Josué 6:23 - La'qaatqa ñi qota'olec Qota'olec & Qota'olec Novita Na Qomyipi

²³ Ca saua'maxare quera'a, ca' naueguerec aso Rahab, chaqai so leta'a, aso late'e, so lqaỹaripi, chaqai sá'ogue so lauo' laseripi. Ca' qaỹa'ue ca qoỹana'ñi qaỹa'maxachichiguiñi ỹoqota'oga nqohin queso lanatqa' so Israel llaalqaipi.

Josué 6:23 Iomraidhean Croise

Génesis 12:2

Ca' queca qachaalaxai'pi, ca' sachigoxochichigui ca ni'ic lodegaxat; chaqai saanem qami' da iqouagaxa, chaqai so'uet quiyim qami' choxoraic ma'le, chaqai chicqochigui qami' ma'le ca la'maxa na liỹaripi.

Génesis 18:24

Ma' sqoue 'ue ca ỹovite' cincuenta caua sqaica ca lasauaxasete' quiyi na'a'. Qam ¿peeta'a qaiyiita nomachichiriñi yi na'a', ca' sqai 'xoriñi' chicqochiguilo caua cincuenta?

Génesis 19:29

Ca' chaqaida 'neeto' na'le na' ñi qota'olec nopoxoỹaxachiñi sauajo na'aate' quesó'maq ca'megue neeta'ño' na'le so Lot. Qam ỹo'leenta'a so Abraham, ca naqata'a so Lot na' nopoxoỹaxachiñi yaua'maxare.

Hechos 10:28

Ca' so Pedro 'naapego' so qomyipi: —Qamiri 'yiiñita queca judío le'ec qaỹapaxaguinegue quiyim ỹaatqajam se qaỹashiñiguit quiyim ỹalequeta'guit ca ỹoqa'a qomyipi loqo'm inoxonougui ca lauo'. Qam ñi qota'olec yapaxaguinegue quiyim sqai shinapega napio'o loqo'm se no'uen canchaqaica qom.

Hechos 27:24

Ca' so nelaatec 'naapiguiỹa': “Qami' Pablo, totaxan ro'chi'i', ma' ipacalec quiyim vichira'a ma'le ñi nashi na'ñi yi Roma. Vichiguiño' ma' chaqaqami' ná'maq 'em quiyim ñi qota'olec nca'laxatec ma'le ná'ogue ná'maq neetañigui ana rahiri.”

1 Corintios 5:12

Ma' ỹim se seshit quiyim sa'aualec quiyim semit ca saqa' icoñiguit da na'qaatec, ma' ñi qota'a ñí'maq imit ma'le ca'maxare. Qam qamiri ishit quiyim 'ñiỹapega ná'maq mashic icoñiguit da na'qaatec. Ca vichiguiño' naqachii cajo sauaqhuaic neetanguilo qamiri.

Efesios 2:12

Ma' queca'maxare na'le qaica so Cristo caqamiri, ca' ỹoreta'ogalo na'le qamiri quena llaalqaipi so Israel, chaqai sqa 'yiiñii dá'maq 'maqataxac chaqai dá'maq ỹachaxantac ñi qota'a. Ca' viitalec najo 'laua, qam qaica ca naquitaxaguii, chaqai qaica ñi qota'a caqamiri.

Hebreos 11:31

Qai'neeta 'uo' da lpi'ỹaxac aso Rahab só'maq nanatqa lo'o', ca' se ileu, sqai queeta'ñi' só'maq se na'xaỹaxan. Ma' aso'maxare ỹaatqajam quelolalo' na'le saua la'ajnaxanqajanqa so llaalqaipi so Israel.

Hebreos 11:7

Ma' 'uo' da lpi'ỹaxac so Noé, ca co'na' qaỹaqata quiñi qota'a so'maxare quiyim 'ue ma'le ca naatalec saqa' re'oq. Qam so'maxare ỹaatqajam huejlec, ca' ỹo'uet aso lahi' huaxaỹaqse, qaiyi nca'leuec so llaalqaipi. Ca ma' 'ue da lpi'ỹaxac so'maxare, ca re'oq nqai'en quiyim 'ue ca nouaxanaxaset ná'maq qaica ca lpi'ỹaxac hueetalec ana 'laua, chaqai ỹovireta'a quiyim ỹaatqajam qaỹa'maxarenta. Ma' ñi qota'a ỹaatqajam ỹa'maxarenta cá'maq 'ue ca lpi'ỹaxac.

Josué 2:13

chaqai qaica ca 'ñiigue queda nachaalataxac ñi ita'a, añi ỹate'e chaqai naua ỹaqaỹa' ỹale' chaqai naua 'aalo, chaqai ná'ogue ná'maq chi lalamaxaret, ¡nca'leuec nqai'ñii!

Josué 2:16

Ca 'naapegalo': —Quiishi'megue ana qa' ladocai, qaiyi se qaỹanatalo qamiri quecá'maq idaañitapegaxari. Nañoxochiñi quiyi'maxare quecaua tres na'xata', toco' ma' liỹa noviro quena na'a'. Ime, ca' qaigueme repaguiỹa quecá'maq 'iỹa'gue.

Josué 2:18

Qam ma' qomi' ñinoxonaxau'a najo 'laua, ca' qami' coñichiro najo ñic toc cañi nqote na qauochi' cañí'maq queetouguilo nqai'ñi' qomi'. Ca ma' ime, ca lapooñirata' quena ra'aachi' ca qataa'i', qachii'i', caua rqaỹachi', chaqai ná'ogue na lauoyac ca qataa'i'.