Josué 3:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' qami' 'ñirapega na netaxaỹaxanqajanqaipi ná'maq i'xateta añi lahi' naua naqataxaco quiyim ma' ỹoviraxasom quena lahi aso Jordán, ca' nachajñi, hueetañigui yi huaxaỹaq caso lachiugue.

Josué 3:8 Iomraidhean Croise

2 Reyes 2:6

Ime, ca lotqai 'naaco' so Elías queso Eliseo: —Qovire'e quenajo, ma' ñi qara'gaxala' yilata aso lachiugue Jordán. Qam so Eliseo 'naaco' queso'maxare: —Saanec da ỹa'qaatec quiñi qara'gaxala' chaqai caqami' quiyim se ñodaqajñiterec qaqamite'. Ca co'na'le, ca que', niỹareta'pe.

Éxodo 14:13

Qam so Moisés 'naaco' queso qomyipi: —Sqaica ro'chiỹaque queda 'ñiitari'. Chaqaida 'ñiitari', ca' 'ajñii cá'maq lo'ueenataxanaxac ñi qara'gaxala' quiyim nca'laxaterec qamiri, ma' tot qaica ma' liỹa quet huañiỹa ná'maq daañita'guit nagui Egipto laseripi.

Josué 3:17

Sá'ogue so qomyipi pacta aso lachiugue leenaxat Jordán, qam so que'ejta'gue llima. Ca só'maq netaxaỹaxanqajanqaipi só'maq i'xateta aso lahite' saua laqataxaco ñi qara'gaxala' ỹaatqajam nachaachichiriñi quena lavinñi so Jordán quiyi 'laua ra'ñijlec. (4.1—5.15 Qaiconalo saua doce qari quiyi Jordán. Ime, ca' nco'matec quiyi Gilgal.)

Josué 3:3

Ca' 'ue da naqataxac qoỹaanem so Israel llaalqaipi: —Ma' huañii'tegue ana laqataxaco lahi' ñi qara'gaxala' qai'xateta quena qaretaxaỹaxanqajanqaipi quena' qaretaxaỹa'pegue' ñi qota'olec, ca' nenoxoñiuec, quiigue, coỹaritauo.

Josué 3:7

Ca co'na'le, ca' ñi qara'gaxala' 'naaco' queso Josué: —Taachi'ñi quenajo na'xa'a, ca' so'uet quiyim naua'que na'xata' nqo'neetauec paguec qaremaqachiñi' quena Israel llaalqaipi, qaiyi na'maxare iuana ma'le quiyim qami' iỹaatac, 'nejem dá'maq shintari' na'le queso Moisés.

Josué 3:9

Ca' so Josué 'naac queso llaalqaipi so Israel: —Nqo'ñiiuo, ca' na'xaỹaxañiỹa ca la'qaatec ñi qara'gaxala' qota'olec.