Juan 1:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' só'maq qohinaco' quen na'qaatec mashic hueetalec na 'laua. Chaqai 'eno'm ñi qota'olec ỹachigoxochichigui so'maxare na' ỹo'uet na 'laua, qam ná'maq hueetalec na 'laua se ỹa'den so'maxare.

Juan 1:10 Iomraidhean Croise

Génesis 16:13

Ca' aso Agar na' ime retaqata'pegue' so nelaatec piguim le'ec, ca ỹanco' Ñi qota'olec ñí'maq reuanaxan, ma' 'naaco': Ñi qota'olec iuañiua', qam ñaq yca'leetauec.

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Génesis 18:33

Ca co'na' ñi qara'gaxala' ỹomat quiyim retaqata'pegue' so Abraham, ca' ca'e yí'maq hueete'e. Ca' so Abraham pilougui so lauo' na'daañi.

Isaías 53:3

na ỹalliripi se icoñiguit chaqai ỹo'da'guit. Queso ỹale ỹaatqajam 'xoic na nqui'ic chaqai da le'xoric. Mashic 'ec cá'maq se sa'maxarenaq seuanaxa, qomi' lliỹoxosqa'piguit, qaica ca sauaqaque.

Mateo 11:27

Ñi ita'a ỹomato'ot aỹim ná'ogue nanchaqaina. Ca' qaica cá'maq ỹaatqajam ỹa'den najo llaalec, ta'ta'a ñí'maq leta'a. Chaqai qaica cá'maq ỹaatqajam ỹa'den ñi'maxare, ta'ta'a najo llaalec chaqai ná'maq na llaalec ỹahotaque ỹa'deenaxanaxanegue ñi'maxare.

Juan 1:11

Ca' so'maxare nacpegue' ná'maq lalamaxaret na'laua, qam ná'maq lalamaxat lauo' laseripi se icoñiguit so'maxare.

Juan 1:18

Ñi qota'olec qaica iuanapega, qam so 'oonoqui' llaalec só'maq ỹaatqajam neeto'ot ñi'maxare ñí'maq leta'a, chaqaiso só'maq ỹa'deenaxanaxanque qomi' ñi qota'olec.

Juan 1:3

Ca' ñi qota'olec ỹachigoxochichigui so'maxare na' ỹo'uet ná'ogue nanchaqaina, chaqai quená'ogue ná'maq mashic 'ue, qaica quet cá'maq sqa chicqaugui so'maxare.

Juan 1:5

Ca' da lauaq na' naviguec quena napalaxa, ca na napalaxa se ishit ỹo'mat.

Juan 17:25

Qami' ita'a 'maxaraic dá'maq 'viichi', na qomyipi hueetalec na 'laua se ỹauanapega qami', qam ỹim seuañiraxaua', chaqai nauajo shi'gue ỹa'deene' quiyim qami' yilachi'.

Juan 5:17

Qam so Jesús 'naaco' queso qomyipi: —Ñi ita'a ñaqai ro'ueenataxantac, ca' ỹim qai'neeta so'ueenataxan.

Hechos 14:17

Qam ñaqaiyiita da nachaxanaxac ñi'maxare, quedá'maq no'uen lo'ueenataxanaxac, quena' ỹa'ue na ỹaxat, chaqai lo'yaxanec nqai'en na laỹaxac na nanecsec, chaqai sqoue nqai'en ca qonoq, ca' qomi' ñitoonqatac.

1 Corintios 1:21

Ca ma' ñi'maxare ỹa'deentalec cá'maq ỹo'uet, ca ỹo'uet quiyim se qaỹa'den quená'maq na'deenaxanaxa huelecna. Chaqaidaata quiyim ỹahotaque nca'laxatec ná'maq huelec ñi'maxare, chicqochigui nqai'en da la'qaatec, 'eno' 'ec mogollishic quená'maq liỹa qomyipi.

1 Corintios 2:8

Na nashillipi hueetalecna qaica ca ỹa'den dajo na'deenec. Ma' quet ỹa'den, ca se qaipateno so choxoraic qara'gaxala'.

1 Corintios 8:6

Qam qomi' sa'deenqata quiyim 'oonoqui' ñi qareta'a, leenaxat qota'olec. Ñi'maxare ỹo'uet ná'ogue nanchaqaina chaqai ỹa'vii qomi', ca' qomi' lalamaxarete'. Chaqai 'oonoqui' so qara'gaxala', leenaxat Jesucristo, só'maq ñi qota'a ỹachigoxochichigui ná'ogue ná'maq hueetalecna, chaqai vire'talo qomi'.

Colosenses 1:16

Ma' ỹachigoxochichigui so'maxare na'le, ca' ñi qota'a ỹo'uet ná'ogue nanchaqaina quená'maq 'ue quena piguim chaqai quena 'laua; ca' 'ue ná'maq se re'xogui, chaqai ná'maq re'qoochigui, chaqai na relaataxanac, nashillipi, na'gaxalateripi, chaqai na nquesaxanaxa se re'xogui; ná'ogue chicqochigui nqohin so'maxare. Chaqai ná'ogue chi lalamaxareteripi so'maxare.

Hebreos 11:3

Chicqochigui da qarpi'ỹaxac quiyim qomi' sa'deenaq quiyim ñi qota'a lo'ueenatec ná'ogue na 'laua, ỹahota'ahi naua la'qaatqa. Vichiguiño' ná'maq seuanaxa 'ue nagui chicqochiquio' na'le cá'maq se re'xogui.

1 Juan 3:1

Ñaqai 'ajñii dá'maq chalego le'xorenataxanaxa ñi qota'olec coqomi' quiyim qohinac qomi' llaalqa ñi'maxare, qam llic qomi' llaalqa. Vichiguiño' ná'maq ñaq ỹo'ueetetac na nanatec hueetalec ana 'laua se ỹa'deene' qomi', ma' se ỹa'den ñi qota'a.