Juan 1:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' so'maxare nacpegue' ná'maq lalamaxaret na'laua, qam ná'maq lalamaxat lauo' laseripi se icoñiguit so'maxare.

Juan 1:11 Iomraidhean Croise

Mateo 15:24

Ca' so Jesús 'naaco': —Ñi qota'olec yilata qainaata na llaalqaipi so Israel, ma' 'neetari' aca qagreta ỹo'meetajlec.

Lucas 19:14

Qam so qomyipi chi la'a' sojo 'laua ỹaatqajam ro'ỹa so'maxare. Ca' qaỹa'vio' saua qailate' coỹaresalec so'maxare quiyim qohinac: “Qomi' se sa'maxarenaq quiyim qarashi najo ỹale.”

Juan 1:10

Ca' só'maq qohinaco' quen na'qaatec mashic hueetalec na 'laua. Chaqai 'eno'm ñi qota'olec ỹachigoxochichigui so'maxare na' ỹo'uet na 'laua, qam ná'maq hueetalec na 'laua se ỹa'den so'maxare.

Juan 1:12

Qam qaiyiita 'uo' ná'maq ỹacoñiguit chaqai huelec so'maxare, ca' chaqaina ná'maq ỹaanem quiyim ỹaatqajam 'chichiguiñi llaalqaipi ñi qota'olec.

Juan 19:27

Ime, ca lotqai 'naapego' só'maq lapaxaguinatec: —'Ada hueete'ena dá'maq qachii'i'. Ca co'na'le, ca chaqaiso so na'xa'a, ca só'maq lapaxaguinatec ỹauegueu'a yi la'a' aso'maxare.

Juan 3:32

chaqai ỹa'xat ná'maq iuanchigui chaqai ná'maq 'xaỹa. Qam qaica cá'maq huelec dá'maq ỹa'xat.

Hechos 13:26

Qamiri ỹaqaỹarolqa, llaalqaipi so Abraham, chaqai ná'ogue ná'maq no'cha'a ñi qota'olec: qomá'ogue taỹauguilo da na'qaatec chicqaugui da nca'laxa.

Hechos 13:46

Qam so Pablo chaqai so Bernabé se no'chirelec da letaxaỹaxague', ca 'neraco': —Qam 'eco' paguec la'maxa quiyim sa'auaxanaxe' qamiri quiyim sa'xataq da la'qaatec ñi qota'a ma' qamiri judío lase'; qam sqai coñiguit, chaqai sqa 'maxariñii quiyim viriỹau'a yi nca'laxa sqaica lqodoc, ca' nagui, ca qolaqpegue' na mesqai judioipi.

Hechos 21:6

Ca sahoqai la'xaỹaxac, ca ñqa'aalqata'piguit, ca yinotaxashiguim caso qom lahi' huaxaỹaqse. Ca saua'maxare pila'alo naua la'aate'.

Romanos 15:8

Ma' quedá'maq shinac, quiyim so Cristo nanac ma' ỹahotaque quelola na judioipi, ma' ỹahotaque ipacqajanchigui ỹo'uet dá'maq qaỹachaxantapeguem na'le so 'auaxaic qareta'allipi, qaiyi ichoxot quiyim ñi qota'olec ipacqajanchiguilo nauá'maq ỹachaxanta'pe.

Romanos 9:1

Ỹaatqajam lliqueta da sa'xatetac, ma' ỹim mashic seuelec so Cristo chaqai se ña'majantac. Ma' da ỹa'deenataxanaxac ỹoiquentac so Espíritu Santo, ca' i'taxajñi caỹim quiyim lliqueta dá'maq sa'xat.

Romanos 9:5

Na'maxare chaqai llaalqaipi so 'auaxaic qareta'allipi, chaqai da re'qoochigui no'ueenataxac na'maxare chicqotougui so Cristo. Ca' qoỹanagui so'maxare quiyim qota'olec quená'ogue, ca qaiyi se neme quiyim qaimaqachintac. Ajá'a, ca chaqaida 'neeta dajo.

Gálatas 4:4

Qam na' ỹovita ca laloqo', ca' ñi qota'a nela' so llaalec, ne'qaañi nqai'en caso 'aalo, chicqotougui nqai'en na judioipi ma' hueetaugui da lapaxaguinataxanaxac na naqataxaquipi.