Josué 6:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Najo na'a' chaqai ná'ogue ná'maq hueetaugui na'maxare, na'maxare qoỹaanec quiyim ná'ogue nomachiichiguiñi, ma' ñi qara'gaxala' chaqaida dá'maq ỹahotaque. Qañiita añi nanatqa lo'o' leenaxat Rahab qanca'laxatetauec chaqai ná'maq neeta'ñi yi la'a', ma' ñi'maxare ỹoxochiñi na'le saua na'ajnaxana' ñilataxai' na'le.

Josué 6:17 Iomraidhean Croise

Génesis 12:3

Ca' ỹim se'xoren cá'maq re'xoriñi', chaqai se se'xoren cá'maq se re'xoriñi'; chaqai chicqochigui qami' ma'le quiyim yqouaguegue ná'ogue na qomyipi quena 'laua.

Esdras 10:8

Ca no'm 'ue ca se noviro ma' ỹovirerec saua naloqojonqa tres na'xata', sauá'maq laloqojonqa so na'gaxalateripi chaqai so qo'xoiquipi, ca' qarouootaxana'gue cá'ogue ca la'a', ca' qaỹo'daauec quená'maq chita'gue novi'.

Mateo 25:40

Ca cá'maq nashi 'naac ma'le quesaua'maxare: “Ỹaatqajam llic da shinac caqamiri, quená'ogue ná'maq 'ñii'tegue quena ỹaqaỹaripioqui' 'ec qaica ca 'negue, ca' dajo 'ñii'tegue caỹim.”

1 Corintios 16:22

Ca no'm 'ue ca se nqo'ta so qara'gaxala' Jesucristo, ca ca'maxare hueetalec da chalego lecaic nouaxanaxaset. ¡Qami' qara'gaxala', ma'le sqaỹaloq rapilli'!

1 Corintios 2:7

Qaidaata dajo na'deenec sa'xatqatac, dá'maq se re'xogui chicqo'ot ñi qota'a. Da'maxare chaqaido' da ỹahotaque ñi'maxare na' saqa'leca na 'laua na' ỹahotaque da qarca'laxa sqaica lqodoc.

Gálatas 3:10

Ná'maq illiitagui da lpi'ỹaxac ná'maq naqataxaquipi chicqo'ot so Moisés, na'maxare tai'a dá'maq chalego lecaic nouaxanaxaset. Ma' naua naneresañi la'qaatqa ñi qota'a 'nerecsa': “Ná'ogue ná'maq se ipacqajñigui ná'ogue ná'maq naneretalec aso lere naneraxalate na naqataxaquipi, ca na'maxare hueetalec na chalego lecaic nouaxanaxaset quiñi qota'a.”

Gálatas 3:12

Da naqataxaquipi chicqo'ot so Moisés se ỹalecqajno da npi'ỹaxac. Ta'ta'a quiyim 'naac: “Cá'maq ipacqajanchiguilo quiyim ỹo'ueete' naua'que nauajo, ca chicqaugui ma'le ca nachaalataxac.”

Deuteronomio 20:17

Ta'ta'a quiyim ná'ogue nimiichiguiñi nqai'ñii. 'Ec nqai'ñii aca rachitaxanataxanqachii quiñi qara'gaxala' na hititaipi, amorreoipi, cananeoipi, ferezeoipi, heveoipi chaqai na jebuseoipi, ma' chaqaida dá'maq 'naac ñi qara'gaxala'.

Hebreos 11:31

Qai'neeta 'uo' da lpi'ỹaxac aso Rahab só'maq nanatqa lo'o', ca' se ileu, sqai queeta'ñi' só'maq se na'xaỹaxan. Ma' aso'maxare ỹaatqajam quelolalo' na'le saua la'ajnaxanqajanqa so llaalqaipi so Israel.

Hebreos 6:10

Ma' ñi qota'a ỹaatqajam ipaquichigui nqai'en da la'qaatec, chaqai se coua'e dá'maq 'ñiitari' ma' chaxañita da re'xorenataxanaxahi quiñi'maxare quena' tauañii na qarqaỹaripi qarpi'ỹaxauaripi, dá'maq ñaqaida quiitalec 'viichitac.

Santiago 2:25

Ca' dá, 'neeto' na'le aso nanatqa lo'o', leenaxat Rahab; ñi qota'a ỹa'maxarenta, ca' 'naapega quiyim lo'yaxana 'aalo quedá'maq ỹo'uet. Ma' so'maxare la'qarañi nqai'ne' quiyi la'a' saua qaỹauaapigui na'ajnaxanqajanqa, chaqai ỹotauane' quiyim ỹoqa'a ca nayic queetere'uegue nqai'ne'.

Josué 2:1

Quiyi Sitim, ca' so Josué ỹa'vii saua ilate' nemootaxanterec dos ỹale', ca 'naapegalo': —'Ajnaxañiỹa yi 'laua yí'maq neetalec yi na'a' lodegaxat Jericó. Ca saua'maxare que', ca ỹovirera'o' yi la'a' aca 'aalo nanatqa lo'o' quiyi Jericó, leenaxat Rahab. Ca huera'ño' lelaxasqote' queca pe.

Josué 2:22

Ca' saua dos na'ajnaxanqajanqa que', ca nqañoxoterougui aso qa' ladocai quesaua tres na'xata'. Ca' so nouaataxanyipi ỹaatqajam nimitetapigui, qam se ỹanatalo saua'maxare, vire'ta na' pilda'a yi Jericó.

1 Samuel 15:3

Ca vichiguiño' nagui quirepegue', nalauachire'e'; qam ỹaatqajam nomachichiriñi, liỹa'ñi' nqai'ñi' ná'ogue na lalamaxareteripi; lauachi' na ỹalliripi, 'aallipi, ñaaqaipioqui', vire'ta na chita'gue ne'qaañi, chaqai na toorollipi, qagretaipi, nauaanaxanaxa late'ellipi chaqai na 'ashinyipi.

1 Samuel 15:6

Ca 'naaco' queso quenitaipi: —¡'Uo' ca 'iigue, totaxan ñiitañigui na Amalec llaalqaipi, qaiyi sqai quiita'ñi' na'maxare ma' ñalauataxañi! Ma' qamiri 'maxachii'tegue na'le na llaalqaipi so Israel na' chicqota'gue da Egipto. Ca' so quenitaipi ca'e so neetañigui Amalec llaalqaipi.