Juan 1:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca' só'maq qohinaco' quen na'qaatec ñigui qom. Ca so'maxare ỹalequetauguilo qomi', qam ỹaatqajam no'qaachigui queda nqo'iichi chaqai dá'maq ỹaatqajam llic leloxoỹaxac. Ca' qomi' seuanqachigui da lauaq, qam dajo lauaq da'maxare chi lalamaxaret lauaq só'maq 'oonoqui' llaalec ñí'maq qota'olec.

Juan 1:14 Iomraidhean Croise

Salmos 2:7

Ỹim sa'xat dá'maq ỹahotaque ñi qota'olec: ñi'maxare 'naac caỹim: Qami' ná'maq qami' ỹaalec; nagui, ca' ỹim qataa'i'.

Salmos 45:2

¡Qami' ná'maq paguec lo'yaxanec quena ỹalliripi! ¡Da qouagaxa hueetauguilo naua ra'qaataxahi'! Vichiguiño' ñi qota'olec qaica lqodoc quiyim no'ueenaxat qami'.

Isaías 40:5

Ca ma'le, ca' ñi qota'olec ỹachaxan da lauaq, ca ma'le, ca ná'ogue na qomyipi ỹauana. Ma' chaqaiñi ñi'maxare 'naac dajo.

Isaías 53:2

Ñi qara'gaxala' ỹahotaco' quiyim so lelaatec queda llaxataxac 'ec aca nanecse ra'lliitam, ca' ta'iñi naua lpa'yii quena 'laua rashivita. Qaica ca loyac chaqai sqa taiguit da no'ueenataxac, chaqai dá'maq no'ueenataxac qaica ca lemaqachic;

Isaías 7:14

Hua', cha'regue chaqaiñi ñí'maq qara'gaxala' ỹo'uet ma'le ca retanqui': Añi nequetegaxai mashic 'man, chaqai 'ue ma'le ca llaalec, ca ỹanegue ma'le quiyim leenaxat Emanuel. (Ca' dajo 'naac: Ñi qota'olec ỹalequetauguilo qomi'.)

Mateo 1:16

Ca' so Jacob, ca' llaalec so José, só'maq loua aso María. Ca aso'maxare late'e so Jesús, só'maq leenaxat nashi nca'laxaqui.

Lucas 2:11

Da'maxare 'neetayi: nagui ne'qaañi quiyi na'a' ne'xaỹoqsoqo' so David cá'maq qaỹahotaque quiyim rca'laxaguii, leenaxat Cristo, ca' cá cá'maq qara'gaxala'.

Lucas 2:7

Ca hua'ño'yi co'na' ne'qaañi so 'auaxaic llaalec. Ca lepataxañigui so lepataxaqui, ime, ca' illaañigui aso lqui'ỹaxaqui na iseripi neloipi, ma' sqaica ca lomate' saua'maxare quecá'maq ỹaatqajam 'imec nelaqsoqo'.

Lucas 9:32

Qam so Pedro chaqai saua nauegaxaua' ỹaatqajam 'xoic na lelaxague'. Qam liyi neloosauec. Ca iuanchirigui da lauaq so Jesús chaqai saua dos ỹale' lapoota'to so'maxare.

Juan 1:1

Co'na' ná'ogue taañi quiyim qaỹo'uet, ca shi'co' 'ue só'maq qohinaco' na'qaatec. Ca' só'maq qohinaco' quen na'qaatec shi'co' neeto'ot ñi qota'a chaqai so'maxare qota'a.

Juan 11:40

Qam so Jesús 'naaco' caso'maxare: —¿Mesqai shi'gue shinac caqami' quiyim vi'relec, ca' huañita ca se qaiuanapega lo'ueenataxanaxac ñi qota'olec?

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Juan 14:9

Ca' so Jesús 'naaco': —Felipe, shi'gom iỹareta'pe qamiri, ¿qam saqa' huañirapiguiỹa'o'? Cá'maq iuana ỹim, ca' iuana ñi qota'a. Ca' ¿chi'negue ma' yashiila'isac quiyim huañita ñi qota'a?

Juan 17:22

Dá'maq imaqachic nañaañirim, ca' chaqaida dá'maq saanema naua'maxare, qaiyi 'ec 'oonoqui', 'neete'm qomi' 'ec qomi' 'oonoqui'.

Juan 17:24

Qami' ita'a, qami' nañaañi' naua'maxare, ca' ỹim sahotaque quiyim cá'maq senta'ñi qai'neete' naua'maxare neesa'ñi, qaiyi iuanta dá'maq imaqachic nañaañi'; ma' ỹaatqajam yi'xoriñi' shi'gue na' saqa'leca na 'laua.

Juan 18:37

Ca' so Pilato 'naaco' queso'maxare: —¿Ca' llic quiyim ỹaatqajam qami' nashi? Ca' so Jesús 'naaco': —Ỹim nashi, chaqaida dá'maq 'ñirac. Ñanaỹa na 'laua na' ñi'qaañi, ma' sahotaque sa'xat dá'maq lliqueta. Ca ná'ogue ná'maq huelec dá'maq lliqueta, ca na'xaỹaxana dá'maq sa'xat.

Juan 2:11

Dajo dá'maq 'avichiguiñi netanec ỹo'uet so Jesús hua'ñi yi Caná huaugui yi 'laua Galilea, na' ỹachaxan da se qaiuanapega lo'ueenataxanaxac. Ca so lapaxaguinatqaipi ỹaatqajam huejlec so'maxare.

Juan 3:16

Ma' ñi qota'olec ỹaatqajam 'xoico' da lauochaxa quena qomyipi, ca ỹaanec na 'oonoqui' llaalec, qaiyi se ileu cá'ogue cá'maq huelec na'maxare. Ta'ta'a quiyim 'ue da lca'laxa sqaica lqodoc.

Juan 3:18

Cá'maq huelec na llaalec ñi qota'olec, ca' qaica ca nouaxanaxaset. Qam cá'maq sqai huelec, chaqa'ma' shi'gue 'ue da nouaxanaxaset nqohin, ma' sqai huelec na 'oonoqui' llaalec ñi qota'olec.

Juan 6:51

Chaqaỹim ná'maq ỹim pan nca'leetauec chicqa'gue da piguim. Cá'maq ỹa'ic najo pan, ca' 'ue da lca'laxa sqaica lqodoc. Chaqai cá'maq pan ỹim saanec, chaqaina ná'maq ỹoshicmaxa. Ca ỹim saanec, qaiyi nca'leuec na qomyipi quena 'laua.

Juan 8:32

Chaqai huañiỹa dá'maq ỹaatqajam lliqueta, ca' dajo lliqueta, ca ỹosoorec ma'le qamiri.

Hechos 13:33

Ca' qomi' ma' qomi' llaalqa saua'maxare. Ca' nagui ipacqajanchigui ñi qota'olec coqomi' dá'maq shi'gue ỹa'xateta'guit, quiyim liỹa nca'laxatec so Jesús, ma' shi'gue qoỹeretañi quiyi lpa'axaua yi 'auaxaic salmo: “Qami' ná'maq qami' ỹaalec, saañiraxarom nagui da rca'laxa'e'.”

Romanos 8:3

Ma' ñi qota'a ỹo'uet dá'maq se ishit ỹo'uet dá'maq naqataxaquipi chicqo'ot so Moisés. Ma' na naqataxaquipi se nalo'guit da lquesaxanaxa da lamaanaxanqachic na noshicmaxa. Ca' ñi qota'a ỹo'uet na' nela' so lalamaxaret llaalec quiyim 'nejem nqai'en ca qom, qaiyi qaishit qaỹalauat quiyim ishiueten da nasauaxaset. Ca' dajo 'neetasa': na' nela', qam 'nejem nqai'en ca qom sauaqhuaic. Ca co'na'le, ca' ỹo'uet so nouaxanaxaset só'maq nasauaxaset hueetaugui nqai'en so loshicmaxa so Jesús.

Romanos 9:5

Na'maxare chaqai llaalqaipi so 'auaxaic qareta'allipi, chaqai da re'qoochigui no'ueenataxac na'maxare chicqotougui so Cristo. Ca' qoỹanagui so'maxare quiyim qota'olec quená'ogue, ca qaiyi se neme quiyim qaimaqachintac. Ajá'a, ca chaqaida 'neeta dajo.

1 Corintios 15:47

So 'auaxaic qom qaỹachigoxotaugui na 'laua, ca so'maxare 'lauasec. Qam só'maq co'uaataxanta qom, só'maq qara'gaxala', so'maxare chicqo'ot na piguim.

2 Corintios 12:9

Qam so qara'gaxala' 'naac caỹim: “Da i'xorenataxanaxa mashic viisaxauot, ca' qaica quet cá'maq liỹa viñisaque. Ma' dá'maq iquesaxanaxa re'oq quena' cá'maq qom qaica ca lquesaxanaxa.” Ca' vichiguiño' ñitoon ma' ỹim sqaica ca iquesaxanaxa, qaiyi re'oq caỹim da lquesaxanaxa so Cristo.

Gálatas 4:4

Qam na' ỹovita ca laloqo', ca' ñi qota'a nela' so llaalec, ne'qaañi nqai'en caso 'aalo, chicqotougui nqai'en na judioipi ma' hueetaugui da lapaxaguinataxanaxac na naqataxaquipi.

Efesios 3:8

Ma' ỹim qaica quet cá'maq shinegue, ma' paguec ỹim cocho'qui' quená'ogue ná'maq lalamaxaret ñi qota'a. Qam ñi'maxare queda lqouagaxa, ca' pataxailec quiyim sa'xat da na'qaatec quena mesqai judioipi quedá'maq qaica 'nejem lesallaxa so Cristo.

Colosenses 1:19

Ma' ñi qota'a ỹahotaco' quiyim dá'ogue dá'maq chi no'ueenataxac imaagui so Cristo.

Colosenses 2:3

Ma' chaqaiso só'maq ỹomata'ta' hueetaugui ná'ogue na na'deenaxanaxa chaqai da na'deenataxanaxac.

Colosenses 2:9

Ma' dá'ogue dá'maq no'ueenataxac ñi qota'a ỹaatqajam hueetagui da nachaalataxac so Cristo.

1 Timoteo 3:16

Ca' sqaica ỹoqolliguit dá'maq se re'xogui leloxoỹaxac dá'maq seuaxalec ỹaatqajam chalego lecaic: Ñi qota'a na' nachaxan, qam ỹaatqajam chaqaida dá'maq re'qoochigui no'ueenataxac na qom; dá'maq shi'gue ỹa'xat so Espíritu Santo quiyim só'maq ỹaatqajam no'uen ỹale, chaqai qaiuanchigui quená'ogue na chicqashiguim qota'a lelaatqaipi. Chaqai qaỹa'xatem ná'ogue na ỹoreta'oguit qomyipi, chaqai 'ue na huelec quená'ogue na 'laua, chaqai qaicoñi'chiguit queda piguim.

Hebreos 1:3

Ca' chaqaiso so lqai'legaxa dá'maq lauaq ñi qota'a, chaqai so'maxare chaqaiso só'maq 'nejem da no'ueenataxac ñi qota'a, chaqai so'maxare só'maq nolliitañi ná'ogue nanchaqaina queda lquesaxanaxa da la'qaatec. Ca co'na' ime co'taxate' qomi' quena qarasauaxaset, ca' nqa'xanñi quiyim nashi queda loic yi nqa'xanqa' ñi qota'a queda piguim.

Hebreos 1:5

Ma' ñi qota'a se ỹauana 'ue ca 'naapega quena lelaatqaipi piguim laseripi: Qami' na' qami' ỹaalec; saañiraxarom da rca'laxa'e' nagui. Chaqai sqaica ca 'naapega quena piguim laseripi: Ỹim shintari' ca leta'a so'maxare, chaqai so'maxare shinta'gue ca ỹaalec.

Hebreos 10:5

Ca' vichiguiño' so Cristo, co'na' ỹahotaque nacpegue' na 'laua, ca 'naaco' na'le quiñi qota'a: Sqai coñichiguit na nachitaxanataxanqateripi, chaqai na qoỹaantapego iseripi, ta'ta'a quiyim 'maxachiriñi na ỹoshicmaxa.

Hebreos 2:11

Ma' ná'maq qaico'taxat da nachaalataxac, chaqai só'maq quiỹoxontac, na'maxare 'oonoqui' ñí'maq qota'a quena'maxare. Ca vichiguiño' so llaalec ñi qota'a se nayiloxon quiyim roỹaxana 'naac lqaỹaripi.

Hebreos 5:5

Ca' chaqaida 'neeta nqohin so Cristo; so'maxare se nanoiquentac 'naac quiyim lashi na netaxaỹaxanqajanqaipi, ta'ta'a quiyim chaqaiñi ñi qota'a ỹaanem da lemaqachic. Ma' chaqaido' dá'maq 'naaco' na'le: Qami' na' qami' ỹaalec, saañiraxarom da rca'laxa'e' nagui.

1 Juan 4:14

Chaqai qomi' ỹaatqajam seuanqachigui, ca' sa'xatqatac, quiyim ñi qota'olec nela' so llaalec, ma' ỹahotaque nca'laxatec na qomyipi hueetalec ana 'laua.

1 Juan 4:9

Ñi qota'a ichoxot da le'xorenataxanaxa coqomi' na' nela' so 'oonoqui' llaalec quena 'laua, qaiyi 'ue ca qarca'laxa chicqochigui nqai'en so'maxare.

2 Juan 1:7

Ma' 'xoic na 'maatqaiquipi ỹouoxontac na 'laua quená'maq sqai huelec quiyim so Jesucristo ỹaatqajam qom na' novi'. Ca cá'maq 'neetari' dajo, ca' chaqaica cá'maq 'maatqaic chaqai npa'guenaxaua so Cristo.

Apocalipsis 19:13

Ỹansañi saua noho nqo'lecse' quena neuoripi. Chaqai da leenaxat so'maxare 'neetasa': La'qaatec ñi qota'a.

Apocalipsis 21:3

Ca' sa'xaỹaque so na'qaatec ỹaatqajam lam, 'maqot na piguim, 'naac: —Ñaqa 'ajñi', nagui ñi qota'olec ỹalequetaugui na qomyipi, ỹaatqajam lauoraripi. Na'maxare ỹaatqajam lauo' laseripi, chaqai chaqaiñi ñi qota'olec ỹalequetaugui yi'maxare, ca' lalamaxaret ñi qota'olec yi'maxare.