Juan 1:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Na nelaataxanaxaquipi na' qoỹaanec chicqochigui nqohin so Moisés, qam da nqo'iichi chaqai da lliqueta chicqochirigui so Jesucristo.

Juan 1:17 Iomraidhean Croise

Génesis 22:18

Chaqai ná'ogue na ỹoreta'oguit qomyipi hueetalec ana 'laua 'xoic ma'le ca la'maxa, chicqochigui nqaishin ma'le ca'maxare, ma' na'xaỹaxanchiriua'.

Génesis 3:15

Ca' nagui so'uet quiyim qami' chaqai ada 'aalo qamiri pa'guenaxaua', ca 'nejem ca qachaalaxai'pi chaqai ca llaalqaipi ada'maxare. Ca llaalqaipi ada'maxare co'vigui na rqahiqui', chaqai qami' a'quirigui ana la'ỹaaxa.

Salmos 98:3

ỹaatqajam se coua'e da le'xorenataxanaxa chaqai da laqamaxa quena llaalqaipi so Israel. ¡Qaiuana quenaua'que naua lahil na 'laua quiyim rauegaxan ñi qota'olec coqomi'!

Juan 1:14

Ca' só'maq qohinaco' quen na'qaatec ñigui qom. Ca so'maxare ỹalequetauguilo qomi', qam ỹaatqajam no'qaachigui queda nqo'iichi chaqai dá'maq ỹaatqajam llic leloxoỹaxac. Ca' qomi' seuanqachigui da lauaq, qam dajo lauaq da'maxare chi lalamaxaret lauaq só'maq 'oonoqui' llaalec ñí'maq qota'olec.

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Juan 18:37

Ca' so Pilato 'naaco' queso'maxare: —¿Ca' llic quiyim ỹaatqajam qami' nashi? Ca' so Jesús 'naaco': —Ỹim nashi, chaqaida dá'maq 'ñirac. Ñanaỹa na 'laua na' ñi'qaañi, ma' sahotaque sa'xat dá'maq lliqueta. Ca ná'ogue ná'maq huelec dá'maq lliqueta, ca na'xaỹaxana dá'maq sa'xat.

Juan 5:45

Sqai 'ñiitapega quiyim aỹim sa'xatem ñi ita'a ca rasauaxashichii. Ma' chaqaiso so Moisés só'maq ỹa'xat ca ro'maxaguii só'maq lliito'ot da naquitaxaguii qamiri.

Juan 7:19

¿Mesqai llico'da quiyim so Moisés ỹaanema qamiri da naqataxaquipi? Qam caqamiri qaica ca na'xaỹaxana dajo naqataxac. Ma' ¿chi'negue qamiri viitaque yalauachii?

Juan 8:32

Chaqai huañiỹa dá'maq ỹaatqajam lliqueta, ca' dajo lliqueta, ca ỹosoorec ma'le qamiri.

Juan 9:29

Qomi' sa'deenaq quiyim so Moisés retaqata'pegue' na'le ñi qota'olec, qam so ỹale vire'ta quiyim se sa'deenaq cá'maq chicqa'gue.

Hechos 28:23

Ca vichiguiño' qaỹa'uo' so na'xa'a naloqojnec. Ca co'na' ỹovire'oga sojo na'xa'a, ca 'xoic so qomyipi ỹovira'a yi neeta'ñi so Pablo. Ca' ñaq nete'eta na' retaqa so Pablo chi ỹovireta'guit so avit, ỹa'xatetac da lo'ueenataxanaxac ñi qota'a ma' ỹoiquentac ná'ogue najo. 'Ne'tegue dajo so Pablo, ma' ỹahotaque qoyiuelec so Jesús. Vichiguiño' ỹachigoxochichigui da la'qaatec so naqataxaquipi chicqo'ot nqohin na'le so Moisés, chaqai ana lerecse so letaxaỹaxaquiripi ñi qota'a.

Hechos 7:38

Chaqaiso so Moisés so ỹalequetaugui so qomyipi na'le quiyi 'laua qaica qom, chaqai ỹalequetaho so chicqashiguim qota'a lelaatec na' retaqa caso qa' ladocai leenaxat Sinaí, chaqai saua 'auaxaqa qareta'al. Ca chaqaiso só'maq ỹacoñiguit da na'qaatec chicqaugui da nca'laxa, ca ỹoviraqta'ogalo qomi'.

Romanos 6:14

Ma' da nasauaxaset tot qaica da lquesaxanaxa caqamiri quiyim relaritac, ma' totqai viito'ot na naqataxaquipi, ta'ta'a quiyim viito'ot da lqouagaxa ñi qota'a.

2 Corintios 1:20

Ma' chaqaiso só'maq ipaquichiguilo nqai'ne' naua'que nauá'maq ỹachaxanta'pe ñi qota'a. Ca vichiguiño' quena' semaqachinaq ñi qota'a, chaqai chicqochigui so Cristo Jesús quiyim dá'ogue da qarasaataxac quiyim shinqac: “Ajá'a, chaqaida 'neeta dajo.”

Gálatas 3:17

Ca' quedá'maq shinac 'neetasa': Ñi qota'a na' ỹa'ue so na'deenaxac queso Abraham, ca' ỹaanec da la'qaatec quiyim ipacqajanchigui ma'le. Ca vichiguiño' so naqataxaquipi chicqochigui so Moisés novi' na' ime'ueque saua cuatrocientos treinta ñaxari, qa' tot ishit quiyim ỹosogui sojo 'deenaxac, quiyim se ipacqajñigui quet dá'maq ỹachaxantac na'le ñi qota'a.

Hebreos 9:22

Ca' dajo llicyaxac na naqataxaquipi ỹa'xat quiyim sham ná'ogue ná'maq qaỹo'uet ỹouen quiyim qaỹahote'elo naua neuo' quiyim 'ue ca qaico'taxat. Chaqai qaica ca chi qaỹapalaxateta ca lasauaxaset quiyim se qaỹocoraqta'pe caua neuo'.