Josué 6:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' so Josué roỹaxanougui so netaxaỹaxanqajanqaipi, ca 'naaco': —Coñiỹot añi lahi' naua laqataxaco ñi qara'gaxala'. Ca' siete caua 'auete' caqamiri, 'avitauec cañi lahi' naua naqataxaco, pi'chiitapiguilo caua rpi'chii qagreta loua' lasote.

Josué 6:6 Iomraidhean Croise

Éxodo 25:14

Ca nocqajñiro queetouguilo nqai'ñi' caua dególla neesau'e na lahi aca ro'ueenata'e', ca' chi neconqa ma' qai'xat.

Hechos 9:1

Qam ñaqaiso so Saulo queetalec quiyim ỹadentalec ná'maq huelec so qara'gaxala' Jesús. Vichiguiño' quepegue' so lashi na netaxaỹaxanqajanqaipi,

Josué 24:11

Ca na'le, ca' qamiri paguiỹa'ta aso lachiugue Jordán, chaqai viriỹau'a yi Jericó. Ca só'maq neeta'ñi yi Jericó, amorreoipi, ferezeoipi, cananeoipi, hititaipi, gergeseoipi, heveoipi chaqai so jebuseoipi, so'maxare nalauajto qamiri. Qam ỹim so'uet quiyim qadoxoñiguii so'maxare.

Josué 3:3

Ca' 'ue da naqataxac qoỹaanem so Israel llaalqaipi: —Ma' huañii'tegue ana laqataxaco lahi' ñi qara'gaxala' qai'xateta quena qaretaxaỹaxanqajanqaipi quena' qaretaxaỹa'pegue' ñi qota'olec, ca' nenoxoñiuec, quiigue, coỹaritauo.

Josué 3:6

Ca' quesaua netaxaỹaxanqajanqa 'naaco': —Coñiỹot añi naqataxaco lahi', ca' paguiỹa'ta ana lachiugue, 'avita quena qomyipi. Ca' saua netaxaỹaxanqajanqa ỹacontot aso naqataxaco lahi', ca' 'auesaxasom queso qomyipi.

Josué 6:13

Ca' saua siete netaxaỹaxanqajanqa 'auesauec caso lahi' saua naqataxaco, sqai hua'e chaqai sqai ỹaxanñi da lpe'taxanaxac caso lpe'te.

Josué 6:5

Ca ma' qamiri 'xaiỹaque cá'maq ỹaatqajam no'uen npe'taxanaxac, ca' qamiri ỹaatqajam nichiñigue ca raualaxaguii, ca' na nquepaqataxanaxat 'guiñi ma'le. Ca' ma'le, ca' quiñi 'óna caqamiri ỹalamaxateta'a yi na'a'.

Josué 6:7

Ca' queso liỹa qomyipi, ca 'naaco' so Josué: —Ca' na ỹalliripi nalauataxairipi, ca naqaletenlec na na'a', 'auetauec cañi lahi' naua laqataxaco ñi qara'gaxala'.

Josué 6:8

Ca sá'ogue ỹo'uet dá'maq qohinapega queso Josué. Saua siete netaxaỹaxanqajanqa 'auesauec caso lahi' saua laqataxaco ñi qara'gaxala', pe'teesapigui saua siete lpe'tel. Ca' coỹaretauo aso lahi' saua naqataxaco.

1 Samuel 4:3

Ca co'na' rapila yi nco'matqa' so nalauataxairipi queso Israel llaalqaipi, ca' so qo'xoiquipi quiyi Israel 'naaco': —¿Chi'neco' ñi qara'gaxala' ỹasenterec quiyim qomi' loxonqa na filisteoipi? ¡Se'guenqa'a aca lahi' naua laqataxaco ñi qota'olec quiyi Silo, qaiyi qariỹaatac ma'le ñi'maxare, ca' ro'ootaxanlgoto qomi' ma'le quena qanpa'guenaxauaripi!