Josué 6:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' saua siete netaxaỹaxanqajanqa 'auesauec caso lahi' saua naqataxaco, sqai hua'e chaqai sqai ỹaxanñi da lpe'taxanaxac caso lpe'te.

Josué 6:13 Iomraidhean Croise

Mateo 24:13

Qam cá'maq se nañaxanñi, chi ỹovireta'a ca lqodoc aca lqauaxaqui, ca chaqaica cá'maq qanca'laxatec.

Gálatas 6:9

Ca' vichiguiño' 'maxaraic quiyim se qarco'te'guesop quiyim so'ueetqatac ca ỹa'maqachiguiñi; ca no'm se qarco'teuec, ca ma' ỹovita ca laloqo', ca seconaxaguit ca laseue' cá'maq so'ueetqatac.

Josué 6:12

Ca' queso liỹa nete'e na' nete'etam, ca' so Josué ne'laxashiguim, ca' so netaxaỹaxanqajanqaipi ỹaconot aso lahi' saua naqataxaco.

Josué 6:14

Ca' queso liỹa na'xa'a, ca lotqai liỹa ỹaqaletenlec yi na'a', ca lotqai pila'a ca nco'matqa'. Ca' chaqaida 'neeta'gue quesaua seis na'xata'.

Josué 6:4

Siete caua netaxaỹaxanqajanqa 'auesauec caso lahi' naua ỹaqataxaco, quiñi 'óna no'qoota'a aca lpe'te qagreta loua' lasote. Ca' ma' ỹovire'oga ca liỹa na'xa'a, ca' siete qallichiñi yi na'a' quiyim na netaxaỹaxaquiripi ñaq pe'teetapigui na lpe'tellipi.

Josué 6:9

Ca' so ỹalliripi nalauataxairipi 'auetauec queso netaxaỹaxanqajanqaipi. Ca' so liỹaripi nalauataxairipi coỹaretauo caso lahi' saua naqataxaco. Ca' so netaxaỹaxanqajanqaipi se nco'majñi pe'teetapigui na lpe'tellipi.