Juan 1:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ So Juan ỹa'xatetac na'le so'maxare na' 'naac: —Chaqaida dajo dá'maq ỹim sa'xateta'guit na' shinac cá'maq co'uaataxanta ma'le caỹim, ca'maxare 'auaxaic caỹim, ma' shi'co' 'ue na' saqa'leca aỹim.

Juan 1:15 Iomraidhean Croise

Isaías 9:6

Ma' mashic ne'qaañi ca noctoqui', ñi qota'olec nañaanoxorom ca ñaalcoqui', ca ca'maxare qoỹanagui quiyim nashi. Chaqai qaỹa'vii daua leenqate' 'neetasa': Chalego la'maqa' naua laqataxaco, qota'olec qaica lqalanec, neta'a sqaica lqodoc, lashi da no'daxa. (9.7-21 Ñi qara'gaxala' ro'ỹa so Israel.)

Miqueas 5:2

Qam caqami' na'a' Belén Efrata, paguec qami' cocho'qui' quená'maq chigoxougui so Judá, chicqotougui qami' ma'le ca nashi ỹoiquentac ma'le na Israel. Ca'maxare chigoxougui so 'auaxaic qomyipi.

Mateo 3:11

Ca' ỹim ỹaatqajam lliqueta ñachilaxañiguilo qamiri na huaxaỹaq, ca' chi netanec quiyim lachii' naua ranataxahi se no'viiñi. Qam cá'maq coỹaretalec aỹim, ca'maxare nachilaxanalo qamiri ma'le ca Espíritu Santo chaqai ca norec. Ca'maxare paguec lquesaxanaxa caỹim, vire'ta quiyim se seshit quiyim chi se'xate' caua lapelate'.

Marcos 1:7

Ca so'maxare rapaxaguinataxantac quena qomyipi, 'naaco' quen: —'Ue na coỹaretalec aỹim, qam na'maxare paguec lquesaxanaxa caỹim. Chaqai ỹaatqajam se yalou'a quiyim ñqai'guiñi quiyim sosoorec naua lapelate' lequeete'.

Lucas 3:16

Qam so Juan 'naapega sá'ogue so qomyipi, 'naaco': —Aỹim llic nagui ñachilaxañiguilo qamiri na huaxaỹaq, qam 'ue na coỹaretailec, na'maxare nachilaxanguilo qamiri ma'le ca Espíritu Santo chaqai ca norec. Chaqai na'maxare paguec da lquesaxanaxa, sqai 'nejem aỹim, chaqai aỹim sqa saiguit quiyim sosoorec naua lapelate' lequeete'.

Juan 1:27

Da'maxare co'uaatetalec aỹim, qam da'maxare shi'co' 'ue na' saqa'leca aỹim. Chaqai se yalou'a quiyim sosoorec naua lequeete' naua lapelate'.

Juan 17:5

Ca' nagui, qami' ita'a, sahotaque sentau'a na rahi'i', chaqai 'ỹaañitem aỹim dá'maq imaqachic na' ñaqai sento'ot qami' na' saqa'leca na 'laua.

Juan 8:58

Ca' so Jesús 'naaco' queso qomyipi: —Ỹaatqajam llic da shinac caqamiri, quiyim na' saqa'leca so Abraham, ca' shi'gue 'ue aỹim.

Colosenses 1:17

So Cristo chaqai'eno' 'ue na' saqa'leca nanchaqaina, ca' chaqaiso só'maq nolliitañi ná'ogue na'maxare.

Hebreos 13:8

So Jesucristo se nadalaxat, sqaica lqodoc quiyim chaqaidaata 'neetari'.

Apocalipsis 1:11

Ca 'naac caỹim: —Ỹim ná'maq ỹim 'auaxaic chaqai spa'aatec, shintam aca la'auaxana na nerqaipi, chaqai aca pa'aatec. 'Chirelec maca lere dá'maq huañita. Ime, ca' lachitalo naua siete 'lauari neetalec ná'maq mashic icoñiguit da na'qaatec quiyi 'laua Asia: neralec yi Efeso, Esmirna, Pérgamo, Tiatira, Sardis, Filadelfia, chaqai yi Laodicea.

Apocalipsis 2:8

'Chiriñi aca lere, ca' lachita qai'neeta ñi nelaatec reloqota'a yí'maq mashic icoñiguit da na'qaatec neeta'ñi yi Esmirna. 'Ñiraco': “'Neetayi dá'maq 'naac ñí'maq 'auaxaico' na'le chaqai ñí'maq pa'aatec, ñí'maq ileuo' na'le, qam lotqai liỹa nca'leuec: