Juan 1:33 - La'qaatqa ñi qota'olec Qota'olec & Qota'olec Novita Na Qomyipi

³³ Qam ỹim saqa' sa'den na'le nega'ỹo'ca cajo ỹale. Qam ñí'maq yila' quiyim sachilaxanataxana na huaxaỹaq, 'naapega aỹim: “Ma' huañita so Espíritu Santo ma' anac chicqashiguim, ca' quecá'maq hueetalec qom, ca' chaqaica cajo ỹale rachilaxanataxana ma'le ca Espíritu Santo.”

Juan 1:33 Iomraidhean Croise

Mateo 3:11

Ca' ỹim ỹaatqajam lliqueta ñachilaxañiguilo qamiri na huaxaỹaq, ca' chi netanec quiyim lachii' naua ranataxahi se no'viiñi. Qam cá'maq coỹaretalec aỹim, ca'maxare nachilaxanalo qamiri ma'le ca Espíritu Santo chaqai ca norec. Ca'maxare paguec lquesaxanaxa caỹim, vire'ta quiyim se seshit quiyim chi se'xate' caua lapelate'.

Lucas 3:16

Qam so Juan 'naapega sá'ogue so qomyipi, 'naaco': —Aỹim llic nagui ñachilaxañiguilo qamiri na huaxaỹaq, qam 'ue na coỹaretailec, na'maxare nachilaxanguilo qamiri ma'le ca Espíritu Santo chaqai ca norec. Chaqai na'maxare paguec da lquesaxanaxa, sqai 'nejem aỹim, chaqai aỹim sqa saiguit quiyim sosoorec naua lapelate' lequeete'.

Juan 1:31

Qam ỹim ỹaatqajam se seuanapega na'le na'maxare, qam ñanaquetalec quiyim sachilaxanataxantapega na huaxaỹaq, ma' chaqaida dá'maq qaỹahotaque quiyim qaỹa'den na'maxare quena llaalqaipi so Israel.

Juan 14:26

Qam ca Espíritu Santo, cá'maq nelatalo qamiri ma'le ñi qota'a, quiichigui nqai'en da ỹeenaxat, qaiyi ỹotauane' chaqai ỹa'ñaxate' ma'le qamiri, ca'maxare rapaxaguiñiigue ná'ogue chaqai no'uenaxanaxane' qamiri quedá'ogue dá'maq shinac.

Juan 3:34

Ma' cá'maq qaila' quiñi qota'olec, ca ỹa'xat da la'qaatec ñi'maxare, ma' ñi qota'olec se naloqojnañi quiyim ỹaanec so ne'Espíritu.

Juan 3:5

Ca' so Jesús 'naaco': —Ỹaatqajam llic dá'maq sa'xatem qami', quiyim cá'maq se nañan quiyim qanachilaxan chaqai quiyim qaỹadalaxat queso Espíritu Santo, ca se inoxona'a da lo'ueenataxanaxac ñi qota'a ma' ỹoiquentac ná'ogue najo.

Juan 7:39

Ca' quedajo ỹahotaque 'naac so Jesús, quiyim quecá'maq huelec so'maxare, ca icoñiguit ma'le so Espíritu Santo. Ma' saqa' novi'o' na'le so Espíritu, ma' so Jesús saqa' ỹovita yi laloqo' quiyim qaimaqachin.

Hechos 1:5

Ỹaatqajam llic queso Juan rachilaxanataxañigui na huaxaỹaq, qam qai'neete' qamiri quenaua na'xatarolqai' qanachilaxanguilo qamiri ca Espíritu Santo.

Hechos 2:4

Ca sá'ogue qano'xataxachichigui queso Espíritu Santo. Ca' quiyi, ca retaqa, ỹa'xate' naua ỹoqa'alo na'qaatqa, quecá'maq qoỹaanem ỹa'xat queso Espíritu.

1 Corintios 12:13

Ma' qomi' 'eno'm qomi' judío lase', loqo'm sqai judío lase', loqo'm qomi' nelaatqa, loqo'm sqo qomi' nelaatqa, qam na' qanachilaxane' qomi', ca 'eco' qarenocau'a so 'oonoqui' noshicmaxa chicqochigui so Espíritu. Chaqai qomá'ogue 'ec qane'taxanguilo só'maq 'oonoqui' Espíritu Santo.