue' cá'maq daañitaque?

Juan 18:7

Ca lotqai liỹa inate' so Jesús saua'maxare: —¿Negue' cá'maq daañitaque? Ca saua'maxare 'neraco': —Sedaanqataque ca Jesús, Nazaret le'ec.

Juan 3:2

Sojo Nicodemo 'uo' so pe ra'pichi'oga so Jesús, ca' 'naaco': —Qami' napaxaguinataxanaq, qomi' sa'deenqata quiyim qanela' qami' quiñi qota'olec quiyim qarapaxaguiñi', ma' qaica ca ishit ỹo'uet ná'maq 'viichisac netanqaipi quiyim re'oq da rquesaxanaxa'e', qaicaata cá'maq hueeto'ot ñi qota'olec.

Juan 3:26

Querepegue' so Juan, ca' 'nerec: —Qami' napaxaguinataxanaq, 'ajñi' dá'maq ỹovireta'a qami' na'le queda pa'ỹa'gue da lqodoigue caso lachiugue Jordán, dá'maq 'xachisac na'le coqomi', da'maxare nagui rachilaxanataxantac chaqai ná'ogue na qomyipi queeta'pegue'.

Juan 4:31

Ca' saua lapaxaguinatqa nquipitesa'pegue' quiyim 'neesapega: —Qami' napaxaguinataxanaq, qui'i' lecocho'qui'.

Juan 6:25

Ca co'na' so qomyipi ỹovijta'gue da liỹa laseego añi latogot late'ogue', ca qaiuanejlec so Jesús. Ca' qainato', qohinaco': —Qami' napaxaguinataxanaq, ¿laquio' na' novichireta quenajo?

Hechos 10:21

Ca' renoteco' so Pedro quiyi hueese'e saua ỹale' lelaatqa so Cornelio, ca 'naaco': —Chaqaỹim ná'maq qamiri daañitaque. ¿Negue' cá'maq 'neeta quiyim novirii?

Hechos 10:29

Vichiguiño' na' qaroỹaxañiua', chaqa'ma' qaica ca shinac, ñanac. Ca' nagui sahotaque sa'den negue' ca 'neeto' quiyim ỹaxañiua'.

Rut 1:16

Qam aso Rut 'naaco' caso'maxare: —¡Se yashiila'e' quiyim salachi' chaqai quiyim ñoỹootec caqami'! Ma' ỹim cá'maq 'itegue saigue, chaqai cá'maq ñira'ñi sena'ñi. Ca iuo' cá'maq qauochi' laseripi, chaqai ca qota'olec caqami' chaqaica cá'maq qota'olec caỹim.