Josué 6:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca na' ỹovire'oga so liỹa na'xa'a na' nalagaxashiguim so na'xa'a, ca qaỹaqaleten yi na'a' dá'maq chi qohinta'co' quen, qam quesojo na'xa'a, ca' siete qanaqaletenlec.

Josué 6:15 Iomraidhean Croise

Mateo 28:1

Ca co'na' ỹoxe'uegue so na'xa'a co'mataxaqui, chaqai mashic sham richiguiñi quesó'maq 'auaxaic na'xa'a quenaua no'ueenataxanaxaqui', ca' aso María lase yi Magdala chaqai aso liỹa María que' ra'ajnaxanda'a aso lahi' so Jesús.

Hebreos 11:30

Qai'neeta queda npi'ỹaxac, ca 'guiño' na'le so lapooque' yi na'a' Jericó, co'na' ime' saua siete na'xata' quiyim so Israel llaalqaipi ỹaqaletentac yi'maxare.

Josué 3:1

Ca' queso liỹa nete'e na' nete'etam, ca' so Josué chaqai sá'ogue so Israel llaalqaipi eec ca'e yi Sitim, ca' ỹovita aso lachiugue Jordán. Qam na' saqa' ỹapacta, ca' nco'matec.

Josué 6:14

Ca' queso liỹa na'xa'a, ca lotqai liỹa ỹaqaletenlec yi na'a', ca lotqai pila'a ca nco'matqa'. Ca' chaqaida 'neeta'gue quesaua seis na'xata'.

Josué 6:16

Ca co'na' so netaxaỹaxanqajanqaipi siete pe'taxan. Ca' so Josué 'naaco' queso qomyipi: —¡Raualaxahi! Ñi qara'gaxala' ỹo'uet quiyim qadoxoñiguii najo na'a'.

2 Pedro 1:19

Qam qai'neeta 'ue da liỹa paguec 'chichiguiñi, ca' dajo chaqaida dá'maq la'qaataxanaxague' saua letaxaỹaxanqajanqa ñi qota'a mashic qoỹeretañi. Ca' qamiri 'maxaraic quiyim ỹaatqajam na'xaỹaxañii'ta dajo na'qaatec, ma' 'neetari' aca ncoỹeraxanaxaqui naviguec queca lapalqa', ỹovireta'a quiyim mashic richi'guit ca na'xa'a chaqai aca huaqajñi nete'ese nenoxonshiguim, ca' coỹarelgoto naua re'taxanatahi.