Juan 1:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Na judioipi na'ñi yi Jerusalén ila' so netaxaỹaxanqajanqaipi quena' qaretaxaỹa'pegue' ñi qota'a chaqai so llaalqaipi so Leví chi lotauaripi so'maxare quiyim renataxana so Juan quiyim nega'ỹo' so'maxare.

Juan 1:19 Iomraidhean Croise

Juan 1:7

So'maxare anac, qam chi ỹa'xateta'guit da lauaq so ncoỹeraxanaxat, qaiyi ná'ogue na qomyipi huelec, chicqochigui dá'maq la'qaataxanaxac so'maxare.

Juan 10:24

Ca' so judioipi lapoỹaho' na'le, ca qohinaco' queso'maxare: —¿Chi' laquio' quiyim ỹaatqajam nachaxañitalo qomi'? No'm chaqaqami' ná'maq qami' nashi nca'laxaqui, ca 'maxaraic quiyim 'qaataxañitalo qomi', ca' yí.

Juan 10:31

Co'na'le, ca so judioipi lotqai iconapega na qa' quiyim ỹahotaque inaq so'maxare.

Juan 11:19

Ca 'xoico' so judioipi neeta'ñi yi la'aate' saua Marta chaqai aso María lo'daxatesapigui lauele' saua'maxare, sauaxat quiyim mashic sou so lqaỹa'.

Juan 2:18

Ca' so judioipi inato' so'maxare, ca 'naaco': —¿Negue' ca netanec chaxañitalo qomi', qaiyi seuaqlec qami' quiyim ỹaatqajam llic 'ue ca 'ñitegue quiyim 'viichi' dajo?

Juan 2:20

Ca' so judioipi 'naaco': —Cuarenta y seis ñaxari ỹovite', ca' qaigueme qaỹomat na' qano'xontegueshiguim najo no'ueenaxanaxaqui, ¿qam qami' machi' quet quecaua tres na'xata' quiyim no'xoñirishiguim?

Juan 5:10

ca' so judioipi 'naapego' só'maq ỹale imeuec: —Najo na'xa'a co'mataxaqui, se ỹa'maxañi quiyim 'xachisegueri' na qacanqui'.

Juan 5:15

Ca' so ỹale eec ra'qaataxanem na judioipi quiyim chaqaiso so Jesús só'maq ỹomateco' na'le so'maxare.

Juan 5:16

Ca vichiguiño' so judioipi ỹocantac so Jesús ỹahotaque quiyim ỹalauat, ma' ỹo'ueeto' dajo queso na'xa'a co'mataxaqui.

Juan 5:18

Ca' quedajo, ca na judioipi paguec lama'xa ỹahotaque quiyim ỹalauat, ma' mesqaidaata quiyim se na'xaỹaxana da leloxoỹaxac yi na'xa'a co'mataxaqui, qam qai'neeta 'naac 'nejem ñi qota'olec ma' 'naac ỹaatqajam leta'a ñi'maxare.

Juan 6:41

Ca' quedajo, ca so judioipi queeteguelec so Jesús quedá'maq 'naac quiyim 'naac: “Ỹim chaqaỹim ná'maq pan chicqo'ot na piguim.”

Juan 6:52

Co'na'le, ca so judioipi chi retaqata'ta', ca 'naaco': —¿Chi negue' queto' ca 'neeta quiyim da'maxare nañaanoxorom quiyim sa'guinaq ná'maq chi loshicmaxa?

Juan 7:1

Ca co'na' ime dajo, ca' so Jesús ỹouoxontac yi 'laua Galilea. Sqai quepegue' yi Judea, ma' quiyi'maxare na judioipi ỹahotaque ỹalauat so'maxare.

Juan 7:11

Ca' na judioipi imitetaque so'maxare queso nemaqachic. Ca 'naaco' quen: —¿Tegue' canchaqai hueeta'gue cajo ỹale?

Juan 7:15

Ca' na judioipi ỹaatqajam 'uo' na le'laxa, ca 'naaco' quen: —¿Negue' cá'maq 'neeto' dá'maq dajo, ma' ỹaatqajam 'ue ná'maq ỹa'den, qam se ỹauanapega napaxaguin?

Juan 8:22

Ca 'naaco' so judioipi: —¿Peeta'a nalauatalta' ma'le da'maxare, vichiguiño' 'naac quiyim se seshitaq saxague cá'maq taigue da'maxare?

Juan 8:48

Co'na'le, ca so judioipi 'naaco' queso'maxare: —Qomi' ỹaatqajam llic da sa'xataq na' shinqac quiyim qami' chaqai Samaria le'ec, chaqai 'ue ñi neetagui qami' chicqo'ot so na'ỹaapec.

Juan 8:52

Ca so judioipi 'naaco' na'le queso'maxare: —Ca' nagui, ca ỹaatqajam sa'deenqata quiyim 'ue ñi neetagui qami' chicqo'ot so na'ỹaapec. Ma' so Abraham chaqai sá'ogue so letaxaỹaxaquiripi ñi qota'olec nilliviñi, qam qami' 'ñirac: “Cá'maq na'xaỹaxane'ta dá'maq sa'xat, ca tot ileu.”

Juan 8:57

Ca' 'naaco' so judioipi queso Jesús: —Saqa' vichi' caua cincuenta ñaxari, qam ¿'ñirac huañita so Abraham?

Hechos 13:25

Chaqai co'na' ipalata'a ca lqodoc aca lqauaxaqui so Juan, ca 'naaco': “Ỹim mesqaỹim cá'maq pe'taxañitaque quiyim aỹim; qam 'ue na coỹaretailec. Ca' ỹim quena'maxare sqa saiguit quiyim sosoorec naua lequeete' naua lapelate'.”

Hechos 19:4

Ca' so Pablo 'naapegalo': —Ajá'a, qam so Juan lachilaxanataxanaxac chi letanec quecá'maq ỹacoñiguit da na'qaatec, ca ỹalate' naua se no'viiñi lanatqa. Qam qai'neeta 'naac quiyim qoyiuelec só'maq co'uaataxanta queso'maxare, leenaxat Jesús, ma' chaqaiso so nashi nca'laxaqui.

1 Juan 1:5

Ca' dajo dá'maq na'qaatec ỹapaxaguinguelo na'le qomi' so Jesucristo, ca' qomi' sa'xatqaima qamiri: quiyim ñi qota'a re'qojlec nqai'en ná'ogue, chaqai qaica ca napalaxa hueeto'ot ñi'maxare.